ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба фармони Президенти Ҷумҳурии Тоҷикистон аз 17 марти соли 2009, № 637

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба фармони Президенти Ҷумҳурии Тоҷикистон аз 17 марти соли 2009, № 637 "Дар бораи таъсиси Маркази миллии қонунгузории назди Президенти Ҷумҳурии Тоҷикистон" тағйиру иловаҳои зерин ворид карда шаванд:

1. Аз қисми муқаддимавӣ калимаи "(Сарқонуни)" хориҷ карда шуда, дар банди 3 рақами "40" ба рақами "43" иваз карда шавад.

2. Ба Низомномаи Маркази миллии қонунгузории назди Президенти Ҷумҳурии Тоҷикистон, тағйиру иловаи зерин ворид карда шаванд:

- аз банди 2 ва сархати чоруми банди 6 калимаи "(Сарқонуни)" хориҷ карда шавад;

- ба банди 6 сархати шашум бо мазмуни зайл илова карда шавад:

"-гузаронидани таҳлили таъсири танзимкунӣ;".

3. Дар Сохтори Маркази миллии қонунгузории назди Президенти Ҷумҳурии Тоҷикистон пас аз сархати "Шӯъбаи иттилооти ҳуқуқӣ ва мураттабсозӣ" сархати нав бо мазмуни зайл илова карда шавад:

"Бахши таҳлили таъсири танзимкунӣ".