Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 30 июни соли 2012, № 340

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 30 июни соли 2012, № 340 "Дар бораи тасдиқи Тартиби ташкили ёрии тиббӣ ба осебдидагони ҳодисаҳои нақлиётӣ дар роҳ" тағйироти зерин ворид карда шаванд:

- номи қарор дар таҳрири зайл ифода карда шавад:

"Дар бораи Тартиби ташкили ёрии аввалияи тиббӣ ба осебдидагони ҳодисаҳои роҳу нақлиёт";

- дар муқаддимаи қарор рақами "37" ба рақами "35" иваз карда шавад;

- дар банди 1 калимаҳои "Тартиби ташкили ёрии тиббӣ ба осебдидагони ҳодисаҳои нақлиётӣ дар роҳ" ба калимаҳои "Тартиби ташкили ёрии аввалияи тиббӣ ба осебдидагони ҳодисаҳои роҳу нақлиёт" иваз карда шавад;

- дар банди 2 калимаҳои "Вазорати тандурустии Ҷумҳурии Тоҷикистон" ва "Вазорати маорифи Ҷумҳурии Тоҷикистон" мувофиқан ба калимаҳои "Вазорати тандурустӣ ва ҳифзи иҷтимоии аҳолии Ҷумҳурии Тоҷикистон" ва "Вазорати маориф ва илми Ҷумҳурии Тоҷикистон" иваз карда шаванд;

- дар банди 3 калимаи "маҳаллии" хориҷ карда шавад.

2. Ба Тартиби ташкили ёрии тиббӣ ба осебдидагони ҳодисаҳои нақлиётӣ дар роҳ, ки бо қарори Ҳукумати Ҷумҳурии Тоҷикистон аз 30 июни соли 2012, № 340 тасдиқ шудааст, тағйиру иловаҳои зерин ворид карда шаванд:

- номи Тартиб дар таҳрири зайл ифода карда шавад:

"Тартиби ташкили ёрии аввалияи тиббӣ ба осебдидагони ҳодисаҳои роҳу нақлиёт";

- дар ҷумлаи якуми боби 1 калимаҳои "Тартиби ташкили ёрии тиббӣ ба осебдидагони ҳодисаҳои нақлиётӣ дар роҳ тибқи талаботи моддаи 37" ба калимаҳои "Тартиби ташкили ёрии аввалияи тиббӣ ба осебдидагони ҳодисаҳои роҳу нақлиёт тибқи талаботи моддаи 35" иваз карда шаванд;

- дар ҷумлаи дуюми боби 1, дар номи боби 2, банди 3, номи боби 3, банди 34, номи боби 4 ва дар матни банди 45 калимаҳои "нақлиётӣ дар роҳ" ва "нақлиётӣ дар роҳро" мувофиқан ба калимаҳои "роҳу нақлиёт" ва "роҳу нақлиётро" иваз карда шаванд;

- дар зербанди "д" банди 4 рақами "3" ба рақами "4" иваз карда шавад;

- зербандҳои "з" ва "и" банди 4 хориҷ карда шаванд;

- зербандҳои "й" ва "к" банди 4 мувофиқан зербандҳои "з" ва "и" ҳисобида шаванд;

- дар сархати панҷуми банди 5 аломати нуқтавергул ";" ба аломати нуқта иваз карда шавад;

- сархати шашуми банди 5 хориҷ карда шавад;

- ба банди 10 сархати даҳум бо мазмуни зерин илова карда шавад:

"- ҳангоми хунравии шараёнӣ бандинаи резинӣ аз захм боло бояд гузошта шавад;";

- банди 13 дар таҳрири зайл ифода карда шавад:

"13. Ҳангоми бенатиҷа анҷом ёфтани манъкунии хунравӣ бо бандинаи таранги фишордиҳанда хунравии варидӣ бо гузоштани резинаи боздорандаи хун анҷом дода мешавад.";

- сархати ҳафтуми банди 16 дар таҳрири зайл ифода карда шавад:

" - бандинаи ноҷунбонкунӣ бо гузоштани ҷисми сахт (чӯбтахта, сихи оҳанин ва ғайра) бо ноҷунбонкунии ду буғум аз гирди захм ё ҷои шикасти устухон);";

- аз банди 25 рақами "6,1" хориҷ карда шавад;

- қисми муқаддимавии банди 27 дар таҳрири зайл ифода карда шавад;

"27. Ҳангоми хунукзании умумӣ, ки тамоми баданро хунук задааст аввал ҳисси мондашавӣ, хоболудӣ зоҳир гардида, одам камқувват ва ҳангоми пастшавии ҳарорати бадан беҳуш мешавад, чораҳои зерин андешида мешаванд:";

- дар сархати дуюми банди 27 калимаи "хунук" ба калимаҳои "ҳарораташ хонагӣ" иваз карда шавад;

- дар сархати якуми банди 28 калимаҳои "ба шикам" ба калимаҳои "ба паҳлӯ" иваз карда шаванд;

- дар банди 32 калимаи "Критерияи" ба калимаи "Маҳаки" иваз карда шавад;

- банди 34 хориҷ карда шавад;

- қисми муқаддимавии банди 38 дар таҳрири зайл ифода карда шавад:

"38. Дар ин марҳила ҳангоми тақсимкунии тиббӣ ба гурӯҳҳо таваҷҷуҳ бояд ба муайян кардани беморони ба намудҳои ёрии тиббии зерин эҳтиёҷдошта ҷалб карда шавад:";

- дар сархати чоруми банди 43 калимаи "зарба" ба калимаи "садама" иваз карда шавад;

- дар сархати якуми зербанди "а" банди 45 калимаҳои "Хадамоти ёрии таъҷилии тиббии Вазорати тандурустии Ҷумҳурии Тоҷикистон" ба калимаҳои "Хадамоти бехатарии санитарӣ-эпидемиологӣ ва ёрии таъҷилии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон" иваз карда шаванд;

- дар сархати дуюми зербанди "а" банди 45 калимаҳои "мақомоти ҳокимияти давлатӣ" ба калимаҳои "мақомоти иҷроияи ҳокимияти давлатӣ" иваз карда шаванд;

- дар зербанди "б" банди 45 калимаҳои "оид ба наҷотдиҳии" ба калимаҳои "барои расонидани кумаки аввалияи тиббӣ ба" иваз карда шаванд;

- дар сархати якуми зербанди "ж" банди 45 калимаи "зарба" ба калимаи "садамавӣ" иваз карда шавад;

- банди 51 бо мазмуни зерин илова карда шавад:

"51. Дар ҳолати муроҷиати шаҳрвандон ва кормандони дигари сохторҳои ҳангоми садамаҳои роҳу нақлиёт ёрирасонанда вобаста ба масъалаи мусоидат ба таҳлияи осебдидагони ҳодисаҳои нақлиётӣ дар роҳ ронандагон бояд ба онҳо мусоидат намоянд.".