ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТУ ИЛОВА БА ҚОНУНИ ҶУМҲУРИИ ТОҶИКИСТОН "ДАР БОРАИ РЕКЛАМА"

Моддаи 1. Ба Қонуни Ҷумҳурии Тоҷикистон аз 1 августи соли 2003 "Дар бораи реклама" (Ахбори Маҷлиси Олии Ҷумҳурии Тоҷикистон, с.2003, №8, мод.457; с.2007, , №6, мод.432; с.2008, №10, мод.824; с.2011, №12, мод.843; с.2012, №4, мод.262; с.2014, №11, мод.672; с.2015, №3, мод.224) тағйироту иловаи зерин ворид карда шаванд:

1. Дар қисми дуюми моддаи 1, қисми чоруми моддаи 5, сархатҳои якум ва дуюми қисми сеюми моддаи 14 калимаи "қаламрави" ба калимаи "ҳудуди" иваз карда шавад.

2. Ба моддаи 2 сархати сездаҳум бо мазмуни зерин илова карда шавад:

"- воқеаҳои ҷорӣ - равандн воқеаҳои бавуқӯъомада, ҳодисаҳои муҳим, далелҳо аз ҳаёти шахсӣ ва ё ҷамъиятӣ, инчунин натиҷаҳои таҳқиқоту иқдомот;".

3. Аз матни моддаи 3 калимаи "(Сарқонуни)" хориҷ карда шавад.

4. Дар моддаи 20:

- қисми дуюм дар таҳирири зерин ифода карда шавад:

"Сарпарастии реклама аз ҷониби шахсони воқеию ҳуқуқӣ, ки машрубот, тамоку ва маҳсулоти тамоку истеҳсол мекунанд, манъ аст.";

- дар қисми сеюм калимаи "ва" ба калимаҳои "оид ба" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.