Созишнома оид ба маблағгузорӣ байни Ҷумҳурии Тоҷикистон ва Ассотсиатсияи байналмилалии рушд оид ба Лоиҳаи "Интиқол ва тиҷорати нерӯи барқ байни Осиёи Марказӣ ва Осиёи Ҷанубӣ" (CASA-1000)

СОЗИШНОМА ДАР БОРАИ МАБЛАҒГУЗОРӢ

Созишномаи мазкур аз 24 апрели соли 2015 байни Ҷумҳурии Тоҷикистон (минбаъд - "Гирандаи грант") ва Ассотсиатсияи байналмилалии рушд (минбаъд - "Ассотсиатсия") ба имзо расид.

Бо дарназардошти он, ки:

(А) ҳукуматҳои Гирандаи грант, Ҷумҳурии Исломии Афғонистон (,Афғонистон,), Ҷумҳурии Исломии Покистон (,Покистон,) ва Ҷумҳурии Қирғизистон ("Қирғизистон") (дар якҷоягӣ "Давлатҳои аъзо") як қатор созишномаҳо ва ёддоштҳои тафоҳумро ба имзо расониданд, ки ба созишномаи мазкури CASA истинод оварда, бо мақсади фурӯши минтақавии нерӯи барқ тавассути: (i) муносиб гардонидани истифодаи умумии захираҳои нерӯи барқ; (ii) зиёд намудани манбаи нерӯи барқ дар минтақа бо дарназардошти хароҷоти муқоисавии рушд ва таъминот тибқи зиёд намудани дастрасӣ ба нерӯи барқ; (iii) таъмини ҳамоҳангсозии самарабахш байни ташаббусҳои гуногуни соҳаҳои истеҳсоли нерӯи барқ ва интиқоли он; (iv) мусоидати дарозмӯҳлат, рушди бозори нерӯи барқ дар минтақа шароити мусоид фароҳам меорад;

(B) Ассотсиатсия ният дорад Лоиҳаи CASA-1000-ро дастгирӣ намояд (минбаъд - Лоиҳа, чӣ тавре, ки дар Ҷадвали 1 тавсиф ёфтааст);

(C) Гирандаи грант боварӣ ҳосил мекунад, ки ҷиҳати иҷро намудан ва афзалиятнок будани Лоиҳа (минбаъд ,Лоиҳа, чӣ тавре, ки дар Ҷадвали 1 тавсиф ёфтааст), ҳангоми дархости кӯмак аз Ассотсиатсия як қисми Лоиҳа маблағгузорӣ карда мешавад;

(D) Лоиҳа дар қаламрави Гирандаи грант тавассути "Барқи Тоҷик" ("Муассисаи татбиқкунандаи Лоиҳа") амалӣ карда мешавад, интиқол ва фурӯши нерӯи барқ дар доираи қонунҳои Гирандаи грант, ки минбаъд дар Замимаи Созишномаи мазкур дарҷ гардидааст, бо мусоидати Гирандаи грант, ҳамчун қисми кӯмак анҷом дода мешавад ва Гирандаи грант онро тибқи тартиби дар моддаи II пешбинишуда ба ихтиёри Муассисаи татбиқкунандаи Лоиҳа тавассути Созишномаи иловагӣ, чӣ тавре, ки дар Созишномаи мазкур муқаррар карда шудааст, месупорад;

(E) Аз рӯи созишномаҳои алоҳидаи маблағгузории байни Афғонистон, Қирғизистон ва Покистон, ки мутаносибан бо Ассотсиатсия ба имзо расониданд ("Созишномаи маблағгузории Афғонистон", "Созишномаи маблағгузории Қирғизистон" ва "Созишномаи маблағгузории Покистон", ки минбаъд дар Замима ба Созишномаи мазкур муайян карда шудааст), Ассотсиатсияи ба Афғонистон, Қирғизистон Покистон қарзҳо ва грантҳоро ба маблағи баробар ба дусаду шаш миллиону сесад ҳазор ҳуқуқҳои махсуси қарзгирӣ (ҲМҚ 206,300,000), бисту нӯҳ миллиону чорсад ҳазор ҳуқуқҳои махсуси қарзгирӣ (ҲМҚ 29.400.000 ) ва ҳафтоду ҳашт миллиону сесад ҳазор ҳуқуқҳои махсуси қарзгирӣ (ҲМҚ 78,300,000), мутаносибан барои маблағгузории хароҷоти вобаста ба татбиқи Лоиҳа бо шарту шароитҳое, ки дар Созишномаи маблағгузории Афғонистон, Созишномаи маблағгузории Қирғизистон ва Созишномаи маблағгузории Покистон дарҷ шудаанд;

