Ҳукумати Ҷумҳурии Тоҷикистон

ҚАРОР

Дар бораи Низомномаи тартиби расонидани ёрии давлатӣ ва маҳаллӣ

Мутобиқи моддаи 10 Қонуни Ҷумҳурии Тоҷикистон "Дар бораи рақобат ва маҳдудкунии фаъолияти инҳисорӣ дар бозорҳои мол", бо мақсади пешбурди фаъолияти зиддиинҳисорӣ ва ҷорӣ намудани рақобати солим дар бозорҳои мол, Ҳукумати Ҷумҳурии Тоҷикистон қарор мекунад:

1. Низомномаи тартиби расонидани ёрии давлатӣ ва маҳаллӣ тасдиқ карда шавад (замима мегардад).

2. Хадамоти зиддиинҳисории назди Ҳукумати Ҷумҳурии Тоҷикистон назорати давлатии ёрии давлатӣ ва маҳаллиро тибқи Низомномаи мазкур амалӣ намояд.

3. Вазорату идораҳо, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот, инчунин ташкилотҳои ваколатдори мақомоти зикргардида, расонидани ёрии давлатӣ ва маҳаллиро ба як ё якчанд субъектҳои хоҷагидор тибқи Низомномаи мазкур ба роҳ монанд.