Ҳукумати Ҷумҳурии Тоҷикистон

ҚАРОР

Дар бораи пардохти маблағ барои нигоҳубини кӯдакон дар муассисаҳои давлатии таълимии томактабӣ

Мутобиқи моддаҳои 16 ва 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Аз 1 январи соли 2016 андозаи якмоҳаи пардохти маблағ аз падару модар (шахсони онҳоро ивазкунанда) барои нигоҳубини кӯдакон дар муассисаҳои давлатии таълимии томактабӣ тибқи ҷадвали зерин муқаррар карда шавад:

*Ниг. ба ҷадвал

2. Қарори Ҳукумати Ҷумҳурии Тоҷикистон аз 23 феврали соли 1996, № 94 "Дар бораи пардохти маблағ барои нигоҳубини кӯдакон дар муассисаҳои томактабӣ" аз эътибор соқит дониста шавад.