Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 майи соли 2010, № 211

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 3 майи соли 2010, № 211 "Дар бораи Тартиби амалӣ намудани муҳоҷирати экологӣ дар Ҷумҳурии Тоҷикистон" тағйироти зерин ворид карда шаванд:

- банди 2 дар таҳрири зерин ифода карда шавад:

"2) Вазорати меҳнат, муҳоҷират ва шуғли аҳолии Ҷумҳурии Тоҷикистон, Вазорати молияи Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати нақлиёти Ҷумҳурии Тоҷикистон, Вазорати кишоварзии Ҷумҳурии Тоҷикистон, Вазорати энергетика ва захираҳои оби Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати маориф ва илми Ҷумҳурии Тоҷикистон, Вазорати саноат ва технологияҳои нави Ҷумҳурии Тоҷикистон, Кумитаи давлатии идораи замин ва геодезии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Кумитаи меъморӣ ва сохтмони назди Ҳукумати Ҷумҳурии Тоҷикистон, Агентии беҳдошти замин ва обёрии назди Ҳукумати Ҷумҳурии Тоҷикистон, Саридораи геологияи назди Ҳукумати Ҷумҳурии Тоҷикистон, ширкати саҳомии холдингии кушодаи "Барқи Тоҷик" ва мақомоти иҷроияи маҳаллии ҳокимияти давлатии Ҷумҳурии Тоҷикистон иҷрои саривақтии қарори мазкурро таъмин намоянд.";

- дар бандҳои 3 ва 4 калимаҳои "Вазорати меҳнат ва ҳифзи иҷтимоии аҳолии Ҷумҳурии Тоҷикистон" ба калимаҳои "Вазорати меҳнат, муҳоҷират ва шуғли аҳолии Ҷумҳурии Тоҷикистон" иваз карда шаванд;

- сархати якуми банди 3 дар таҳрири зерин ифода карда шавад:

"- ҳамасола рӯйхати ном ба номи хоҷагиҳо ва оилаҳои дар минтақаҳои хавфноки экологӣ иқоматдоштарр тартиб дода, барои тасдиқ ба комиссияи доимоамалкунанда дар назди Ҳукумати Ҷумҳурии Тоҷикистон пешниҳод намоянд;".

2. Ба Тартиби амалӣ намудани муҳоҷирати экологӣ дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, № 211 "Дар бораи тартиби амалӣ намудани муҳоҷирати экологӣ дар Ҷумҳурии Тоҷикистон" тасдиқ гардидааст, тағйиру иловаҳои зерин ворид карда шаванд:

- дар банди 4 калимаҳои "Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон (минбаъд Агентӣ)" ба калимаҳои "Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон (минбаъд Хадамот)" иваз карда шаванд;

- дар банди 5 баъд аз калимаи "ноҳияҳо" калимаҳо ва аломати "(минбаъд - Комиссияи маҳаллӣ)" илова карда шуда, ҷумлаи дуюми банди мазкур хориҷ карда шавад;

- дар бандҳои 6, 7, 14, 15, 24, 27, 33, 34, 35 ва 36 калимаи "Агентӣ" ба калимаи "Хадамот" иваз карда шавад;

- дар бандҳои 9, 29 ва 36 калимаҳои "Вазорати меҳнат ва ҳифзи иҷтимоии аҳолии Ҷумҳурии Тоҷикистон" ба калимаҳои "Вазорати меҳнат, муҳоҷират ва шуғли аҳолии Ҷумҳурии Тоҷикистон" иваз карда шаванд;

- сархати сеюми банди 12 дар таҳрири зерин ифода карда шавад:

"дар асоси хулосаи муҳандисӣ-геологии Саридораи геологияи назди Ҳукумати Ҷумҳурии Тоҷикистон аз тарафи Комиссияи маҳаллӣ муайян гардидани мавзеи хавфноки экологӣ.";

- дар сархати даҳуми банди 16 баъд аз калимаҳои "хонаҳои истиқоматӣ" калимаҳои "ва барасмиятдарории ҳуҷҷатҳо, аз қабили омода намудани нақшаи кулл ва шаҳодатнома дар бораи бақайдгирии давлатӣ" илова карда шаванд;

- банди 21 дар таҳрири зерин ифода карда шавад:

"21) Асос барои барӯйхатгирӣ ва эътироф кардани мақоми муҳоҷирони экологӣ ин муайян намудани мавзеи хатарноки экологӣ дар асоси пешниҳоди хулосаи Саридораи геологияи назди Ҳукумати Ҷумҳурии Тоҷикистон мебошад.";

- дар банди 26 баъд аз калимаи "хулосаҳои" калимаҳои "муҳандисӣ-геологии Саридораи геологияи назди Ҳукумати Ҷумҳурии Тоҷикистон ва" илова карда шаванд;

- дар банди 28 калимаи "кӯчонидани" ба калимаҳои "гирифтани қитъаи замини наздиҳавлигии" иваз карда шаванд;

- дар банди 30 баъд аз калимаи "гардида," калимаҳои "аз ҷониби сохторҳои Бонки давлатии амонатгузории Ҷумҳурии Тоҷикистон "Амонатбонк" дар маҳалҳо" илова карда шаванд.