Ҳукумати Ҷумҳурии Тоҷикистон

ҚАРОР

Дар бораи Тартиби пешбурди феҳристи лоиҳаҳои сармоягузорӣ

Мутобиқи моддаи 19 Кодекси андози Ҷумҳурии Тоҷикистон Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 26.04.2022 № 187):

1. Тартиби пешбурди феҳристи лоиҳаҳои сармоягузорӣ тасдиқ карда шавад (замима мегардад).

2. Вазорати корҳои хориҷии Ҷумҳурии Тоҷикистон қарори мазкури Ҳукумати Ҷумҳурии Тоҷикистонро ба маълумоти тамоми намояндагиҳои дипломатии кишварҳои хориҷӣ ва созмонҳои байналмилалии дар Ҷумҳурии Тоҷикистон аккредитатсия ва ё бақайдгирифташуда расонад.

3. Кумитаи давлатии сармоягузорӣ ва идораи амволи давлатии Ҷумҳурии Тоҷикистон, вазорату идораҳои дахлдор, раисони Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо барои амалигардонии феҳристи лоиҳаҳои сармоягузорӣ тадбирҳои зарурӣ андешида, ҳуҷҷатҳои дохилии худро ба тартиби мазкур мутобиқ намоянд.