Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 31 майи соли 2012, № 285

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Банди 9 замимаи 1 "Қоидаҳои пешбурди Феҳристи ягонаи давлатии электронии ҳуҷҷатҳои иҷозатдиҳӣ", ки бо қарори Ҳукумати Ҷумҳурии Тоҷикистон аз 31 майи соли 2012, № 285 "Дар бораи тасдиқи Қоидаҳои пешбурди Феҳристи ягонаи давлатии электронии ҳуҷҷатҳои иҷозатдиҳӣ ва Қоидаҳои пешбурди Феҳристи ҳуҷҷатҳои иҷозатдиҳӣ" тасдиқ шудааст, дар таҳрири зерин ифода карда шавад:

"9. Маҷмӯи маълумоти электронӣ мутобиқи Дастурамали намунавии коргузорӣ дар мақомоти давлатӣ, муассиса, корхона ва дигар ташкилотҳои Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 июли соли 2017, №358 тасдиқ шудааст, аз ҷониби мақомоти ваколатдори давлатии иҷозатдиҳанда ба мақоми ваколатдори давлатӣ дар соҳаи танзими низоми иҷозатдиҳӣ тибқи замима ба Қоидаҳои мазкур пешниҳод карда мешавад.".

2. Аз банди 6 замимаи 2 "Қоидаҳои пешбурди Феҳристи ҳуҷҷатҳои иҷозатдиҳӣ", ки бо қарори Ҳукумати Ҷумҳурии Тоҷикистон аз 31 майи соли 2012, № 285 тасдиқ шудааст, калимаи "(Сарқонуни)" хориҷ карда шавад.

3. Замимаи 1 ба Қоидаҳои пешбурди Феҳристи ҳуҷҷатҳои иҷозатдиҳӣ, ки бо қарори Ҳукумати Ҷумҳурии Тоҷикистон аз 31 майи соли 2012, № 285 тасдиқ шудааст, дар таҳрири нав ифода карда шавад (замима мегардад).

1. Агентии назорати маводи нашъаовари назди Президенти Ҷумҳурии Тоҷикистон;

2. Вазорати корҳои дохилии Ҷумҳурии Тоҷикистон;

3. Вазорати меҳнат, муҳоҷират ва шуғли аҳолии Ҷумҳурии Тоҷикистон;

4. Вазорати молияи Ҷумҳурии Тоҷикистон;

5. Вазорати нақлиёти Ҷумҳурии Тоҷикистон:

- Хадамоти давлатии назорат ва танзим дар соҳаи нақлиёт;

6. Вазорати энергетика ва захираҳои оби Ҷумҳурии Тоҷикистон:

- Хадамоти давлатӣ оид ба назорат дар соҳаи энергетика;

7. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон:

- Хадамоти назорати давлатии тандурустӣ ва ҳифзи иҷтимоии аҳолӣ;

8. Кумитаи давлатии идораи замин ва геодезии Ҷумҳурии Тоҷикистон;

9. Кумитаи ҳифзи муҳити зисти назди Ҳукумати Ҷумҳурии Тоҷикистон;

10. Кумитаи меъморӣ ва сохтмони назди Ҳукумати Ҷумҳурии Тоҷикистон;

11.Кумитаи бехатарии озуқавории назди Ҳукумати Ҷумҳурии Тоҷикистон;

12. Хадамоти алоқаи назди Ҳукумати Ҷумҳурии Тоҷикистон;

13. Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон;

14. Агентии хоҷагии ҷангали назди Ҳукумати Ҷумҳурии Тоҷикистон;

15. Агентии авиатсияи граждании назди Ҳукумати Ҷумҳурии Тоҷикистон;

16. Саридораи геологияи назди Ҳукумати Ҷумҳурии Тоҷикистон;

17. Мақомоти иҷроияи маҳаллии ҳокимияти давлатӣ;

18. Сарраёсат, шуъба ва бахшҳои меъморӣ ва шаҳрсозии мақомоти иҷроияи маҳаллии ҳокиммяти давлатии шаҳрҳо ва ноҳияҳо.