Ҳукумати Ҷумҳурии Тоҷикистон

ҚАРОР

Дар бораи масъалаҳои ҷамъияти саҳомии кушодаи "Ширкати Алюминийи Тоҷик"

Мутобиқи моддаи 53 Кодекси граждании Ҷумҳурии Тоҷикистон, моддаҳои 63 ва 64 Қонуни Ҷумҳурии Тоҷикистон "Дар бораи ҷамъиятҳои саҳомӣ" ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Оинномаи ҷамъияти саҳомии кушодаи "Ширкати Алюминийи Тоҷик" ва рӯйхати ҷамъиятҳои саҳомие, ки таҳти идоракунии ҷамъияти саҳомии кушодаи "Ширкати Алюминийи Тоҷик" қарор доранд, тасдиқ карда шаванд (замимаҳои 1 ва 2).

2. Шӯрои нозирони ҷамъияти саҳомии кушодаи "Ширкати Алюминийи Тоҷик" таъсис дода шуда, низомнома ва ҳайати он тасдиқ карда шаванд (замимаҳои 3 ва 4).

3. Ба номгӯи ҷамъиятҳои саҳомии кушодае, ки дар онҳо ҳуқуқҳои махсус ("саҳмияҳои тиллоӣ") татбиқ мегардад, ки бо қарори Ҳукумати Ҷумҳурии Тоҷикистон аз 28 июли соли 2009, № 432 "Дар бораи тасдиқи номгӯи ҷамъиятҳои саҳомии кушодае, ки дар онҳо ҳуқуқҳои махсус ("саҳмияҳои тиллоӣ") татбиқ мегардад" тасдиқ карда шудааст, банди 22 бо мазмуни зайл илова карда шавад:

"22. Ҷамъияти саҳомии кушодаи "Ширкати Алюминийи Тоҷик"".

4. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва ҷамъияти саҳомии кушодаи "Ширкати Алюминийи Тоҷик" тибқи тартиби муқарраргардидаи қонунгузорӣ ҷиҳати ҳалли масъалаҳои ташкилию ҳуқуқии ҷамъияти саҳомии кушодаи "Ширкати Алюминийи Тоҷик" чораҳои зарурӣ андешанд.

5. Қарорҳои Ҳукумати Ҷумҳурии Тоҷикистон аз 30 декабри соли 2007, № 651 "Дар бораи Корхонаи воҳиди давлатии "Ширкати Алюминийи Тоҷик" ва аз 20 феврали соли 2009, № 106 "Дар бораи таъсиси Шӯрои нозирони Корхонаи воҳиди давлатии "Ширкати Алюминийи Тоҷик" аз эътибор соқит дониста шаванд.