(F) Гирандаи грант созишномаро бо Бонки сармоягузории Аврупо ("БСА") ба маблағи баробар ба ҳафтод миллион евро (70,000,000) ба имзо расонд, ки ҳамчун мусоидат намудан ба Гирандаи грант ҷиҳати маблағгузории қисми хароҷоти Лоиҳа аз рӯи шартҳои пешбининамудаи созишнома байни Гирандаи грант ва Бонки сармоягузории аврупо аз 23 декабри соли 2014 мебошад ("Созишномаи БСА", ки минбаъд дар Замима ба Созишномаи мазкур муайян карда шудааст);

(G) Давлатҳои аъзо ҳамчунин ният доранд кӯмаки молиявиро аз дигар сарчашмаҳо ҷиҳати маблағгузории қисми хароҷоти Лоиҳа "Маблағгузории иловагӣ") аз рӯи шартҳои дар созишномаҳои иловагии маблағгузорӣ дарҷёфта, ки байни Давлатҳои аъзо ва дигар маблағгузорон баста мешаванд, дарёфт намоянд;

(H) Ассотсиатсия ҳамчунин дар асоси гуфтаҳои боло розӣ шуд грантро, ки дар моддаи II Созишномаи мазкур пешбинӣ шудааст, тибқи шартҳои берун аз Созишномаи мазкур барои ҳамин Лоиҳа, ки байни Ассотсиатсия ва Муассисаи татбиқкунандаи Лоиҳа муқаррар шудааст, тамдид намояд.

Бинобар ин, Гирандаи грант ва Ассотсиатсия ба мувофиқаи зайл расиданд:

Моддаи 1 Шартҳои умумӣ; Мафҳумҳо

1.01. Шартҳои умумӣ (чӣ тавре ки дар Замима ба Созишномаи мазкур оварда шудааст), ҷузъи ҷудонашавандаи Созишномаи мазкур маҳсуб меёбад.

1.02. Ба истиснои ҳолатҳое, ки дар матн тартиби дигар дар назар дошта нашуда бошад, истилоҳоте, ки дар Созишномаи мазкур истифода шуда, бо ҳарфи калон навишта мешаванд, он маъноҳоро мефаҳмонанд, ки дар Шартҳои умумӣ ё дар Замима ба Созишномаи мазкур оварда шудаанд.

Моддаи 2 Маблағгузорӣ

2.01. Ассотсиатсия розӣ шуд ба Гирандаи грант дар асоси мӯҳлату шартҳо, ки ифода шудаанд ё дар истинод ба Созишномаи мазкур оварда шудааст, грант ("Маблағгузорӣ") ба маблағи баробар ба бисту нӯҳ миллиону чорсад ҳазор Ҳуқуқҳои махсуси қарзгирӣ (29,400,000 ҲМҚ) (,Грант,) ҷиҳати расонидани кӯмак дар маблағгузории Лоиҳа, ки дар Замимаи 1 Созишномаи мазкур ("Лоиҳа") тавсиф шудааст, пешниҳод намояд.

2.02. Гирандаи грант метавонад воситаҳои Маблағгузориро мутобиқи Фасли IV Замимаи 2 Созишномаи мазкур гирад.

2.03. Пардохти ниҳоӣ ҷиҳати захиракунии воситаҳо, ки аз ҷониби Гирандаи грант бинобар нагирифтани бақияи Маблағгузорӣ анҷом дода мешавад, нисфи як фоиз (1/2 аз 1 фоиз) дар як солро ташкил медиҳад.

2.04. Санаҳои пардохт 15 апрел ва 15 октябри ҳар сол муайян карда шудааст.

2.05. Асъори пардохт доллари ШМА мебошад.

Моддаи 3 Лоиҳа

3.01. Гирандаи грант ҷонибдории худро ба мақсадҳои Лоиҳа баён менамояд. Бо ин мақсад, Гирандаи грант бояд таъмин намояд, ки Лоиҳа дар қаламрави Гирандаи грант аз ҷониби Муассисаи татбиқкунандаи Лоиҳа мутобиқи муқаррароти Моддаи IV Шартҳои умумӣ ва Созишнома дар бораи Лоиҳа татбиқ мегардад.

