Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 апрели соли 2007, №172

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомнома дар бораи хусусиятҳои иҷозатномадиҳӣ ба баъзе намудҳои фаъолият, ки бо қарори Ҳукумати Ҷумҳурии Тоҷикистон аз 3 апрели соли 2007, № 172 "Оид ба тасдиқи Низомнома дар бораи хусусиятҳои иҷозатномадиҳӣ ба баъзе намудҳои фаъолият (дар таҳрири нав)" тасдиқ гардидааст, тағйиру иловаҳои зерин ворид карда шаванд:

1) боби 13 дар таҳрири зерин ифода карда шавад:

"Боби 13. Феҳристи ягонаи давлатии электронии иҷозатномаҳо ва феҳристи иҷозатномаҳо

1. Феҳристи ягонаи давлатии электронии иҷозатномаҳо-махзани ҷамъбастии маълумот ва иттилоот оид ба иҷозатномаҳое, ки дар низоми мустақим (он-лайн) дастрас мебошанд.

2. Феҳристи иҷозатномаҳо-маҷмӯи маълумот оид ба иҷозатномаҳои додашуда, азнавбарасмиятдаровардашуда, боздошташуда, барқароркардашуда, қатъкардашуда (бекоркардашуда), ки аз ҷониби мақомоти иҷозатномадиҳанда пеш бурда мешавад.

3. Қоидаҳои пешбурди феҳристи ягонаи давлатии электронии иҷозатномаҳо ва қоидаҳои намунавии пешбурди феҳристи иҷозатномаҳо аз ҷониби Ҳукумати Ҷумҳурии Тоҷикистон муайян карда мешаванд.";

2) дар банди 6 боби 23, банди 3 боби 24, банди 2 боби 25 ва банди 3 боби 29 калимаи "Саридораи" ба калимаи "Хадамоти" иваз карда шавад;

3) дар банди 2 боби 27 калимаҳои "Агентии сохтмон ва меъмории" ба калимаҳои "Хадамоти иҷозатномадиҳии фаъолияти шаҳрсозии Кумитаи меъморӣ ва сохтмони" иваз карда шаванд;

4) банди 4 боби 28 дар таҳрири зерин ифода карда шавад:

"4. Мақомоти иҷозатномадиҳанда:

- Кумитаи давлатии идораи замин ва геодезии Ҷумҳурии Тоҷикистон;

- Хадамоти иҷозатномадиҳии фаъолияти шаҳрсозии Кумитаи меъморӣ ва сохтмони назди Ҳукумати Ҷумҳурии Тоҷикистон вобаста ба корҳое, ки ба сохтмон алоқаманд мебошанд.";

5) банди 3 боби 30 дар таҳрири зерин ифода карда шавад:

"3. Мақоми иҷозатномадиҳанда: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон.";

6) дар банди 2 боби 32, бандҳои 2 ва 5 боби 33, банди 2 боби 34, бандҳои 2 ва 5 боби 35, банди 2 ва сархати якуми банди 4 боби 36 калимаҳои "Вазорати тандурустии" ба калимаҳои "Вазорати тандурустӣ ва ҳифзи иҷтимоии аҳолии" иваз карда шаванд;

7) дар сархати шашуми банди 3 боби 36, сархати панҷуми банди 4 ва сархати сеюми банди 5 боби 37, сархати чоруми банди 5 ва сархати сеюми банди 6 боби 61 калимаҳои "Академияи илмҳои Ҷумҳурии Тоҷикистон" ба калимаҳои "Академияи миллии илмҳои Тоҷикистон" иваз карда шаванд;

8) дар боби 37:

- банди 3 дар таҳрири зерин ифода карда шавад:

"3. Мақомоти иҷозатномадиҳанда: Агентии амнияти ядроӣ ва радиатсионии Академияи миллии илмҳои Тоҷикистон.";

- аз сархати панҷуми банди 4 калимаи "бехатарии" хориҷ карда шавад;

9) дар боби 38:

