ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйироту илова ба фармони Президенти Ҷумҳурии Тоҷикистон аз 10 январи соли 2007, № 143

Мутобиқи моддаи 56 Қонунн Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба фармони Президенти Ҷумҳурии Тоҷикистон аз 10 январи соли 2007, № 143 "Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" тағйироту иловаи зерин ворид карда шаванд:

1. Дар банди 4 рақами "222" ба рақами "209" иваз карда шавад.

2. Замимаи 2 дар таҳрири нав тасдиқ карда шавад (замима мегардад).

3. Дар замимаи 3:

- дар банди 6 пас аз калимаи "дар" калимаи "шаҳру" илова карда шавад;

- аз банди 7 калимаи "минтақавии" хориҷ карда шавад.

Сохтори дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон

1. Роҳбарият

2. Сарраёсати назорати давлатии молиявӣ

3. Сарраёсати мубориза бо ҷиноятҳои коррупсионӣ ва иқтисодии хусусияти коррупсионидошта

4. Сарраёсати муқовимат ба коррупсия

5. Раёсати кадрҳо

6. Раёсати таҳлил, иттилоот ва омор

7. Раёсати тафтишотӣ

8. Раёсати оперативии махсус

9. Раёсати молиявию хоҷагӣ

10. Шуъбаи ташкили кор ва назорат

11. Шуъбаи коргузорӣ ва қабули муроҷиатҳои шахсони воқеию ҳуқуқӣ

12. Шуъбаи чорабиниҳои оперативӣ

13. Шуъбаи навбатдории оперативӣ ва изоляторӣ (тавқифгоҳи) нигоҳдории муваққатӣ

14. Бахши ёрдамчиёни директори Агентӣ оид ба супоришҳои махсус

15. Бахши коргузории махфӣ