Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 марти соли 2014, № 145

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 2 қарори Ҳукумати Ҷумҳурии Тоҷикистон аз 3 марти соли 2014, №145 "Дар бораи Вазорати маориф ва илми Ҷумҳурии Тоҷикистон" рақамҳои "115" ва "75" мувофиқан ба рақамҳои "123" ва "83" иваз карда шаванд. Маблағузории 115 воҳиди корӣ аз ҳисоби буҷети ҷумҳуриявӣ ва 8 воҳиди корӣ аз ҳисоби маблағҳои махсуси вазорат анҷом дода шавад.

2. Ба Низомномаи Вазорати маориф ва илми Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 марти соли 2014, №145 тасдиқ шудааст, иловаҳои зерин ворид карда шаванд:

- дар банди 1 пас аз калимаҳои "васояту парасторӣ," калимаҳои "ҳифзи ҳуқуқҳои кӯдак," илова карда шаванд;

- дар банди 5 пас аз калимаҳои "таҳсилоти иловагӣ" калимаҳои ", ҳифзи ҳуқуқҳои кӯдак" илова карда шаванд;

- дар сархати якуми банди 7 пас аз калимаҳои "маориф ва илм" калимаҳои "ва ҳифзи ҳуқуқҳои кӯдак" илова карда шавад.

3. Ба Сохтори дастгоҳи марказии Вазорати маориф ва илми Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 марти соли 2014, №145 тасдиқ шудааст, сархате шашум бо мазмуни зерин илова карда шавад:

"Раёсати ҳифзи ҳуқуқи кӯдак".