3.02. Бо муқаррароти Фасли 3.01 Созишномаи мазкур маҳдуд нашуда,ба истиснои ҳолатҳое, ки агар байни Гирандаи грант ва Ассотсиатсия қарори дигар қабул гардад, Гирандаи грант бояд кафолат диҳад, ки Лоиҳа мутобиқи муқаррароти Замимаи 2 Созишномаи мазкур ва муқаррароти Созишнома дар бораи Лоиҳа иҷро мегардад.

Моддаи 4 Ҳифзи ҳуқуқҳои Ассотсиатсия

4.01. Омили иловагии боздоштан аз ҳолатҳои зерин иборат мебошад:

a) Ягон тарафи Созишномаи фаръӣ ягон ӯҳдадориро дар доираи Созишномаи фаръӣ иҷро карда натавонад.

b) Қонунгузории Муассисаи татбиқкунандаи Лоиҳа тавре тағйир, боздошта, аз эътибор соқит ё бекор карда шудаанд, ки ин ба иҷрои ягон ӯҳдадориҳои Муассисаи татбиқкунандаи Лоиҳа тибқи Созишнома дар бораи Лоиҳа таъсири ҷузъӣ расонад.

c) Ягон созишномаи давлати қабулкунанда, Созишномаи ҳамоҳангсозӣ, Созишномаи байнидавлатӣ ё ягон Қарори ШБҲ тавре тағйир, боздошта, аз эътибор соқит ё бекор карда шудаанд, ки ин ба иҷрои ягон ӯҳдадориҳои Гирандаи грант ё ШБҲ тибқи Созишнома дар бораи Лоиҳа таъсири ҷузъӣ расонад.

d) Ҳуқуқҳои ягон давлати аъзо дар ягон Созишномаи асосӣ оид ба маблағгузорӣ ҷиҳати гирифтани ин гуна маблағгузорӣ дар асоси шартҳои чунин созишнома пурра ё қисман боздошта, бекор ва ё қатъ карда шаванд.

e) Созишномаи асосии тиҷоратӣ аз ҷониби тарафҳои дахлдор иҷро нагардад ва пас аз санаи эътибор пайдо намудан, ки дувоздаҳ (12) моҳро ташкил медиҳад, эътибор пайдо накунад.

f) Ягон Созишномаи асосии тиҷоратӣ ё Созишномаи асосии сохтмонӣ асосии тиҷоратӣ тавре тағйир, боздошта, аз эътибор соқит ё бекор карда шудаанд, ки ин ба иҷрои ӯҳдадориҳои ягон тараф дар доираи татбиқи Лоиҳа таъсири ҷузъӣ расонад.

4.02. Омилҳои иловагие, ки ба иҷрои пеш аз мӯҳлати ӯҳдадориҳо оварда мерасонад: ҳама гуна ҳолатҳое, ки дар Фасли

4.01 Созишномаи мазкур тавсиф шудаанд.

Моддаи 5 Эътибор пайдо кардан; Қатъи амал

5.01. Шартҳои иловагӣ барои эътибор пайдо кардан инҳо мебошанд:

a) Тарафҳои Созишномаи харид ва Созишномаи асосӣ, созишномаҳоро бо шакл ва моҳияти барои Ассотсиатсия қобили қабул ба имзо расонанд.

b) Созишномаи фаръӣ аз номи Гирандаи грант ва Муассисаи татбиқкунандаи Лоиҳа иҷро гардад ва тамоми шартҳои пешакии эътибор пайдо кардани он (ба истиснои эътибор пайдо кардани Созишномаи мазкур) иҷро карда шавад.

c) Созишномаи асосии маблағгузорӣ иҷро гардад ва тамоми шартҳои пешакии эътибор пайдо кардани он (ба истиснои эътибор пайдо кардани Созишномаи мазкур) иҷро карда шавад.

d) Созишномаи БСА иҷро гардад ва тамоми шартҳои пешакии эътибор пайдо кардани он (ба истиснои эътибор пайдо кардани Созишномаи мазкур) иҷро карда шавад.

e) Гирандаи грант ба Ассотсиатсия барномаи идоракунии даромади шаффофро пешниҳод намояд ("Барномаи идоракунии даромад"), ки барои Асотсиатсия қобили қабул бошад.

f) Барқи Тоҷик ва Гурӯҳи татбиқи лоиҳа Созишномаи татбиқи лоиҳаро, ки барои Ассотсиатсия қобили қабул мебошад, ба имзо расонад.

