ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба фармони Президенти Ҷумҳурии Тоҷикистон аз 24 апрели соли 2008, № 449

Мувофиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ", бо мақсади такмили тартиби ҳисоб кардани собиқаи хизмати давлатӣ, фармон медиҳам:

Ба Низомномаи тартиби ҳисоб кардани собиқаи хизмати давлатӣ, ки бо фармони Президенти Ҷумҳурии Тоҷикистон аз 24 апрели соли 2008, № 449 "Дар бораи тасдики Низомномаи тартиби ҳисоб кардани собиқаи хизмати давлатӣ" тасдиқ карда шудааст, тағйиру иловаҳои зерин ворид карда шаванд:

1. Дар банди 2 калима ва рақами "банди 5" ба калима ва рақамҳои "бандҳои 4 ва 5" иваз карда шаванд.

2. Дар банди 3 калимаи якуми "гирифтани" ба калимаи "амалигардонии" иваз карда шавад.

3. Дар банди 5:

- калимаҳои "давлатии хизматчиёни" хориҷ карда шаванд;

- дар сархати дуюм баъд аз калимаҳои "мақомоти давлатӣ," калимаҳои "мақомоти худидоракунии шаҳрак ва деҳот," илова карда шаванд;

- дар сархати сеюм калимаҳои "Кумитаи амнияти давлатӣ" ба калимаҳои "мақомоти давлатии амнияти миллӣ" иваз карда шаванд;

- сархатҳои ҳафтум, ҳаштум ва нуҳум бо мазмуни зерин илова карда шаванд:

"- давраи охирини фаъолияти корманд (ба истиснои ҳайати техникӣ ва хизматрасон) дар корхонаҳо, муассисаҳо ва дигар ташкилотҳои давлатии бо фармони Президенти Ҷумҳурии Тоҷикистон ё қарори Ҳукумати Ҷумҳурии Тоҷикистон ба мақомоти давлатӣ табдилдодашуда, ки корманд аз он ба мансаби давлатии хизмати давлатии пешбининамудаи Феҳристи мансабҳои давлатии Ҷумҳурии Тоҷикистон ба тариқи гузариш таъин шуда бошад;

- давраи охирини фаъолияти корманд дар мансабҳои роҳбар ва ё муовини роҳбари корхонаҳо. муассисаҳо ва дигар ташкилотҳои давлатӣ, ки аз он ҷо ба мансаби хизмати давлатӣ ва мансабҳои бо он баробаркардашуда таъин ё интихоб шуда бошад;

- давраи баъди таҷдид, барҳам хӯрдан, ихтисори воҳидҳои сохтори мақомоти давлатӣ, ки мувофиқи тартиби муқарраркардаи қонунгузории Ҷумҳурии Тоҷикистон оид ба хизмати давлатӣ, меҳнат ва шуғли аҳолӣ хизматчии давлатӣ дар мақомоти давлатии шуғли аҳолӣ ҳамчун шахси бекор ба мухлати то як сол ба қайд гирифта шуда бошад ва ё дар сурати набудани имконияти мувофиқи ихтисосаш ба дигар мансаби давлатии хизмати давлатӣ гузаронидан то як сол дар мақоми давлатӣ ба захираи кадрҳо дохил карда шуда бошад, дар ҳолати мавҷуд будани қайди дахлдор дар дафтарчаи меҳнатӣ;";

- сархати даҳум бо мазмуни зерин илова карда шавад:

"- давраи муваққатан фаъолият намудан дар мансабҳое, ки ишғолкунандагони онғо тибқи қонунгузории Ҷумҳурии Тоҷикистон ба таҳсили дарозмуддат фиристода шудаанд ё дар рухсатии иҷтимоӣ қарор доранд;";

- дар сархати ёздаҳум калимаҳои "ҳарбии ҳайати афсарон (ба ғайр аз ҳайати қаторӣ)" ба калимаи "ҳарбӣ" иваз карда шаванд;

- дар сархати дувоздаҳум калимахои "муассисаҳои Раёсати корҳои ислоҳии" ба калимаҳои "системаи иҷрои ҷазои ҷиноятии" иваз карда шаванд;

- дар сархати понздаҳум калимаи "тобеъияти" ба калимаи "тобеияти" иваз карда шавад;

- дар сархати шонздаҳум калимаи "ӯҳдадориҳои" ба калимаи "уҳдадориҳои" иваз карда шавад.

4. Дар банди 6 калимаи "мӯҳлати" ба калимаи "муҳлати" иваз карда шавад.

5. Дар банди 7 калимаи "делои" ба калимаи "парвандаи" иваз карда шавад.

6. Дар банди 8 калимаи "ведомостҳои" ба калимаи "варақаҳои" иваз карда шавад.

7. Дар банди 9 калимаҳои "ташкил қарда" ба калимаҳои "таъсис дода" иваз карда шаванд.

8. Банди 11 дар таҳрири зерин ифода карда шавад:

"11. Протокол бо қарори (фармоиши, амри) роҳбари мақоми давлатӣ тасдиқ гардида, нусхаи қарор (фармоиш, амр) ва протокол дар муҳосибот, хадамоти кадрӣ ва парвандаи шахсӣ нигоҳ дошта мешаванд. Хадамоти кадрии мақомоти давлатӣ дар асоси муроҷиати хизматчии давлатӣ иқтибос аз протоколи ҳисоб кардани собиқаи хизмати давлатиро пешниҳод менамояд.".