Ҳукумати Ҷумҳурии Тоҷикистон

ҚАРОР

Дар бораи масъалаҳои ҷамъияти саҳомии кушодаи "Тоҷик Эйр"

Мутобиқи моддаҳои 63 ва 64 Қонуни Ҷумҳурии Тоҷикистон "Дар бораи ҷамъиятҳои саҳомӣ" Ҳукумати Ҷумҳурии Тоҷикистон қарор мекунад:

1. Шӯрои нозирони ҷамъияти саҳомии кушодаи "Тоҷик Эйр" таъсис дода шуда, Низомнома ва ҳайати он тасдиқ карда шаванд (замимаҳои 1 ва 2).

2. Ҷамъияти саҳомии кушодаи "Тоҷик Эйр" дар мувофиқа бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷиҳати омода намудани маводи дахлдор барои баррасӣ дар ҷаласаҳои шӯрои нозирон чораандешӣ намояд.

3. Кумитаи давлатии сармоягузорӣ ва идораи амволи давлатии Ҷумҳурии Тоҷикистон якҷо бо Агентии авнатсияи граждании назди Ҳукумати Ҷумҳурии Тоҷикистон дар муҳлати як моҳ ҷиҳати ба қарори мазкур мутобиқ кардани санадҳои меъёрии ҳуқуқии дахлдор ба Ҳукумати Ҷумҳурии Тоҷикистон таклиф пешниҳод намояд.