5.02. Масъалаҳои иловагии ҳуқуқӣ иборатанд аз:

(а) Созишномаи Маблағгузории грантӣ аз ҷониби Гирандаи грант ва Муассисаи татбиқкунандаи Лоиҳа ба таври зарурӣ тасдиқ карда шуда, мутобиқи шартҳои он дорои эътибори ҳатмии ҳуқуқӣ барои Гирандаи грант ва Муассисаи татбиқкунандаи Лоиҳа мебошад.

(б) Созишномаи БСА аз ҷониби Гирандаи грант ва БСА ба таври зарурӣ тасдиқ карда шуда, барои Гирандаи грант мутобиқи шартҳои он дорои эътибори ҳатмии ҳуқуқӣ мебошад.

5.03. Мӯҳлати ниҳоӣ ҷиҳати пайдо кардани эътибор, рӯзи яксаду ҳаштодум (180) пас аз санаи ба имзо расонидани Созишномаи мазкур ба ҳисоб меравад.

5.04. Барои мақсадҳои Фасли 8.05. (б) Шартҳои умумӣ, ӯҳдадориҳои Гирандаи грант тибқи Созишномаи мазкур (ба истиснои ӯҳдадориҳо оид ба пардохт) баъди гузаштани бист (20) сол аз санаи ба имзо расонидани Созишномаи мазкур қатъ карда мешаванд.

Моддаи 6 Намоянда; Суроғаҳо

6.01. Намояндаи Гирандаи грант - Вазири молияи Гирандаи грант мебошад.

6.02. Суроғаи Гирандаи грант:

Вазорати молия

кӯчаи Академикҳо Раҷабовҳо, 3

Душанбе, 734025

Ҷумҳурии Тоҷикистон

Факс: (992-372) 213329

6.03. Суроғаи Ассотсиатсия:

Ассотсиатсияи байналмилалии рушд

1818 Н Street, N.W.

Washington, D.C. 20433

Штатҳои Муттаҳидаи Амрико

Барқия: Телекс: Факс:

INDEVAS, 248423 (MCI) 1-202-477-6391

Washigton D.C.

Созишнома дар шаҳри Истанбули Туркия, дар рӯз ва соле, ки дар боло зикр шудааст, ба имзо расид.

ҶУМҲУРИИ ТОҶИКИСТОН

Аз номи __________________________

Намояндаи ваколатдор

Ном: А. Қурбонов

Вазифа: Вазири молияи ҶТ

АССОТСИАТСИЯИ БАЙНАЛМИЛАЛИИ РУШД

Аз номи __________________________

Намояндаи ваколатдор

Ном: Сароҷ Кумар Зу

Вазифа: Директори кишварӣ

НАҚШАИ 1 Тавсифи Лоиҳа

Мақсади Лоиҳа ин фароҳам овардани шароит ҷиҳати хариду фурӯши устувори нерӯи барқ байни давлатҳои Осиёи Марказӣ , Тоҷикистону Қирғизистон ва давлатҳои Осиёи Ҷанубӣ , Афғонистону Покистон мебошад.

Лоиҳа аз қисмҳои зерин иборат мебошад, ки ҳар яке аз онҳо дар қаламрави Гирандаи грант аз рӯи Созишномаи мазкур маблағгузорӣ карда мешавад:

Қисми А. Бунёди Инфрасохтори интиқоли нерӯи барқи баландшиддат

1. Хати интиқоли ҷараёни доимии нерӯи барқи баландшиддат. Сохтмони тақрибан 750 км хати интиқоли ҷараёни доимии нерӯи барқи баландшиддат дар ҳамбастагӣ бо шабакаи нерӯи барқи Тоҷикистон аз нерӯгоҳи Сангтӯда ба шабакаи Покистон, ба нерӯгоҳи тақсимотии Пешовар ва ба шабакаи Афғонистон, ба нерӯгоҳи тақсимотии Қобул.

2. Нерӯгоҳи тақсимотии ҷараёни доимии нерӯи барқи баландшиддат. Дизайни муҳандисӣ, сохтмон ва мавриди истифода қарор додани се нерӯгоҳи тақсимотии ҷараёни тағйирёбандаи нерӯи барқи баландшиддат: (i) Нерӯгоҳи тақсимотии Сангтӯда (1,300 мВт) дар Тоҷикистон; (ii) Нерӯгоҳи тақсимотии Кобул (300 мВт) дар Афғонистон; ва (iii) Нерӯгоҳи тақсимотии Пешовар (1,300 мВт) дар Покистон, аз ҷумла таҷҳизоти махсуси ҷараёни тағйирёбанда ва доимӣ.

