Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, № 604

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 2 қарори Ҳукумати Ҷумҳурии Тоҷикистон аз 28 декабри соли 2006, № 604 "Дар бораи Вазорати фарҳанги Ҷумҳурии Тоҷикистон" рақами "61" ба рақами "65" иваз карда шавад.

2. Ба зербанди а) банди 5 Низомномаи Вазорати фарҳанги Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 604 тасдиқ шудааст, сархати нав бо мазмуни зайл илова карда шавад:

" - амалӣ намудани аудити дохилӣ ҷиҳати мақсаднок ва самаранок истифода бурдани маблағҳои буҷетӣ дар дастгоҳи марказӣ ва муассисаву ташкилотҳои буҷетии системаи Вазорат;"

3. Дар Сохтори дастгоҳи марказии Вазорати фарҳанги Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 604 тасдиқ шудааст, сархати нав бо мазмуни зайл илова карда шавад:

"Шӯъбаи аудити дохилӣ".

4. Вазорати молияи Ҷумҳурии Тоҷикистон маблағгузории хароҷоти нигоҳдории (пардохти музди меҳнат ва суғуртаи иҷтимоии) воҳидҳои иловагиро аз 1 январи соли 2016 ва дар солҳои минбаъда аз ҳисоби буҷети ҷумҳуриявӣ таъмин намояд.