Ҳукумати Ҷумҳурии Тоҷикистон

ҚАРОР

Дар бораи Қоидаҳои гузаронидани санҷиши фаъолияти мақомоти давлатӣ оид ба риояи санадҳои меъёрии ҳуқуқии Ҷумҳурии Тоҷикистон дар соҳаи танзими низоми иҷозатдиҳӣ

Мутобиқи моддаи 4 Қонуни Ҷумҳурии Тоҷикистон "Дар бораи низоми иҷозатдиҳӣ" ва дигар санадҳои меъёрии ҳуқуқии танзими низоми иҷозатдиҳӣ вобаста ба санҷиши риояи меъёрҳои қонунгузории соҳаи танзими низоми иҷозатдиҳӣ дар мақомоти давлатӣ, корхона, муассиса ва ташқилотҳое, ки дар нақшаи идоракунии онҳо пешбинӣ гардидаанд, Ҳукумати Ҷумҳурии Тоҷикистон қарор мекунад:

1. Қоидаҳои гузаронидани санҷиши фаъолияти мақомоти давлатӣ оид ба риояи санадҳои меъёрии ҳуқуқии Ҷумҳурии Тоҷикистон дар соҳаи танзими низоми иҷозатдиҳӣ тасдиқ карда шавад (замима мегардад).

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҳамчун мақоми ваколатдори давлатӣ дар соҳаи танзими низоми иҷозатдиҳӣ ҳангоми санҷишҳо фаъолияти худро тибқи ҳамин Қоидаҳо ба роҳ монда, аз натиҷаи он дар ҷамъбасти сол ба Ҳукумати Ҷумҳурии Тоҷикистон маълумот пешниҳод намояд.