Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 31 августи соли 2012, № 451

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷшшстон аз 31 августи соли 2012, № 451 "Дар бораи тасдиқи Қоидаҳои андозбандии соҳибкорони инфиродие, ки дар асоси патент ё шаҳодатнома фаъолият менамоянд" бандҳои 4, 5 ва 6 дар таҳрири зайл илова карда шаванд:

"4. Барои соҳибкорони инфиродие, ки маблағи патентро барои 3 моҳи тақвимии минбаъда дар шакли пешпардохт (бо назардошти индексатсия) анҷом медиҳанд, ба андозаи 10 фоизи маблағи умумӣ кам карда мешавад.

5. Маъмурияти бозорҳо, марказҳои савдо, инчунин ташкилотҳои ба фаъолияти хизматрасонии нақлиётӣ машғулбуда, ки бо субъектҳои соҳибкорӣ шартномаи иҷора ва (ё) шартнома оид ба гирифтани роҳхат ба хатсайрҳо ба имзо мерасонанд, уҳдадор мебошанд, ки ҳар семоҳа ба мақомоти андози маҳалли қайди худ маълумотҳоро оид ба чунин субъектҳо, масоҳати фаъолият бо нишондоди раста ва ҷойи фаъолият ба таври электронӣ пешниҳод намоянд.

6. Ба Вазорати молияи Ҷумҳурии Тоҷикистон ва Кумитаи андози назди Ҳукумати Ҷумҳурии Тоҷикистон ваколат дода шавад, ки аз соли 2019 ҳар сол бо дарназардошти сатҳи таваррум дар соли гузаштаи андоз, ки аз ҷониби мақоми ваколатдор дар соҳаи омор муайян карда мешавад, тибқи фармоиши муштараки худ андозаҳои пардохт барои патентро индексатсия намуда, муқаррар кунанд ва тибқи Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" онро ба қайди давлатӣ гиранд.".

- бандҳои 4 ва 5 мутаносибан бандҳои 7 ва 8 ҳисобида шаванд.

2. Ба Қоидаҳои андозбандии соҳибкорони инфиродие, ки дар асоси патент ё шаҳодатнома фаъолият менамоянд, ки бо қарори Ҳукумати Ҷумҳурии Тоҷикистон аз 31 августи соли 2012, № 451 тасдиқ шудааст, тағйиру иловаҳои зерин ворид карда шаванд:

- ҷумлаи дуюми банди 11 хориҷ карда шавад;

- дар банди 18 пас аз калимаҳои "маҳалли фаъолият," калимаҳои "дар давраҳои дар хизмати ҳарбӣ қарор доштан, бо ҳукми (қарори) суд дар ҷойҳои маҳрум сохтан аз озодӣ нигоҳ доштан ва (ё) дар изолятори (тавқифгоҳи) тафтишотӣ қарор доштан, дар муҳоҷирати меҳнатӣ будан," илова карда шаванд;

- аз зербанди в) банди 28 калимаҳои "(ба истиснои амалиёти мубодилаи асъор)" хориҷ карда шавад;

- боби 4 хориҷ карда шавад.

3. Ба Номгӯи намудҳои фаъолияти соҳибкории инфиродие, ки дар асоси патент амалӣ карда мешаванд, инчунин андозаҳои пардохт барои патент, ки бо қарори Ҳукумати Ҷумҳурии Тоҷикистон аз 31 августи соли 2012, №451 тасдиқ карда шудааст, тағйиру иловаҳои зерин ворид карда шаванд:

- аз банди 3 калимаҳои ", гиёҳҳои худрӯи шифобахш, донаи офтобпараст ва зира" хориҷ карда шаванд;

- аз банди 4 калимаҳои ", дӯғоб, чой ва ғулингоб" хориҷ карда шаванд;

- аз банди 6 калимаҳои "ва биринҷ" хориҷ карда шаванд;

- бандҳои 9, 10 ва 11 дар таҳрири зайл ифода карда шаванд:

* ҷадвал

- аз банди 12 калимаҳои ", фурӯши рӯзномаҳо, маҷаллаҳо, тақвимҳо ва китобҳо дар кӯча, фурӯши молҳои қаблан дар истеъмолбуда" хориҷ карда шаванд;

- аз банди 29 калимаҳои "ва хизматрасониҳои осиёбӣ" хориҷ карда шуда, пас аз калимаҳои "техникаи кишоварзӣ" калимаҳои "инчунин бурдан ва расонидани ёрии муҳосибӣ ба истеҳсолкунандагони маҳсулоти кишоварзӣ" илова карда шаванд;

- дар банди 33 пас аз калимаҳои "ҷашну маъракаҳо" калимаҳои ". Сабти мусиқӣ дар телефони мобилӣ, фурӯши дискҳои (фиттаҳои) аудиоӣ ва видеоӣ" илова карда шаванд;

- дар банди 35 пас аз калимаҳои "таълимӣ - репетиторӣ." калимаҳои "Таъмири асбобҳои мусиқӣ." илова карда шавад;

