Бо Қарори Маҷлиси вакилони халқи ноҳияи Ҷалолиддини Балх аз 30.03.2021 №116 аз эътибор соқит дониста шуд

ҶУМҲУРИИ ТОҶИКИСТОН ВИЛОЯТИ ХАТЛОН МАҶЛИСИ ВАКИЛОНИ ХАЛҚИ НОҲИЯИ ҶАЛОЛИДДИНИ БАЛХӢ

ҚАРОР

аз 25 июни соли 2018 № 307 шаҳраки Балх

Дар бораи муқаррар намудани меъёрҳои андоз ва пардохтҳои маҳаллӣ дар ноҳияи Ҷалолиддини Балхӣ

070.030.030

Дар асоси моддаҳои 8, 9 ва 20 Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ", моддаҳои 6, 262, 309 Кодекси андози Ҷумҳурии Тоҷикистон, моддаҳои 26, 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ", моддаи 14 Қонуни Ҷумҳурии Тоҷикистон "Дар бораи реклама" ва моддаи 81 Қонуни Ҷумҳурии Тоҷикистон "Дар бораи дигар пардохтҳои ҳатмӣ ба буҷет" ва бо назардошти таклифи Комиссияи доимии Маҷлиси вакилони халқи ноҳияи Ҷалолиддини Балхӣ оид ба масъалаҳои буҷет, савдо, нарх, хизматрасонӣ ва меҳнат, Маҷлиси вакилони халқи ноҳияи Ҷалолиддини Балхӣ, даъвати панҷум

қ а р о р м е к у н а д:

1. Андоз аз воситаҳои нақлиёт, аз молу мулки ғайриманқул, аз ҷумла андози замин ва андоз аз объектҳои ғайриманқул мутобиқи бобҳои 40 ва 41 Кодекси андози Ҷумҳурии Тоҷикистон муқаррар карда шаванд.

2. Дар ҳудуди ноҳияи Ҷалолиддини Балхӣ меъёри андоз аз бизнеси бозӣ барои як воҳиди объекти андозбандии бақайдгирифташуда дар як моҳ тибқи ҷадвал, мутобиқи замимаи №1 муайян карда шавад.

3. Меъёри пардохтҳои ҳатмӣ барои ҷойгиркунии рекламаҳои берунии корхонаю муассисаҳо, соҳибкорони инфиродӣ ва дигар субъектҳои хоҷагидорӣ дар гардишгоҳҳои роҳҳои автомобилгарди истифодаи умум ва маҳалҳои аҳолинишини ҳудуди ноҳияи Ҷалолиддини Балхӣ дар як моҳ тибқи ҷадвал, мутобиқи замимаи №2 муқаррар карда шавад.

4. Ба Мақомоти иҷроияи маҳаллии ҳокимияти давлатии ноҳияи Ҷалолиддини Балхӣ ва Нозироти андоз дар ноҳия супориш дода шавад, ки:

-азнавбаҳисобгирии рекламаҳои мавҷударо анҷом дода, ҷойгиркунии минбаъдаи рекламаҳои беруниро тибқи қонунҳо ва қарорҳои амалкунандаи Ҷумҳурии Тоҷикистон ба роҳ монанд;

-ситонидани андозҳои муқарраргардидаро нисбат ба ҷойгиркунии рекламаҳои берунӣ вобаста ба коэффитсентҳои танзимкунанда ба роҳ монанд.

5. Қарори мазкур барои бақайдгирии давлатӣ ба Вазорати адлияи Ҷумҳурии Тоҷикистон пешниҳод карда шавад.

6. Қарори мазкур пас аз бақайдгирии давлатӣ ва интишори расмӣ мавриди амал қарор дода шавад.

7. Қарори Маҷлиси вакилони халқи ноҳияи Ҷалолиддини Румӣ аз 15 декабри соли 2014, №347 "Дар бораи муқаррар намудани меъёрҳои андоз ва пардохтҳои ҳатмии маҳаллӣ дар ноҳияи Ҷалолиддини Румӣ, ки дар Вазорати адлияи Ҷумҳурии Тоҷикистон 4 апрели соли 2014, №728 ба қайди давлатӣ гирифта шудааст" аз эътибор соқит дониста шавад.

8. Назорати иҷрои қарори мазкур ба зиммаи Комиссияи доимии Маҷлиси вакилони халқи ноҳияи Ҷалолиддини Балхӣ оид ба масъалаҳои буҷет, савдо, нарх, хизматрасонӣ ва меҳнат ва Нозироти андози ноҳияи Ҷалолиддини Балхӣ вогузор карда шавад.

Замима