ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба фармони Президенти Ҷумҳурии Тоҷикистон аз 30 майи соли 2008, № 469

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба оинномаи муассисаи давлатии "Маркази исломшиносӣ дар назди Президенти Ҷумҳурии Тоҷикистон", ки бо фармони Президенти Ҷумҳурии Тоҷикистон аз 30 майи соли 2008, №469 "Дар бораи тасдиқи Оинномаи Муассисаи давлатии "Маркази исломшиносӣ дар назди Президенти Ҷумҳурии Тоҷикистон" тасдиқ шудааст, тағйиру иловаҳои зерин ворид карда шаванд:

- дар бандҳои 1.4, 5.1, 5.2 ва номи боби 5 калимаҳои "амвол", "баланси", "Амвол" ва "Амволи" мувофиқан ба калимаҳои "молу мулк", "тавозуни", "Молу мулк" ва "Молу мулки" иваз карда шаванд;

- аз банди 1.5 калимаи "Сарқонуни" хориҷ карда шавад;

- банди 1.5(1) бо мазмуни зайл илова карда шавад:

"1.5(1). Номи муассисаи давлатии Маркази исломшиносӣ дар назди Президенти Ҷумҳурии Тоҷикистон": бо забони тоҷикӣ:

пурра: муассисаи давлатии "Маркази исломшиносӣ дар назди Президенти Ҷумҳурии Тоҷикистон"; мухтасар: Маркази исломшиносӣ; бо забони русӣ:

пурра: государственное учреждение "Центр исламоведения при Президенте Республики Таджикистан";

мухтасар: Центр исламоведения.";

- дар сархати якуми банди 2.1 калимаҳои "асосҳои" ва "эътиқод" мувофиқан ба калимаҳои "асосноккунии" ва "виҷдон" иваз карда шаванд;

- сарҳатҳои дуюм, сеюм ва ҳаштуми банди 2.1 дар таҳрири зерин ифода карда шаванд:

"- таҳияи консепсияҳои давлатӣ ва барномаҳои илмӣ-тадқиқотӣ доир ба рушди ҳаёти динии ҷомеа;

- муайян кардани алоқамандии мероси исломӣ бо фарҳанги миллӣ;’

- таҳлили илмӣ-назариявии маросим ва урфу одатҳои миллӣ ва динӣ дар танзими ҳаёти ҷомеа;".

- дар сархатҳои сеюм, шашум, нуҳум ва дувоздаҳуми банди

2.2 калимаҳои "фарҳанг ва тамаддуни миллӣ", "парастишии", "муосири исломӣ", "ҷомеаи исломӣ" ва "диёнатҳои" мутаносибан ба калимаҳои "фарҳанги миллӣ", "ибодатии", "муосири мусулмонӣ", "ҷомеаи исломӣ" ва "динҳои" иваз карда шаванд;

- дар сархати чаҳордаҳуми банди 2.2 баъд аз калимаи "Марказ" калимаҳои "ва муаррифию ба фурӯш баровардани онҳо" илова карда шаванд;

- дар сархати нуҳуми банди 3.1 калимаи "эътиқод" ба калимаи "виҷдон" иваз карда шавад;

- ба банди 4.3 сархати ҳаштум бо мазмуни зайл илова карда шавад:

"- маблағҳои суратҳисоби махсусро тибқи дастурамали истифодабарии маблағҳои махсуси Марказ, ки дар мувофиқа бо Вазорати молияи Ҷумҳурии Тоҷикистон тасдиқ карда мешавад, истифода мебарад.

Дар давраи набудани директори Марказ вазифаҳояшро бо супориши ӯ яке аз муовинонаш иҷро менамояд.";

- дар банди 4.4 баъд аз калимаҳои "котиби илмӣ" калимаҳои ",сардорони шуъбаҳо" илова карда шаванд.