ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба баъзе фармонҳои Президентн Ҷумҳурии Тоҷикистон

Мутобиқи моддаи 69 Конститутсияи Ҷумҳурии Тоҷикистон ва моддаҳои 56 ва 57 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Аз муқаддимаи фармони Президенти Ҷумҳурии Тоҷикистон аз 17 январи соли 2014, № 116 "Дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон" калимаи "(Сарқонуни)" хориҷ карда шавад.

2. Дар Сохтори Дастгоҳи иҷроияи Президенти Ҷумҳурии Тоҷикистон, ки бо фармони Президенти Ҷумҳурии Тоҷикистон аз 17 январи соли 2014, № 116 "Дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон" тасдиқ шудааст, тағйироти зерин ворид карда шавад:

- дар сархати сиюм калимаи "Идораи" ба калимаи "Раёсати" иваз карда шавад;

- аз матни Рӯйхати корхонаю муассисаҳои тобеи Дастгоҳи иҷроияи Президенти Ҷумҳурии Тоҷикистон, ки ба Сохтори Дастгоҳи иҷроияи Президенти Ҷумҳурии Тоҷикистон замима гардидааст, калимаҳои "Идораи хоҷагии" хориҷ карда шаванд.

3. Ба фармони Президенти Ҷумҳурии Тоҷикистон "Дар бораи тасдиқи Низомномаи Дастгоҳи иҷроияи Президенти Ҷумҳурии Тоҷикистон" аз 17 марти соли 2014, № 181 тағйироти зерин ворид карда шавад:

- аз муқаддима калимаи "(Сарқонуни)" хориҷ карда шавад;

- банди 2 дар таҳрири зерин ифода карда шавад:

"2. Шумораи ниҳоии кормандони Дастгоҳи иҷроияи Президенти Ҷумҳурии Тоҷикистон ба миқдори 325 воҳид (бе ҳайати хизматрасон), муқаррар карда шавад.".

4. Ба Низомномаи Дастгоҳи иҷроияи Президенти Ҷумҳурии Тоҷикистон, ки бо фармони Президентп Ҷумҳурии Тоҷикистон аз 17 марти соли 2014, № 181 "Дар бораи тасдиқи Низомномаи Дастгоҳи иҷроияи Президенти Ҷумҳурии Тоҷикистон" тасдиқ  шудааст, тағйироти зерин ворид карда шавад:

- аз бандҳои 1, 3, сархати якуми банди 14, сархати чордаҳуми банди 15 ва сархати ҳабдаҳуми банди 17 калимаи "(Сарқонуни)" хориҷ карда шавад;

- боби 12 дар таҳрири зерин ифода карда шавад:

"12. Шахсони ҳуқуқии тобеи Дастгоҳи Президент

39. Барои иҷрои вазифа ва функсияҳои алоҳида тибқи қонунгузории Ҷумҳурии Тоҷикистон шахсони ҳуқуқии тобеи Дастгоҳи Президент таъсис дода мешаванд.";

- боби 13 хориҷ карда шавад.

5. Аз матни §1 боби 2 фасли II Феҳристи мансабҳои давлатии Ҷумҳурии Тоҷикистон, ки бо фармони Президенти Ҷумҳурии Тоҷикистон аз 15 августи соли 2016, № 737 "Дар бораи Феҳристи мансабҳои давлатии Ҷумҳурии Тоҷикистон" тасдиқ карда шудааст, калимаҳои "Сардори Идораи хоҷагӣ", "Муовини сардори Идораи хоҷагӣ", "Мудири шӯъбаи Идораи хоҷагӣ", "Муовини мудири шӯъбаи Идораи хоҷагӣ", "Мудири бахши Идораи хоҷагӣ", "Сармутахассиси Идораи хоҷагӣ" ва "Мутахассиси пешбари Идораи хоҷагӣ" хориҷ карда шаванд.

6. Дастгоҳи иҷроияи Президенти Ҷумҳурии Тоҷикистон:

- тибқи тартиби муқарраргардида дар басти вазифаҳои Дасттоҳи иҷроияи Президенти Ҷумҳурии Тоҷикистон тағйиру иловаҳои дахлдор ворид намояд;

- ҳангоми зарурат ҷиҳати ворид намудани тағйиру иловаҳо ба санадҳои меъёрии ҳуқуқии Ҷумҳурии Тоҷикистон таклиф пешниҳод намояд;

- санадҳои худро бо фармони мазкур мутобиқ намояд.

7. Вазорати молияи Ҷумҳурии Тоҷикистон бо назардошти тағйир ёфтани категорияҳои мансабҳои хизмати давлатии воҳидҳои кории идораи хоҷагӣ бо сабаби табдилдиҳӣ, ба Дастгоҳи иҷроияи Президенти Ҷумҳурии Тоҷикистон маблағи заруриро дар доираи маблағҳои барои Дастгоҳи иҷроияи Президенти Ҷумҳурии Тоҷикистон пешбинишуда таъмин намояд.

8. Фармонҳои Президенти Ҷумҳурии Тоҷикистон аз 23 сентябри соли 2002, № 898 "Дар бораи тасдиқи Оинномаи Идораи ҳоҷагии Дастгоҳи иҷроияи Президенти Ҷумҳурии Тоҷикистон, сохтор ва шумораи штатии он" ва аз 5 декабри соли 2001, № 721 "Дар бораи теъдоди кормандон ва такмили минбаъдаи фаъолияти Дастгоҳи иҷроияи Президенти Ҷумҳурии Тоҷикистон" аз эътибор соқит дониста шаванд.