3. Интиқоли ҷараёни тағйирбандаи нерӯи барқи баландшиддат байни Қирғизистон ва Тоҷикистон. Бунёди тақрибан 475 км хати интиқоли нерӯи барқи ҷараёни тағйирёбанда бо пайвастан ба шабакаи нерӯи барқи Қирғизистон, аз зеристгоҳи Датка ба шабакаи Тоҷикистон ба зеристгоҳи Хуҷанд тавассути таҷҳизоти зеристгоҳ.

4. Шабакаи тақвияти интиқоли нерӯи барқи Тоҷикистон. Тақвият дар бар мегирад бунёди хати 500 кВт аз зеристгоҳи Регар то нерӯгоҳи тақсимотии Сангтӯда ва қисми дигари шабака бояд интиқоли нерӯи барқро аз Тоҷикистону Қирғизистон ба Сангтӯда таъмин намояд.

Қисми В. Кӯмаки техникӣ ва дастгирии татбиқи Лоиҳа

1. Муҳандисони ҷараёни доимӣ ва тағйирёбандаи нерӯи барқи баландшиддат. Муқаррароти хизматрасонии машваратии ду муҳандисони қисми ҷараёни доимӣ ва тағйирёбандаи нерӯи барқи баландшиддати Лоиҳа, аз ҷумла тарафи сеюм ҷиҳати мониторинг ва назорати сохтмон.

2. Дастгирии идоракунии муҳити зист ва иҷтимоиёт. Таҳкими иқтидори Муассисаи татбиқкунандаи Лоиҳа ҷиҳати рушд ва назорати муҳити зист ва ҳуҷҷатҳои ҳифзи соҳаи иҷтимоӣ, аз ҷумла ҳуҷҷатҳои хусусияти миллидоштаи муҳити зист, Нақшаи амалиёт оид ба таъсири иҷтимоӣ ва ба ҷойи дигар кӯчидан.

3. Идоракунии аудит, маблағ ва даромад.Иҷрои ҳарсолаи аудити суратҳисобҳои Лоиҳа дар чор давлати аъзо ва аудити Муассисаи татбиқкунандаи Лоиҳа, ки чунин аудит аз дигар сарчашмаҳо маблағгузорӣ карда нашавад ва дастгирии идоракунии молиявии шаффофи даромадҳо аз Лоиҳа, аз ҷумла татбиқи идоракунии молиявии барномаи рушд.

4. Дастгирии идоракунии Лоиҳа. Муқаррарот оид ба: (i) Дастгирии идоракунии Лоиҳа аз ҷониби Муассисаи татбиқкунандаи Лоиҳа, аз ҷумла идоракунӣ, татбиқ, мониторинг ва арзёбии Лоиҳа ва натиҷаҳои хароҷоти амалишуда; (ii) иқтидори нерӯи барқи ҷараёни доимии баландшиддат; (iii) хизматрасонии машваратии тиҷоратӣ ва ҳуқуқӣ оид ба интиқоли нерӯи барқи тиҷоратӣ.

5. Ҳамоҳангсозӣ. Таҳкими Шӯрои байниҳукуматӣ тавассути маблағгузории хизматрасониҳои техникӣ, тиҷоратӣ ва ҳуқуқӣ.

6. Алоқаи Лоиҳа. Ба амал баровардани алоқаи Лоиҳа тавассути чорабиниҳо ва паҳн намудани иттилоот дар бораи фаъолият ба миёнравҳои дахлдор, алалхусус ба аҳолие, ки дар минтақаи татбиқи Лоиҳа зиндагӣ мекунанд, ба роҳ монда мешавад.

7. Бунёди иқтидор. Бунёди иқтидори ҳайати кормандони Муассисаи татбиқкунандаи Лоиҳа ва сохторҳои дахлдори давлатӣ тибқи рушди бозори минтақавии нерӯи барқ роҳандозӣ мегардад.

Қисми С. Барномаи дастгирии аҳолӣ

Татбиқи Барномаи дастгирии аҳолӣ ба манфиати аҳолие, ки дар минтақаи Лоиҳа зиндагӣ мекунанд, равона шудааст.