- дар банди 36 калимаҳои "нусхагирӣ, таъмири асбобҳои мусиқӣ" ба калимаи "кафшергарӣ" иваз карда шавад;

- банди 37 дар таҳрири зайл ифода карда шавад:

* ҷадвал

- дар банди 38 калимаҳои "Таъмир ва тоза намудани пойафзол берун аз бинои статсионарӣ, хизматӣ" ба калимаи "Хизмати" иваз карда, калимаҳои "телефони кӯчагӣ," хориҷ карда шаванд;

- аз банди 39 калимаҳои ".Нигоҳубини пиронсолон, беморон ва кӯдакон" хориҷ карда шаванд;

- дар банди 40 пас аз калимаҳои "Муқовакунии ҳуҷҷатҳо" калимаи ", нусхагирӣ" илова карда шавад;

- банди 41 дар таҳрири зайл ифода карда шавад:

* ҷадвал

- банди 43 дар таҳрири зайл ифода карда шавад:

* ҷадвал

- дар банди 46 калимаи "кандакорӣ" ба калимаҳои "насб ва таъмири антеннаҳои маҳворавӣ" иваз карда шавад;

- банди 48 дар таҳрири зайл ифода карда шавад:

* ҷадвал

- дар банди 49 пас аз калимаи "наққошӣ" калимаҳои ", ба истиснои чунин фаъолиятҳо дар деҳотҷойҳо" илова карда шаванд;

- дар Эзоҳ калимаи "нагардидаанд" ба калимаи "гардидаанд" ва калимаи "мешавад" ба калимаи "намешавад" иваз карда шаванд;

- ҷумлаи дуюми сархати якуми Эзоҳ хориҷ карда шавад;

- дар Эзоҳ ҷумлаҳои нав бо мазмуни зайл илова карда шаванд:

"Андозаи пардохти патент барои шаҳрвандони хориҷӣ ва шахсони бешаҳрванд ба андозаи дукаратаи пардохт барои патент аз рӯи ҳамон намуди фаъолиятҳо, ки онҳо истифода мебаранд, амалӣ карда мешавад.

Фаъолият оид ба фурӯши гиёҳҳои худрӯйи шифобахш, дӯғоб, ғулингоб, чой ва донаи офтобпараст дар кӯча, фурӯши рӯзномаҳо, маҷаллаҳо, тақвимҳо ва китобҳо дар кӯча, фурӯши молҳои қаблан дар истеъмолбуда, чаронидани чорво, таъмир ва тоза намудани пойафзол берун аз бинои статсионарӣ, хизматрасонии телефони кӯчагӣ, нигоҳубини пиронсолон, беморон ва кӯдакон, кашонидани бор ба воситаи ароба дар кӯча ва бозорҳо, шустушӯи воситаи нақлиёт дар кӯча (ба ғайр аз ҷойҳои махсусгардонидашуда) ва қабрканҳо (гӯрканҳо), дар деҳотҷойҳо амалӣ намудани фурӯши маҳсулоти ҳунарҳои бадеии халқӣ ва маҳсулоти бофташуда (пашмӣ, намадӣ, пахтагӣ абрешимӣ, гулдӯзӣ, зардӯзӣ), дар деҳотҷойҳо ба роҳ мондани омӯзиши ҳунарҳои миллӣ (дӯзандагӣ, бофандагӣ, риштабофӣ, газворбофӣ, дуредгарӣ, кандакорӣ, рассомӣ, рангуборкунӣ ва наққошӣ) мавриди андозбандӣ қарор намегирад ва барои амалӣ намудани он патент талаб карда намешавад.".

4. Ба Коэффитсиентҳои минтақавӣ, ки андозаҳои пардохтро барои патент дар қаламрави шаҳру ноҳияҳо танзим менамоянд ва ҳамчун замимаи 3 бо қарори Ҳукумати Ҷумҳурии Тоҷикистон аз 31 августи соли 2012, № 451 тасдиқ карда шудааст, тағйиру иловаҳои зерин ворид карда шаванд:

- дар гурӯҳи 3 калимаи "Қайроққум" ба калимаи "Гулистон", калимаи "Чкаловск" ба калимаҳои "Бӯстон, Ҳисор" иваз карда шуда, калимаи ", Ҳисор" хориҷ карда шавад;

- дар гурӯҳи 4 пас аз калимаи "Сарбанд" калимаи ", Норак" илова карда шуда, калимаи "Румӣ" ба калимаи "Балхӣ" иваз карда шуда, калимаҳои "ва Норак" хориҷ карда шаванд;

- дар гурӯҳи 5 калимаҳои "Ҷиликӯл", "Қумсангир" ва "Ғончӣ" мутаносибан ба калимаҳоп "Дӯстӣ", "Ҷайҳун" ва "Деваштич" иваз карда шуда, пас аз калимаи "Истиқлол" калимаҳои "ва Панҷакент" илова карда шаванд;

- дар гурӯҳи 6 калимаҳои "деҳотҷойҳои он" ба калимаи "деҳотҷойҳо" иваз карда шавад.