ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйирот ба фармони Президенти Ҷумҳурии Тоҷикистон аз 9 июни соли 2016, № 700

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба фармони Президенти Ҷумҳурии Тоҷикистон аз 9 июни соли 2016, №700 "Дар бораи сохтори дастгоҳ, нақшаи идоракунӣ ва шумораи воҳидҳои кории Суди Олии иқтисодии Ҷумҳурии Тоҷикистон" тағйироти зерин ворид карда шавад:

1. Дар банди 2 рақамҳои "97" ва "27" мувофиқан ба рақамҳои "112" ва "42" иваз карда шаванд.

2. Замимаи 1 фармони мазкур дар таҳрири нав тасдиқ карда шавад (замима мегардад).

Сохтори дастгоҳи Суди Олии иқтисодии Ҷумҳурии Тоҷикистон

1. Роҳбарият

2. Раёсати таъмини ташкили кори судҳо ва баррасии муроҷиатҳо

3. Раёсати коргузорӣ ва назорат

4. Шуъбаи муҳосибот ва таъминоти моддию техникии судҳо

5. Шуъбаи муносибатҳои байналмилалӣ ва мураттабсозии санадҳои меъёрии ҳуқуқӣ

6. Бахши кадрҳо ва корҳои махсус

7. Бахши омор ва ҷамъбасти амалияи судӣ