ФАРМОНИ ПРЕЗИДЕНТИ ҶУМҲУРИИ ТОҶИКИСТОН  

Дар бораи Агентии назорат дар соҳаи маориф ва илми назди Президенти Ҷумҳурии Тоҷикистон

Мутобиқи моддаи 69 Конститутсияи Ҷумҳурии Тоҷикистон фармон медиҳам:

1. Аз ҳисоби ихтисори воҳидҳои кори дастгоҳи марказии Хадамоти давлатии назорат дар соҳаи маориф ва сохторҳои тобеи он дар назди сарраёсат, раёсат ва шуъбаҳои маорифи мақомоти иҷроияи маҳаллии ҳокимияти давлатӣ, шумораи ниҳоии кормандони Агентии назорат дар соҳаи маориф ва илми назди Президенти Ҷумҳурии Тоҷикистон ба теъдоди 110 воҳиди корӣ (бе ҳайати хизматрасон), аз ҷумла дастгоҳи марказӣ 40 воҳид муқаррар карда шавад.

2. Низомнома, сохтори дастгоҳи марказӣ ва нақшаи идоракунии Агентии назорат дар соҳаи маориф ва илми назди Президенти Ҷумҳурии Тоҷикистон тасдиқ карда шаванд (замимаҳои 1,2 ва 3).

3. Ба Агентии назорат дар соҳаи маориф ва илми назди Президенти Ҷумҳурии Тоҷикистон 2 муовини директор, аз ҷумла як муовини якум, ҳайати мушовара иборат аз 7 нафар ва лимити мошинҳои сабукрави хизматӣ ба миқдори 3 адад муқаррар карда шавад.

4. Маблағгузории Агентии назорат дар соҳаи маориф ва илми назди Президенти Ҷумҳурии Тоҷикистон аз ҳисоби буҷети ҷумҳуриявӣ ва маблағҳои махсус дар мувофиқа бо Вазорати молияи Ҷумҳурии Тоҷикистон анҷом дода шавад.

5. Кумитаи давлатии сармоягузорӣ ва идораи амволи давлатии Ҷумҳурии Тоҷикистон барои бо бинои маъмурӣ таъмин намудани Агентии назорат дар соҳаи маориф ва илми назди Президенти Ҷумҳурии Тоҷикистон чораҳои зарурӣ андешад.

6. Ҳукумати Ҷумҳурии Тоҷикистон санадҳои меъёрии ҳуқуқии худро ба фармони мазкур мутобиқ намояд;