Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 31 октябри соли 2009, № 609

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби номгузорӣ ва дигар кардани номи корхонаҳои давлатӣ, истгоҳҳои роҳи оҳан, фурудгоҳҳо, ташкилоту муассисаҳо, таълимгоҳҳо, инчунин объектҳои физикию ҷуғрофӣ, ки бо қарори Ҳукумати Ҷумҳурии Тоҷикистон аз 31 октябри соли 2009, № 609 "Дар бораи тасдиқи Тартиби номгузорӣ ва дигар кардани номи корхонаҳои давлатӣ, истгоҳҳои роҳи оҳан, фурудгоҳҳо, ташкилоту муассисаҳо, таълимгоҳҳо, инчунин объектҳои физикию ҷуғрофӣ" тасдиқ шудааст, тағйиру иловаҳои зерин ворид карда шаванд:

- дар банди 10 баъд аз калимаҳои "муассисаҳои таҳсилоти" калимаҳои "ибтидоӣ, миёна ва" илова карда шаванд;

- дар банди 11 калимаи "қаламрави" ба калимаи "ҳудуди" иваз ва баъд аз калимаи "ҷойгиранд," калимаҳои "дар мувофиқа бо мақомоти иҷроияи марказии ҳокимияти давлатии дахлдори соҳа" илова карда шаванд.