ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба фармони Президенти Ҷумҳурии Тоҷикистон аз 10 январи соли 2007, № 143

Мутобиқи моддаи 56 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Дар замимаи 2 фармони Президенти Ҷумҳурии Тоҷикистон аз 10 январи соли 2007, № 143 "Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" тағйиру иловаҳои зерин ворид карда шаванд:

- сархати чорум бо мазмуни зерин илова карда шавад:

"Сарраёсати пешгирии коррупсия";

- сархати шашум дар таҳрири зерин ифода карда шавад:

"Раёсати ташкили кор ва назорат";

- сархати нуҳум хориҷ карда шавад;

- сархати ёздаҳум дар таҳрири зерин ифода карда шавад:

"Раёсати таҳлил, иттилоот ва омор";

- дар сархати дувоздаҳум калимаи "техникӣ" ба калимаи "оперативӣ" иваз карда шавад;

- сархати сездаҳум дар таҳрири зерин ифода карда шавад:

"Шуъбаи навбатдории оперативӣ ва изолятори (тавқифгоҳи) нигоҳдории муваққатӣ";

- сархатҳои чордаҳум, понздаҳум ва шонздаҳум бо мазмуни зерин илова карда шаванд:

"Шуъбаи коргузорӣ ва қабули муроҷиатҳои шахсони воқеӣ ва ҳуқуқӣ

Ёрдамчиёни директори Агентӣ оид ба супоришҳои махсус

Бахши коргузории махфӣ".

2. Бандҳои 6 ва 7 замимаи 3 фармони Президенти Ҷумҳурии Тоҷикистон аз 10 январи соли 2007, № 143 "Дар бораи Агентии иазорати давлатии молиявӣ ва мубориза бо коррупсияи Ҷумҳурии Тоҷикистон" дар таҳрири зерин ифода карда шаванд:

"6. Шуъбаи минтақавии Агентӣ дар ноҳияҳои водии Ҳисор

7. Шуъбаи минтақавии Агентӣ дар минтақаи Рашт".