ҚОНУНИ КОНСТИТУСИОНИИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ КОНСТИТУТСИОНИИ ҶУМҲУРИИ ТОҶИКИСТОН "ДАР БОРАИ ВИЛОЯТИ МУХТОРИ КӯҲИСТОНИ БАДАХШОН"

Моддаи 1. Ба Қонуни конститутсионии Ҷумҳурии Тоҷикистон аз 30 июли соли 2007 "Дар бораи Вилояти Мухтори Кӯҳистони Бадахшон" (Ахбори Маҷлиси Олии Ҷумҳурии Тоҷикистон, с. 2007, № 7, мод. 653) тағйиру иловаҳои зерин ворид карда шаванд:

1. Аз муқаддима, қисми 2 моддаи 1 ва матни моддаҳои 3 ва 4 калимаи "(Сарқонуни)" хориҷ карда шавад.

2. Дар номи моддаи 2, ном ва матни моддаи 7, қисми 1 моддаи 8, қисми 1 моддаи 9 ва сархати дуюми қисми 1 моддаи 13 калимаҳои "марзиву маъмурии" ва "марзиву маъмурӣ" мувофиқан ба калимаҳои "маъмурию ҳудудии" ва "маъмурию ҳудудӣ" иваз карда шаванд.

3. Дар сархати дуюми моддаи 3 калимаи "намяондагони" ба калимаи "намояндагони" иваз карда шавад.

4. Дар қисми 2 моддаи 5 калимаҳои "(ҷамоат)" ва "худидораи" мувофиқан ба калимаҳои "(Ҷамоат)" ва "худидоракунии" иваз карда шаванд.

5. Дар моддаи 7 калимаи "қаламрави" ба калимаи "ҳудуди" иваз карда шавад.

6. Дар моддаи 9:

- дар ном ва матни модда калимаҳои "мақомоти маҳаллии ҳокимияти давлатӣ" ва "Мақомоти маҳаллии ҳокимияти давлатӣ" ба калимаҳои "Вилояти Мухтори Кӯҳистони Бадахшон" иваз карда шаванд;

- аз қисми 1 калимаҳои "ин мақомот" хориҷ карда шаванд;

- дар сархати дуюми қисми 2 калимаи "инвеститсияи" ба калимаи "сармоягузории" иваз карда шавад.

7. Дар номи моддаи 10 калимаҳои "мақомоти маҳаллии ҳокимияти давлатӣ" ба калимаҳои "Вилояти Мухтори Кӯҳистони Бадахшон" иваз карда шаванд.

8. Дар сархати якуми қисми 1 моддаи 11, сархати якуми қисми 3 моддаи 12, сархати дувоздаҳуми қисми 1 моддаи 13 ва сархати шашуми моддаи 18 калимаи "кӯмаки" ба калимаи "кумаки" иваз карда шавад.

9. Дар моддаи 12:

- дар сархатҳои дуюм ва сеюми қисми 2 калимаҳои "дар бораи Буҷети давлатӣ барои соли навбатии молиявӣ" ба калимаҳои "дар бораи Буҷети давлатии Ҷумҳурии Тоҷикистон барои соли молиявии навбатӣ" иваз карда шаванд;

- аз сархати сеюми қисми 3 калимаҳои ", аз ҷумла ҷарима, пушаймона, ноустуворона, ҷубронпулӣ ва ғайра" хориҷ карда шаванд.

10. Дар моддаи 13:

- дар қисми 3 калимаи "тағйироту" ба калимаи "тағйиру" иваз карда шавад;

- дар қисми 4 калимаҳои "дар бораи Буҷети давлатӣ барои соли навбатии молиявӣ" ба калимаҳои "дар бораи Буҷети давлатии Ҷумҳурии Тоҷикистон барои соли молиявии навбатӣ" иваз карда шаванд.

11. Моддаи 19(1) бо мазмуни зерин илова карда шавад:

"Моддаи 19(1). Ҷавобгарӣ барои риоя накардани талаботи Қонуни конститутсионии мазкур

Шахсони воқеӣ ва ҳуқуқӣ барои риоя накардани талаботи Қонуни конститутсионии мазкур бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни конститутсионии мазкур пас аз интишори расмӣ мавриди амал қарор дода шавад.