ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба баъзе фармонҳои Президенти Ҷумҳурии Тоҷикистон

Мутобиқи моддаи 69 Конститутсияи Ҷумҳурии Тоҷикистон ва моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Ба фармони Президенти Ҷумҳурии Тоҷикистон аз 17 январи соли 2014, № 116 "Дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон" тағйироту иловаи зерин ворид карда шаванд:

- дар банди 11 калимаҳои "ва сайёҳӣ, фарҳанг ва таъмини амнияти фазои иттилоотӣ" ба калимаҳои ", сайёҳӣ ва фарҳанг" иваз карда шаванд;

- дар банди 16 пас аз калимаи "фавқулодда" калимаҳои ", таъмини амнияти фазои иттилоотӣ" илова карда шаванд;

- дар банди 18 калимаи "Бахши" ба калимаи "шуъбаи" иваз карда шавад.

2. Ба Сохтори Дастгоҳи иҷроияи Президенти Ҷумҳурии Тоҷикистон, ки бо фармони Президенти Ҷумҳурии Тоҷикистон аз 17 январи соли 2014, № 116 тасдиқ шудааст, тағйироту иловаи зерин ворид карда шавад:

- дар сархати нуҳум калимаи "протоколии" ба калимаи "ташрифоти" иваз карда шавад;

- сархати ёздаҳум бо мазмуни зерин илова карда шавад:

"Котиботи Шӯрои амнияти Ҷумҳурии Тоҷикистон";

- дар сархати биступанҷум калимаи "маросимҳо" ба калимаи "маросим" иваз карда шавад;

- дар сархати бистуҳафтум калимаи "Бахши" ба калимаи "Шуъбаи" иваз карда шавад;

- дар сархати сиюякум калимаҳои "Корхонаю муассисақои назди" ба калимаҳои "Шахсони ҳуқуқии тобеи" иваз карда шаванд;

- замима ба Сохтори Дастгоҳи иҷроияи Президенти Ҷумҳурии Тоҷикистон дар таҳрири нав тасдиқ карда шавад (замима мегардад).

3. Дар банди 2 фармони Президенти Ҷумҳурии Тоҷикистон аз 17 марти соли 2014, № 181 "Дар бораи тасдиқи Низомномаи Дастгоҳи иҷроияи Президенти Ҷумҳурии Тоҷикистон" рақами "325" ба рақами "337" иваз карда шавад.

4. Ба Низомномаи Дастгоҳи иҷроияи Президенти Ҷумҳурии Тоҷикистон, ки бо фармони Президенти Ҷумҳурии Тоҷикистон аз 17 марти соли 2014, №181 тасдиқ шудааст, тағйиру иловаҳои зерин ворид карда шаванд:

- дар банди 3, сархати шашуми банди 17, сархати ёздаҳуми банди 34, банди 35 ва сархатҳои дуюм ва панҷуми банди 36 калимаҳои "Дастуруламали" ва "дастуруламали" ба калимаи "дастурамали" иваз карда шавад;

- дар банди 7 калимаи "протоколии" ба калимаи "ташрифоти" иваз карда шуда, калимаи "идораҳо," хориҷ карда шавад;

- дар банди 9 калимаҳои "роҳбари" ва "протоколии" мувофиқан ба калимаҳои "сардор ва муовини сардори" ва "ташрифоти" иваз карда шуда, калимаҳои "идораҳо, хадамот ва" хориҷ карда шаванд;

- дар банди 11 калимаҳои "ва идораҳо" хориҷ карда шуда, калимаҳои "ва бахшҳои мустақил" ба калимаҳои "бахшҳои мустақил ва воҳидҳои сохтории ба онҳо баробаркардашуда" иваз карда шаванд;

- ба банди 12 ҷумлаи якум бо мазмуни зерин илова карда шавад: "Роҳбарони шахсони ҳуқуқии тобеи Дастгоҳи Президент бо пешниҳоди Роҳбари Дастгоҳи Президент аз ҷониби Президенти Ҷумҳурии Тоҷикистон ва ё Ҳукумати Ҷумҳурии Тоҷикистон ба мансаб таъин ва аз мансаб озод карда мешаванд.";