- дар банди 5 калимаи "нақлиёт" ба калимаҳои "нақлиёти Вазорати нақлиёти Ҷумҳурии Тоҷикистон" иваз карда шавад;

- дар бандҳои 12 ва 13 калимаҳои "Хадамоти давлатии назорат ва танзим дар соҳаи нақлиёт" ба калимаҳои "Хадамоти давлатии назорат ва танзим дар соҳаи нақлиёти Вазорати нақлиёти Ҷумҳурии Тоҷикистон" иваз карда шаванд;

- банди 15 хориҷ карда шавад;

10) дар боби 40:

- дар ном ва банди 1 калимаҳои "тотализаторҳо ва қиморхонаҳо" ба калимаҳои "кассаҳои тотализатор, идораҳои букмекерӣ ва бозии лото" иваз карда шаванд;

- дар сархати чоруми банди 3 калимаҳои "тотализаторҳо ва қиморхонаҳоро" ба калимаҳои "кассаҳои тотализатор, идораҳои букмекерӣ ва бозии лоторо" иваз карда шаванд;

11) дар бандҳои 2 ва 5 боби 41 калимаҳои "ҷавонон, варзиш ва" ба калимаи "рушди" иваз карда шаванд;

12) дар боби 45:

- банди 3 дар таҳрири зерин ифода карда шавад:

"3. Мақоми иҷозатномадиҳанда: Кумитаи бехатарии озуқавории назди Ҳукумати Ҷумҳурии Тоҷикистон.";

- сархати сеюми банди 4 хориҷ карда шуда, сархати чоруми банди мазкур дар таҳрири зерин ифода карда шавад:

"- шаҳодатномаи бақайдгирии маводи доруворӣ дар соҳаи байторӣ, ки аз ҷониби Хадамоти назорати давлатии тандурустӣ ва ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дода мешавад;";

13) дар банди 13 боби 50 калимаҳои "Вазорати нақлиёт ва коммуникатсияи" ба калимаҳои "Хадамоти алоқаи назди Ҳукумати" иваз карда шаванд;

14) банди 2 боби 51 дар таҳрири зерин ифода карда шавад:

"2. Мақоми иҷозатномадиҳанда: Кумитаи ҳифзи муҳити зисти назди Ҳукумати Ҷумҳурии Тоҷикистон.";

15) дар сархати якуми банди 18 боби 58 калимаҳои "Хадамоти давлатии назорат ва танзим дар соҳаи алоқа ва иттилоотӣ" ба калимаҳои "Хадамоти алоқаи назди Ҳукумати Ҷумҳурии Тоҷикистон" иваз карда шаванд;

16) дар боби 59:

- ба сархати чоруми банди 4 пас аз калимаҳои "фоиданоки маъмул" калимаҳои ", яъне омехтаи регу шағал аз маҷрои дарё ва сойҳо" илова карда шаванд;

- дар банди 6 калимаҳои "Вазорати энергетика ва саноати" ба калимаҳои "Вазорати саноат ва технологияҳои нави" иваз карда шаванд;

- дар банди 7 калимаҳои "Саридораи назорати" ва "Агентии заминсозӣ, геодезӣ ва харитасозии назди Ҳукумати" мувофиқан ба калимаҳои "Хадамоти назорати" ва "Кумитаи давлатии идораи замин ва геодезии" иваз карда шаванд;

- дар банди 17 калимаи "Саридораи" ба калимаи "Хадамоти" иваз карда шавад;

17) банди 2 боби 60 дар таҳрири зерин ифода карда шавад:

"2. Мақоми иҷозатномадиҳанда: Кумитаи ҳифзи муҳити зисти назди Ҳукумати Ҷумҳурии Тоҷикистон.";

18) дар боби 61:

- банди 3 дар таҳрири зерин ифода карда шавад:

"3. Мақомоти иҷозатномадиҳанда: Агентии амнияти ядроӣ ва радиатсионии Академияи миллии илмҳои Тоҷикистон.";

- аз сархати чоруми банди 5 калимаи "бехатарии" хориҷ карда шавад.