НАҚШАИ 2 Иҷрои Лоиҳа

Қисми 1. Механизми иҷро

А. Механизмҳои институтсионалӣ

1. Гирандаи грант Муассисаи татбиқкунандаи Лоиҳаро масъул ҷиҳати идоракунӣ ва ҳамоҳангсозии тамоми Лоиҳа таъин менамояд, аз ҷумла:

(а) омода намудани гирифтани аризаҳо дар жоираи маблағгузорӣ;

(b) пешбурди сабти қайдҳо ва суратҳисобҳо вобаста ба Лоиҳа ва ташкил намудани аудити онҳо;

(c) иштирок дар идора намудани расмиёти тендер ва қарордодҳо дар доираи Лоиҳа;

(d) таҳия намудани ҳисоботҳои семоҳаи лоиҳа тибқи банди A қисми II Нақшаи мазкур.

2. Гирандаи грант:

(a) барои таъмини маблағғҳои пешниҳодшуда, иншоот, хизматрасониҳо ва захираҳои дигар, ки барои иҷрои лоиҳа аз ҷониби Муассисаи татбиқкунаи Лоиҳа зарур мешавад, тамоми чораҳоро андешад;

(b) барои таъмини таъмини саривақтии пешниҳоди маблағҳои иловагӣ тамоми тадбирҳои заруриро андешад;

(c) набояд ягон чораро андешад, ки барои татбиқи Лоиҳа халал расонад.

3. Гирандаи грант дар кори ШБҲ, котибот ва кумитаҳои он тавассути намоянда ё намояндагони ваколатдор иштирок менамояд ва барои таъмини он, ки ШБҲ-ро бо: (а) дастури умумии стратегии Лоиҳа; (б) ба сифати занҷираи пайвасткунандаи байни давлатҳои узви ва онҳоеро, ки дар ли дааъзо хизмат намудан; ва (в) назорати фаъолияти лоиҳа ва таҳкими ҳисоботи корҳои анҷомдодашуда тамоми чораҳои заруриро меандешад.

B. Созишномаҳои Лоиҳа

1. Созишномаи сохтмони асосӣ

(a) Гирандаи грант бояд тамоми тадбирҳои заруриро андешад, ки қарордод оид ба Нерӯгоҳи тақсимотии ҷараёни доимии нерӯи барқи баландшиддат тибқи Қисми A.2 Лоиҳа аз ҷониби пудратчӣ ва Муассисаи татбиқкунандаи Лоиҳа мутаносибан бо Гирандаи грант, Афғонистон ва Покистон на дертар аз 31 декабри соли 2015 ба имзо расад.

(b) Гирандаи грант бояд тамоми тадбирҳои заруриро андешад, ки қарордод оид ба Хати интиқоли ҷараёни доимии нерӯи барқи баландшиддат тибқи Қисми A.1 Лоиҳа аз ҷониби пудратчӣ ва Муассисаи татбиқкунандаи Лоиҳа мутаносибан бо Гирандаи грант, Афғонистон ва Покистон на дертар аз 31 декабри соли 2015 ба имзо расад.

(c) Гирандаи грант бояд тамоми тадбирҳои заруриро андешад, ки қарордод оид ба Хати интиқоли ҷараёни доимии нерӯи барқи баландшиддат тибқи Қисми A.3 Лоиҳа аз ҷониби пудратчӣ ва Муассисаи татбиқкунандаи Лоиҳа мутаносибан бо Гирандаи грант ва Қирғизистон на дертар аз 31 декабри соли 2015 ба имзо расад.

(d) Гирандаи грант бояд тамоми тадбирҳои заруриро андешад, ки қарордодҳо оид ба фаъолият ва пешниҳоди хизматрасонӣ аз ҷониби пудратчӣ ва Муассисаи татбиқкунандаи Лоиҳа мутаносибан бо Гирандаи грант, Афғонистон, Покистон ва Қирғизистон на дертар аз 30 июни соли 2016 ба имзо расад.

2. Созишномаҳои асосии тиҷоратӣ. Гирандаи грант бояд тамоми тадбирҳои заруриро андешад, ки созишномаҳои асосии тиҷоратӣ аз ҷониби ҳамаи тарафҳои дахлдор иҷро гардида, дар давоми 12 (дувоздаҳ) моҳ аз рӯзи эътибор пайдо кардани Созишнома, қувваи қонунӣ пайдо кунад.

3. Идоракунии даромадҳо. На дертар аз 12 (дувоздаҳ) моҳ аз рӯзи эътибор пайдо кардан, Гирандаи грант бояд Барномаи идоракунии даромадро қабул карда, онро татбиқ намояд. Ба истиснои ҳолатҳое, ки Ассотсиатсия тартиби дигарро қабул накунад, Гирандаи грант ҳуқуқ надорад Барномаи идоракунии даромад ё ягон муқаррароти онро тағйир диҳад, бекор ё рад кунад.

