Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру илова ба қарори Ҳукумати Ҷумҳурии Тоҷикистон аз 1 ноябри соли 2006, № 503

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Шумораи кормандоии дастгоҳи марказии Раёсати асноди ҳолати шаҳрвандии Вазорати адлияи Ҷумҳурии Тоҷикистон аз ҳисоби ихтисори 2 воҳиди кории Хонаи ақди никоҳи шаҳри Душанбе ва 2 воҳиди кории Хонаи ақди никоҳи шаҳри Хуҷанд ба миқдори 4 воҳиди корӣ зиёд карда шавад.

2. Дар банди 2 қарори Ҳукумати Ҷумҳурии Тоҷикистон аз 1 ноябри соли 2006, № 503 "Дар бораи масъалаҳои Раёсати асноди ҳолати шаҳрвандии Вазорати адлияи Ҷумҳурии Тоҷикистон" рақами "8" ба рақами "12" иваз карда шавад.

3. Ба Сохтори дастгоҳи марказии Раёсати асноди ҳолати шаҳрвандии Вазорати адлияи Ҷумҳурии Тоҷикистон, ки бо қарори Хукумати Ҷумҳурии Тоҷикистон аз 7 октябри соли 2011, № 505 тасдиқ шудааст, сархати сеюм бо мазмуни зайл илова карда шавад:

- "Бахши кор бо кадрҳо ва умумӣ";

- сархати сеюм мутобиқан сархати чорум ҳисобида шавад.

4. Вазорати адлияи Ҷумҳурии Тоҷикистон санадҳои худро ба қарори мазкур мутобиқ намояд.