Ҳукумати Ҷумҳурии Тоҷикистон

ҚАРОР

Дар бораи Тартиби нигоҳдорӣ ва истифодабарии қабристонҳо

Мутобиқи моддаҳои 16 ва 18 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Чумҳурии Тоҷикистон қарор мекунад:

1. Тартиби нигоҳдорӣ ва истифодабарии қабристонҳо тасдиқ карда шавад (замима мегардад).

2. Мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо нигоҳдорӣ ва истифодабарии қабристонҳоро мутобиқи Тартиби мазкур таъмин намоянд.

3. Вазорату идораҳо ва мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо ҷиҳати риояи талаботи қарори мазкур тадбирҳои мушаххас андешанд.