4. На дертар аз 12 (дувоздаҳ) моҳ пас аз рӯзи эътибор пайдо кардан, Гирандаи грант бояд бояд ҳаммаблағгузории кофии қисмҳои А ва В Лоиҳаро таъмин намуда, созишномаи ҳаммаблағгузориро барои амалҳои дар боло зикргардида иҷро намояд.

5. Ба истиснои ҳолатҳое, ки Ассотсиатсия тартиби дигарро қабул накунад, Гирандаи грант ҳуқуқ надорад қонунгузории Муассисаи татбиқкунандаи Лоиҳа ё ягон муқаррароти онро тағйир диҳад, бекор ё рад кунад.

C Созишномаи фаръӣ

1. Барои осон гардидани татбиқи Лоиҳа, Гирандаи грант бояд шароит фароҳам орад, ки маблағ ба Муассисаи татбиқкунандаи Лоиҳа тавассути созишномаи фаръии байни Гирандаи грант ва Муассисаи татбиқкунандаи Лоиҳа, тибқи шартҳо ва талаботи тасдиқнамудаи Ассотсиатсия ("Созишномаи фаръӣ") дастрас бошад.

2. Гирандаи грант ҳуқуқҳои худро дар доираи Созишномаи фаръӣ барои ҳимояи манфиатҳои Гирандаи грант, Ассотсиатсия ва ноил шудан ба ҳадафҳои маблағгузорӣ иҷро менамояд. Ба истиснои ҳолатҳое, ки Ассотсиатсия тартиби дигарро қабул накунад, Гирандаи грант ҳуқуқ надорад Созишномаи фаръӣ ё муқаррароти онро тағйир диҳад, бекор ё рад кунад.

D. Сиёсати зиддикоррупсионӣ

Гирандаи грант бояд кафолат диҳад Лоиҳаро мутобиқи муқаррароти Дастур оид ба муқовимат ба коррупсия татбиқ намояд.

E. Тадбирҳои муҳофизатӣ

1. Гирандаи грант бояд тамоми чораҳои заруриро аз номи худ андешида, боварӣ ҳосил намояд, ки Лоиҳа мутобиқи муқаррарот оид ба тадбирҳои муҳофизатӣ ва бо тартиби қонеъкунанда Ассотсиатсия иҷро мегардад.

2. Бе маҳдуд намудани дигар ӯҳдадориҳои худ оид ба ҳисоботдиҳӣ тибқи Созишномаи мазкур, Гирандаи грант бояд ба Муассисаи татбиқкунандаи Лоиҳа супориш диҳад, ки ба Ассотсиатсия ҳар се моҳ гузоришро оид ба риояи тадбирҳои муҳофизатӣ таҳия ва пешниҳод намояд, ки ҷузъиёти зеринро дар бар гирад:

(a) чораҳои вобаста ба тадбирҳои муҳофизатӣ андешидашуда;

(b) шароите, ки агар вуҷуд дошта бошад, барои бемамониат иҷро гардидани ҳама гуна тадбирҳои муҳофизатӣ монеъ ё таҳдид менамояд; ва

(c) чораҳои ислоҳкунанда, ки барои ҳалли ин гуна ҳолатҳо қабул гардидаанд ё бояд андешида шаванд.

3. Гирандаи грант бояд фавран тамоми чораҳоро андешад ё ба Муассисаи татбиқкунандаи Лоиҳа супориш диҳад, ки тибқи банди 2 (с) боло дар мувофиқа бо Ассотсиатсия тамоми чораҳои дахлдорро андешад.

4. Гирандаи грант ба Муассисаи татбиқкунандаи Лоиҳа супориш медиҳад, ки ҳар як қарордоди маблағгузоришуда дар доираи Лоиҳа бояд ӯҳдадории пудратчии дахлдорро ҷиҳати иҷрои тадбирҳои муҳофизатӣ нисбат ба фаъолияти дахлдори амалиёт/дар асоси қарордод муайяншударо дар бар гирад.

