Ҳукумати Ҷумҳурии Тоҷикистон

ҚАРОР

Дар бораи хусусигардонии бастаи саҳмияҳои ҷамъияти саҳомии кушодаи "Пиллаи Тоҷик"

Мутобиқи моддаҳои 13 ва 14(1) Қонуни Ҷумҳурии Тоҷикистон "Дар бораи хусусигардонии моликияти давлатӣ дар Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Лоиҳаи инфиродии хусусигардонии бастаи саҳмияҳои ҷамъияти саҳомии кушодаи "Пиллаи Тоҷик" тасдиқ карда шавад (замима мегардад).

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар бораи иҷрои лоиҳаи инфиродии хусусигардонии бастаи саҳмияҳои ҷамъияти саҳомии кушодаи "Пиллаи Тоҷик" ба Ҳукумати Ҷумҳурии Тоҷикистон маълумот пешниҳод намояд.