- дар сархатҳои чорум ва шашуми банди 16 калимаҳои "бақайдгирии" ва "корхонаҳо, муассисаҳо ва ташкилотҳои" мувофиқан ба калимаҳои "баҳисобгирии" ва "шахсони ҳуқуқии" иваз карда шаванд;

- аз сархати ҳафтуми банди 17 калимаҳои "дар назди Дастгоҳи Президент таъсисшаванда, корхонаҳо, муассисаҳо ва ташкилотҳои" хориҷ карда шаванд;

- аз сархати нуҳуми банди 17 калимаҳои "муовинони сардорони идораҳо, муовинони мудирони шӯъбаҳо ва мудирони бахшҳо, референтҳои Сарвазир, референтҳои муовинони Сарвазир ва" хориҷ карда шаванд;

- дар сархати ёздаҳуми банди 17 калимаи "муҷозоти" ба калимаҳои "ҳавасмандгардонӣ ва ҷазои" иваз карда шавад;

- дар номи боби 7, бандҳои 27 (ба истиснои сархати якум) ва 28 калимаҳои "протоколии", "протоколиро" ва "протоколӣ" мувофиқан ба калимаҳои "ташрифоти", "ташрифотро", "ташрифот" ва дар сархати якуми банди 27 калимаи "протоколии" ба калимаи "ташрифоти" иваз карда шаванд;

- банди 28(1) бо мазмуни зерин илова карда шавад:

"28(1). Хадамоти ташрифот тибқи низомнома, ки бо пешниҳоди Роҳбари Дастгоҳи Президент аз тарафи Президенти Ҷумҳурии Тоҷикистон тасдиқ карда мешавад, амал мекунад.";

- боби 8(1) бо мазмуни зерин илова карда шавад:

"8(1). Котиботи Шӯрои амнияти Ҷумҳурии Тоҷикистон

30(1). Котиботи Шӯрои амнияти Ҷумҳурии Тоҷикистон тибқи низомнома, ки бо пешниҳоди Роҳбари Дастгоҳи Президент аз тарафи Президенти Ҷумҳурии Тоҷикистон тасдиқ карда мешавад, амал мекунад.".

5. Дастгоҳи иҷроияи Президенти Ҷумҳурии Тоҷикистон:

- тибқи тартиби муқарраргардида дар басти вазифаҳои Дастгоҳи иҷроияи Президенти Ҷумҳурии Тоҷикистон тағйиру иловаҳои дахлдор ворид намояд;

- ҳангоми зарурат ҷиҳати ворид намудани тағйиру иловаҳо ба санадҳои меъёрии ҳуқуқии Ҷумҳурии Тоҷикистон таклиф пешниҳод намояд;

- санадҳои худро бо фармони мазкур мутобиқ намояд.

6. Вазорати молияи Ҷумҳурии Тоҷикистон бо дар назар доштани тағйир ёфтани категорияи мансабҳои хизмати давлатӣ ва воҳидҳои корӣ ба Дастгоҳи иҷроияи Президенти Ҷумҳурии Тоҷикистон маблағи заруриро дар доираи маблағҳои барои Дастгоҳи иҷроияи Президенти Ҷумҳурии Тоҷикистон пешбинишуда таъмин намояд.

Руйхати шахсони ҳуқуқии тобеи Дастгоҳи иҷроияи Президенти Ҷумҳурии Тоҷикистон

1. Муассисаи давлатии маҷмааи "Қасри миллат"-и Дастгоҳи иҷроияи Президенти Ҷумҳурии Тоҷикистон

2. Муассисаи давлатии "Боғи Парчами миллӣ"-и муассисаи давлатии маҷмааи "Қасри миллат"-и Дастгоҳи иҷроияи Президенти Ҷумҳурии Тоҷикистон

3. Муассисаи давлатии маҷмааи "Кохи Ваҳдат"-и Дастгоҳи иҷроияи Президенти Ҷумҳурии Тоҷикистон

4. Муассисаи давлатии маҷмааи "Кохи Борбад"-и Дастгоҳи иҷроияи Президенти Ҷумҳурии Тоҷикистон

5. Муассисаи давлатии "Дирексияи сохтмони иншооти ҳукуматӣ"-и Дастгоҳи иҷроияи Президенти Ҷумҳурии Тоҷикистон

