ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи муқаррар намудани рутбаҳои дараҷавӣ ба кормандони мақомоти адлияи Ҷумҳурии Тоҷикистон

Мутобиқи моддаи 57 Конститутсияи (Сарқонуни) Ҷумҳурии Тоҷикистон ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Маҷлиси намояндагони Маҷлиси Олии Ҷумҳурии Тоҷикистон қарор мекунад:

1) Ба кормандони мақомоти адлия рутбаҳои дараҷавии зерин муқаррар карда шаванд:

- Мушовири давлатии адлияи Ҷумҳурии Тоҷикистон;

- Мушовири давлатии адлияи дараҷаи 1;

- Мушовири давлатии адлияи дараҷаи 2;

- Мушовири давлатии адлияи дараҷаи 3;

- Мушовири адлияи дараҷаи 1;

- Мушовири адлияи дараҷаи 2;

- Мушовири адлияи дараҷаи 3;

- Ҳуқуқшиноси дараҷаи 1;

- Ҳуқуқшиноси дараҷаи 2;

- Ҳуқуқшиноси дараҷаи 3.

2) Рутбаҳои дараҷавии дар банди 1) қарори мазкур пешбинигардида ба кормандони Дастгоҳи Маҷлиси миллии Маҷлиси Олии Ҷумҳурии Тоҷикистон, Дастгоҳи Маҷлиси намояндагони Маллиси Олии Ҷумҳурии Тоҷикистон ва Дастгоҳи иҷроияи Президенти Ҷумҳурии Тоҷикистон, ки таҳсилоти олии ҳуқуқшиносӣ доранд, низ дода мешаванд.

3) Низомномаҳои тартиби додани рутбаҳои дараҷавии кормандони мақомоти адлия Дастгоҳи Маҷлиси миллии Маҷлиси Олии Ҷумҳурии Тоҷикистон, Дастгоҳи Маҷлиси намояндагони Маҷлиси Олии Ҷумҳурии Тоҷикистон ва Дастгоҳи иҷроияи Президенти Ҷумҳурии Тоҷикистон тибқи санадҳои меъёрии ҳуқуқии Ҷумҳурии Тоҷикистон тасдиқ карда мешаванд.

4) Қарори Маҷлиси Олии Ҷумҳурии Тоҷикистон аз 4 ноябри соли 1995, № 138 "Дар бораи муқаррар намудани рутбаҳои кормандони мақомоти адлия ва нотариати давлатии Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с.1995, № 22, мод. 281) ва қарори Раёсати Маҷлиси Олии Ҷумҳурии Тоҷикистон аз 6 майи соли 1996, № 573 "Оиди тасдиқ намудани Низомнома дар бораи рутбаҳои дараҷавии коркунони мақомоти адлия ва нотариати давлатии Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с.1996, № 7-10, мод.203) аз эътибор соқит дониста шаванд.