Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту илова ба қарори Ҳукумати Ҷумҳурии Тоҷикистон аз 3 марти соли 2014, № 145

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Аз банди 3 Низомномаи Вазорати маориф ва илми Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 марти соли 2014, № 145 "Дар бораи Вазорати маориф ва илми Ҷумҳурии Тоҷикистон" тасдиқ шудааст, калимаи "(Сарқонуни)" хориҷ карда шавад.

2. Ба Номгӯи ташкилоту муассисаҳои системаи Вазорати маориф ва илми Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 марти соли 2014, № 145 "Дар бораи Вазорати маориф ва илми Ҷумҳурии Тоҷикистон" тасдиқ шудааст, тағйироти зерин ворид карда шавад:

- дар сархатҳои шонздаҳум, бисту ҳаштум ва ҳаштоду чорум калимаи "Қӯрғонтеппа" ба калимаи "Бохтар" иваз кард шавад;

- дар сархатҳои бисту нуҳум, панҷоҳу дуюм, панҷоҳу сеюм ва шасту сеюм калимаи "ноҳияи" ба калимаи "шаҳри" иваз карда шавад;

- дар сархати сию шашум калимаи "Ҷиргатол" ба калимаи "Лахш" иваз карда шавад;

- дар сархати чилу ҳафтум калимаи "Чкалов" ба калимаи "Бӯстон" иваз карда шавад;

- дар сархати панҷоҳу ҳаштум калимаи "Тавилдара" ба калимаи "Сангвор" иваз карда шавад;

- дар сархати шастум калимаи "Шӯрообод" ба калимаи "Шамсиддин Шоҳин" иваз карда шавад;

- дар сархати шасту чорум калимаи "Бохтар" ба калимаи "Кӯшониён" иваз карда шавад.

3. Ба Номгӯи муассисаҳои таълимии давлатӣ ва ғайридавлатие, ки фаъолияташонро дар соҳаи маориф дар асоси созишномаҳои дуҷониба бо Вазорати маориф ва илми Ҷумҳурии Тоҷикистон анҷом медиҳанд, ки бо қарори Ҳукумати Ҷумҳурии Тоҷикистон аз 3 марти соли 2014, №145 "Дар бораи Вазорати маориф ва илми Ҷумҳурии Тоҷикистон" тасдиқ шудааст, тағйироту иловаи зерин ворид карда шаванд:

- дар сархатҳои сию чорум ва ҳаштоду дуюм калимаи "Қӯрғонтеппа" ба калимаи "Бохтар" иваз карда шавад;

- дар сархати сию панҷум калимаи "Бохтар" ба калимаи "Кӯшониён" иваз карда шавад;

- дар сархатҳои чилу ҳафтум ва як саду нуздаҳум калимаи "ноҳияи" ба калимаи "шаҳри" иваз карда шавад;

- дар сархати панҷоҳу дуюм калимаи "Ҷалолиддини Румӣ" ба калимаи "Ҷалолиддини Балхӣ" иваз карда шавад;

- дар сархати панҷоҳу шашум калимаи "Қайроққум" ба калимаи "Гулистон" иваз карда шавад;

- дар сархати ҳаштоду ҳаштум калимаи "Ҷиликӯл" ба калимаи "Дустӣ" иваз карда шавад;

- дар сархати ҳаштоду нуҳум калимаи "Қумсангир" ба калимаи "Ҷайҳун" иваз карда шавад;

- дар сархати наваду панҷум калимаи "Сарбанд" ба калимаи "Левакант" иваз карда шавад;

- дар сархатҳои яксаду чорум ва яксаду ҳафтум калимаи "Ғончӣ" ба калимаи "Деваштич" иваз карда шавад;

- дар сархати яксаду бистум калимаи "Тавилдара" ба калимаи "Сангвор" иваз карда шавад;

- дар сархати яксаду бисту шаш калимаи "Ҷиргатол" ба калимаи "Лахш" иваз карда шавад;

- сархати панҷоҳу панҷум бо мазмуни зерин илова карда шавад:

"- Муассисаи давлатии таълимии "Коллеҷи оташнишонӣ-техникии Вазорати корҳои дохилии Ҷумҳурии Тоҷикистон дар ноҳияи Данғара";".