Ҳукумати Ҷумҳурии Тоҷикистон

ҚАРОР

Дар бораи масъалаҳои комиссияи давлатии мусоидати барӯйхатгирии аҳолӣ

Мутобиқи моддаи 5 Қонуни Ҷумҳурии Тоҷикистон "Дар бораи барӯйхатгирии аҳолӣ" ва моддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" бо мақсади муташаккилона, босифат ва сари вақт гузаронидани барӯйхатгирии аҳолӣ ва фонди манзили Ҷумҳурии Тоҷикистон дар соли 2020, Ҳукумати Ҷумҳурии Тоҷикистон қарор мекунад:

1. Низомномаи комиссияи давлатии мусоидати барӯйхатгирии аҳолӣ ва ҳайати комиссияи давлатии мусоидати барӯйхатгирии аҳолӣ тасдиқ карда шаванд (замимаҳои 1 ва 2).

2. Тартиби тайёрӣ ва гузаронндани барӯйхатгирии аҳолӣ ва фонди манзили Ҷумҳурии Тоҷикистон дар соли 2020 тасдиқ карда шавад (замимаи 3).

3. Комиссияи давлатии мусоидати барӯйхатгирии аҳолӣ дар баробари гузаронидани барӯйхатгирии аҳолии Ҷумҳурии Тоҷикистон дар соли 2020 барои барӯйхатгирии фонди манзили Ҷумҳурии Тоҷикистон дар соли 2020 низ чораҷӯӣ намояд.

4. Раисони Вилояти Мухторн Кӯҳистони Бадахшон, вилоятҳо, шаҳри Душанбе, шаҳру ноҳияҳо бо мақсади тайёрӣ ва гузаронидани барӯйхатгирии аҳолӣ ва фонди манзили Ҷумҳурии Тоҷикистон дар соли 2020, комиссияҳои мусоидати барӯйхатгирин аҳолиро дар мақомоти иҷроияи маҳаллии ҳокимияти давлатӣ таъсис дода, фаъолияти онҳоро таҳти назорати доимӣ қарор диҳанд.

5. Назорати ҷараёни иҷрои қарори мазкур ба зиммаи комиссияи давлатии мусоидати барӯйхатгирии аҳолӣ вогузор карда шавад.