Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 1 марти соли 2004, №98

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба Низомнома дар бораи тартиби фурӯши объектҳои моликияти давлатӣ дар тендерҳо, ки бо қарори Ҳукумати Ҷумҳурии Тоҷикистон аз 1 марти соли 2004, № 98 "Дар бораи Тартиби фурӯши объектҳои моликияти давлатӣ дар музоядаҳо ва тендерҳо" тасдиқ шудааст, тағйироту иловаи зерин ворид карда шаванд:

- дар бандҳои 1, 4, 5, 25, 26, 67, 82, 99 ва номи боби XIV калимаҳои "инвеститсияҳо", "инвеститсионӣ", "инвеститсионии", "инвесторон", "инвесторони", "инвеститсия", "инвеститсияи" мувофиқан ба калимаҳои "сармоягузориҳо", "сармоягузорӣ", "сармоягузории", "сармоягузорон", "сармоягузорони", "сармоя", "сармояи" иваз карда шаванд;

- дар сархати сиюдуюми банди 1 ва сархати шонздаҳуми банди 26 калимаҳои "корхонаи" ва "корхонаҳо" мувофиқан ба калимаҳои "объекти" ва "объектҳо" иваз карда шаванд;

- зербандҳои якум ва дуюми банди 5 дар таҳрири зерин ифода карда шавад:

"Маблағи сармоягузории иштироккунандагони тендери сармоягузорӣ бояд на кам аз нархи ибтидоии объекти ба тендер гузошташударо ташкил диҳад.";

- дар банди 12 калимаҳои "Вазорати маорифи Ҷумҳурии Тоҷикистон", "Вазорати меҳнат ва ҳифзи иҷтимоии аҳолии Ҷумҳурии Тоҷикистон" ва "Вазорати тандурустии Ҷумҳурии Тоҷикистон" мувофиқан ба калимаҳои "Вазорати маориф ва илми Ҷумҳурии Тоҷикистон", "Вазорати меҳнат, муҳоҷират ва шуғли аҳолии Ҷумҳурии Тоҷикистон" ва "Вазорати тандурустӣ ва ҳифзи иҷтимоии аҳолии Ҷумҳурии Тоҷикистон" иваз карда шаванд;

- дар банди 48 рақами "350" ба рақами "700" иваз карда шавад;

- дар банди 104 калимаҳои "Нақшаи стратегӣ" ба калимаҳои "барномаҳо ва нақшаҳо" ва рақами "104" ба рақами "103" иваз карда шаванд;

- дар банди 109 калимаҳои "Санади супоридану қабул" ба калимаҳои "Санади иҷрои уҳдадориҳо" иваз карда шаванд;

- дар банди 110 калимаҳои "санади супоридану қабули саҳмияҳо" ба калимаҳои "санади иҷрои уҳдадориҳо" иваз карда шаванд;

- ба банди 111 зербанди нав бо мазмуни зерин илова карда шавад:

"Ҳуҷҷати тасдиқкунандаи ҳуқуқи соҳибмулкӣ ба саҳмияҳои фурӯхташуда иқтибос аз феҳристи дорандагони коғазҳои қиматнок мебошад, ки аз тарафи мақоми ваколатдори давлатӣ дода мешавад.";

- дар банди 113 рақами "112" ба рақами "111" иваз карда шавад;

- банди 121 дар таҳрири зерин ифода карда шавад:

"121. Ҳангоми камтар аз 50 фоиз иҷро гардидани уҳдадориҳо оид ба сармоягузорӣ ва зиёд намудани шумораи кормандон дар муҳлати то 24 моҳ аз рӯзи баста шудани шартномаи хариду фурӯш ва ҳангоми то ба 100 фоиз иҷро нагардидани уҳдадориҳо баъди ба охир расидани муҳлати тамдидшудаи дар банди 120 нишондодашуда, фурӯшанда дар давоми 1 моҳ баъди ба охир расидани муҳлати тамдидшуда шартномаро яктарафа бекор менамояд ва барои ҳар рӯзи ба таъхир гузошташуда аз санаи ба имзо расидани шартномаи хариду фурӯш аз нархи фурӯши объект ба андозаи 0,1 фоиз ҷарима меситонад.";

- бандҳои 122 ва 123 хориҷ карда шаванд;

- бандҳои 124 ва 125 мувофиқан бандҳои 122 ва 123 ҳисобида шаванд.

2. Ба Низомномаи дар бораи тартиби фурӯши объектҳои моликияти давлатӣ дар музоядаҳо, ки бо қарори Ҳукумати Ҷумҳурии Тоҷикистон аз 1 марти соли 2004, №98 "Дар бораи Тартиби фурӯши объектҳои моликияти давлатӣ дар музоядаҳо ва тендерҳо" тасдиқ шудааст, тағйироти зерин ворид карда шаванд:

- дар банди 33 рақамҳои "350" ва "15" мувофиқан ба рақамҳои "700" ва "30" иваз карда шаванд;

- банди 111 дар таҳрири зерин ифода карда шавад:

"111. Дар ҳолате, ки агар объект бастаи саҳмияҳо бошад, санади супоридану қабули саҳмияҳо, ки бо тартиби дар ин Низомнома пешбинишуда имзо шудааст, барои ворид намудани тағйирот ба феҳристи дорандагони коғазҳои қиматнок, ки бо тартиби муайяннамудаи қонунгузорӣ бурда мешавад, асос мебошад.";

- дар банди 113 калимаҳои "реестри саҳмдорони ҷамъиятҳои саҳомӣ" ба калимаҳои "феҳристи дорандагони коғазҳои қиматнок" иваз карда шаванд.