Ҳукумати Ҷумҳурии Тоҷикистон

ҚАРОР

Дар бораи таъсиси муассисаи давлатии "Нигоҳдории нақбҳо ва шабакаи равшанидиҳӣ"

Мутобиқи моддаҳои 52 ва 132 Кодекси граждании Ҷумҳурии Тоҷикистон ва бо мақсади рушди соҳаи нигоҳдории роҳҳои автомобилгард ва беҳтар намудани истифодабарии иқтидорҳои техникии азнавбунёдгардидаи соҳа, Ҳукумати Ҷумҳурии Тоҷикистон қарор мекунад:

1. Муассисаи давлатии "Нигоҳдории нақбҳо ва шабакаи равшанидиҳӣ" бо мақсади идоракунии нақбҳои автомобилгарди вуҷуддошта, шабакаҳои навбунёди равшанидиҳӣ ва чароғакҳои роҳнамо дар роҳҳои автомобилгарди аҳамияти байналмилалӣ ва ҷумҳуриявидошта таъсис дода шавад (қарори Ҳукумати ҶТ аз 25.11.2021, №503).

2. Вазорати нақлиёти Ҷумҳурии Тоҷикистон ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон масъалаҳои ташкилию ҳуқуқии муассисаи давлатии "Нигоҳдории нақбҳо ва шабакаи равшанидиҳӣ"-ро тибқи қонунгузории Ҷумҳурии Тоҷикистон ҳал намоянд (қарори Ҳукумати ҶТ аз 25.11.2021, №503).

3. Вазорати молияи Ҷумҳурии Тоҷикистон маблағгузории фаъолияти муассисаи давлатии "Нигоҳдории нақбҳо ва шабакаи равшанидиҳӣ"-ро аз ҳисоби маблағҳои буҷети ҷумҳуриявии барои соҳа пешбинишуда ҳаллу фасл намояд (қарори Ҳукумати ҶТ аз 25.11.2021, №503).