6. Корхонаи воҳиди давлатии осоишгоҳи "Шифо"-и муассисаи давлатии "Дирексияи сохтмони иншооти ҳукуматӣ"-и Дастгоҳи иҷроияи Президенти Ҷумҳурии Тоҷикистон

7. Ҷамъияти саҳомии кушодаи осоишгоҳи "Хоҷа Обигарм"и муассисаи давлатии "Дирексияи сохтмони иншооти ҳукуматӣ"-и Дастгоҳи иҷроияи Президенти Ҷумҳурии Тоҷикистон

8. Ҷамъияти саҳомии кушодаи пажӯҳишгоҳи илмии лоиҳакашии ҷустуҷӯии "САНИИОСП"-и муассисаи давлатии "Дирексияи сохтмони иншооти ҳукуматӣ"-и Дастгоҳи иҷроияи Президенти Ҷумҳурии Тоҷикистон

9. Муассисаи давлатии қароргоҳи "Искандаркӯл"-и Дастгоҳи иҷроияи Президенти Ҷумҳурии Тоҷикистон

10. Муассисаи давлатии "Китобхонаи миллӣ"-и Дастгоҳи иҷроияи Президенти Ҷумҳурии Тоҷикистон

11. Муассисаи давлатии "Осорхонаи миллии Дастгоҳи иҷроияи Президенти Ҷумҳурии Тоҷикистон

12. Муассисаи давлатии илмии "Боғи ботаникии Хуҷанд"-и Дастгоҳи иҷроияи Президенти Ҷумҳурии Тоҷикистон

13. Муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон"

14. Муассисаи давлатии "Боғи Ирам"-и муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон"

15. Муассисаи давлатии "Кохи Истиқлол"-и муассисаи давлатии "Маҷмӯи мехмонхонаҳои Дастгоҳи иҷроияи Президенти Ҷумҳурии Тоҷикистон"

16. Муассисаи давлатии меҳмонхонаи "Истиқлол"-и муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон"

17. Корхонаи воҳиди давлатии тарабхонаи "Чаманоро"-и муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон"

18. Муассисаи давлатии "Боғи миллӣ"-и муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон"

19. Муассисаи давлатии меҳмонхонаи "Авесто"-и муассисаи давлатии "Маҷмӯи мехмонхонаҳои Дастгоҳи иҷроияи Президенти Ҷумҳурии Тоҷикистон"

20. Муассисаи давлатии меҳмонхонаи "Гулистон"-и муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон"

21. Филиали муассисаи давлатии "Маҷмӯи меҳмонхонаҳои Дастгоҳи иҷроияи Президенти Ҷумҳурии Тоҷикистон" дар шаҳри Москваи Федератсияи Россия

22. Муассисаи давлатии "Оркестри давлатии симфонӣ"-и Дастгоҳи иҷроияи Президенти Ҷумҳурии Тоҷикистон

23. Муассисаи давлатии "Маркази тиббӣ"-и Дастгоҳи иҷроияи Президенти Ҷумҳурии Тоҷикистон

24. Корхонаи воҳиди давлатии "Дандонпизишк"-и муассисаи давлатии "Маркази тиббӣ"-и Дастгоҳи иҷроияи Президенти Ҷумҳурии Тоҷикистон

25. Корхонаи воҳиди давлатии "Дорухона"-и муассисаи давлатии "Маркази тиббӣ"-и Дастгоҳи иҷроияи Президенти Ҷумҳурии Тоҷикистон

26. Муассисаи давлатии қароргоҳи "Сайёд"-и Дастгоҳи иҷроияи Президенти Ҷумҳурии Тоҷикистон

27. Корхонаи воҳиди давлатии "Таъмиру сохтмонӣ"-и Дастгоҳи иҷроияи Президенти Ҷумҳурии Тоҷикистон

28. Корхонаи воҳиди давлатии "Савдо ва хӯроки умумӣ"-и Дастгоҳи иҷроияи Президенти Ҷумҳурии Тоҷикистон

29. Корхонаи воҳиди давлатии комплекси табъу нашри "Шарқи озод"-и Дастгоҳи иҷроияи Президенти Ҷумҳурии Тоҷикистон

30. Ҷамъияти саҳомии кушодаи "Маркази савдои Тоҷикистон"