Ҳукумати Ҷумҳурии Тоҷикистон

ҚАРОР

Дар бораи Тартиби таҳияи барномаҳои рушди иҷтимоию иқтисодии маҳалҳо

Мутобиқи моддаи 13 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Тартиби таҳияи барномаҳои рушди иҷтимоию иқтисодии маҳалҳо тасдиқ карда шавад (замима мегардад).

2. Мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳру ноҳияҳо ва мақомоти худидоракунии шаҳрак ва деҳот таҳияи барномаи рушди иҷтимоию иқтисодии маҳалҳоро дар асоси талаботи Тартиби мазкур ба роҳ монанд.