Ҳукумати Ҷумҳурии Тоҷикистон

ҚАРОР

Дар бораи Тартиби таҳияи тарифҳо барои хизматрасонии таъмини оби нӯшокӣ ва рафъи обҳои партов

Мутобиқи моддаи 15 Қонуни Ҷумҳурии Тоҷикистон "Дар бораи таъмини оби нӯшокӣ ва рафъи обҳои партов" вабо мақсади танзими минбаъдаи тарифҳои хизматрасонии таъмини оби нӯшокӣ ва рафъи обҳои партов дар ҷумҳурӣ, Ҳукумати Ҷумҳурии Тоҷикистон қарор мекунад:

1. Тартиби таҳияи тарифҳо барои хизматрасонии таъмини оби нӯшокӣ ва рафъи обҳои партов тасдиқ карда шавад (замима мегардад).

2. Хадамоти зиддиинҳисории назди Ҳукумати Ҷумҳурии Тоҷикистон якҷо бо ташкилотҳои таъмини оби нӯшокӣ ва рафъи обҳои партов дар асоси Тартиби мазкур тарифҳои хизматрасонии таъмини оби нӯшокӣ ва рафъи обҳои партовро муайян карда, тасдиқ намояд.

3. Хадамоти зиддиинҳисории назди Ҳукумати Ҷумҳурии Тоҷикистон якҷо бо субъектҳои хоҷагидори таъминиоби нӯшокӣ ва рафъи обҳои партов, новобаста аз шакли моликият,иҷрои Тартиби мазкурро таъмин намояд.