Қисми II. Мониторинг, ҳисоботдиҳӣ ва арзёбии Лоиҳа

А. Ҳисобот оид ба Лоиҳа

1. Гирандаи грант ӯҳдадор мешавад, ки мониторинг ва арзёбии татбиқи Лоиҳаро гузаронида, ҳисоботро оид ба Лоиҳа мутобиқи муқаррароти Фасли 4.08 (б) Шартҳои умумӣ ва дар асоси нишондиҳандаҳое, ки бо Ассотсиатсия мувофиқа шудаанд, таҳия намояд. Ҳар як чунин ҳисобот бояд як нимсолаи тақвимиро дар бар гирифта, аз ҷониби Гирандаи грант на дертар аз чилу панҷ (45) рӯз пас аз анҷом ёфтани фарогирандаи чунин ҳисобот таҳия ва ба Ассотсиатсия пешниҳод карда шавад.

2. Новобаста ба муқаррароти банди 1 боло Гирандаи грант бояд:

а) нимсолаи тақвимиро, ки 6 (шаш) моҳро ташкил медиҳад, пас аз эътибор пайдо кардан оғоз намуда, ба ШБҲ ва Ассотсиатсия Ҳисоботи татбиқро барои ҳар се моҳ, ки бо шакл ва мазмун қонеъкунандаи Ассотсиатсия мебошад, таҳия ва пешниҳод намояд, ки бояд амалиёти тавсиявии татбиқи саривақтии мақсадҳоро вобаста ба Лоиҳа дар бар гирад;

b) дар натиҷаи иҷро намудан ба Муассисаи татбиқкунандаи Лоиҳа тавсияҳоро мутаносибан дар мувофиқа бо Ассотсиатсия ва ШБҲ пешниҳод намояд.

В. Идоракунии молиявӣ, ҳисоботи молиявӣ ва аудит

1. Гирандаи грант ӯҳдадор мешавад, ки низоми идоракунии молиявиро тибқи муқаррароти Фасли 4.09 Шартҳои умумӣ дастгирӣ ё таъмин намояд.

2. Бе маҳдуд намудани муқаррароти Қисми А Фасли мазкур, Гирандаи грант бояд ҳамчун қисми ҳисобот оид ба Лоиҳа ҳисоботи фосилавии молиявии семоҳаро оид ба Лоиҳа бо шаклу мазмуне, ки Ассотсиатсияро қонеъ мегардонанд таҳия ва ба Ассотсиатсия дар мӯҳлати на дертар аз чилу панҷ (45) рӯз бо гузаштани ҳар як семоҳаи тақвимӣ пешниҳод намояд.

3. Гирандаи грант бояд аудити ҳисоботи молиявиро мутобиқи муқаррароти Фасли 4.09 (б) Муқаррароти умумӣ таъмин намояд. Ҳар як аудити ҳисоботи молиявӣ бояд давраи як (1) соли молиявии Гирандаи грантро дар бар гирад. Ҳисоботи молиявии аудитшуда барои ҳар як чунин давра бояд ба Ассотсиатсия на дертар аз шаш (6) моҳи гузаштани чунин давра пешниҳод карда шаванд.

Фасли III. Харидорӣ

А. Умумӣ

1. Молҳо, корҳо ва хизматрасониҳои ғайримашваратӣ. Тамоми молҳо, корҳо ва хизматрасониҳои ғайримашваратӣ, ки барои Лоиҳа заруранд ва маблағгузории онҳо аз ҳисоби воситаҳои Маблағгузорӣ анҷом дода мешавад, бояд мутобиқи талаботи муқаррарнамуда ва ё истинод ба Фасли I Дастур оид ба харидорӣ ва тибқи муқаррароти Фасли мазкур харидорӣ карда шаванд.

2. Хизматрасониҳои машваратӣ. Тамоми хизматрасониҳои машваратӣ, ки барои Лоиҳа заруранд ва маблағгузории онҳо аз ҳисоби воситаҳои Маблағгузорӣ сурат мегирад, бояд мутобиқи талаботи муқаррарнамуда ва ё истинод ба Фаслҳои I ва IV Дастур оид ба киро намудани хизматрасониҳои машваратӣ ва тибқи муқаррароти Фасл мазкур анҷом дода шаванд.

3. Мафҳумҳо. Истилоҳоти дар Фасли мазкур бо ҳарфи калон истифодашаванда ҷиҳати тавсифи усули муайяни харидорӣ ё усулҳои гузаронидани шарҳи қарордодҳои муайян аз ҷониби Ассотсиатсия, ба усули дахлдор истинод мекунанд, ки вобаста ба ҳолати мушаххас дар Дастур оид ба харидорӣ дар фаслҳои II ва III ё Дастур оид ба харидории хизматрасонии машваратӣ дар фаслҳои II, III,IV ва V тавсиф ёфтааст.

Б. Усулҳои муайяни хариди молҳо, корҳо ва хизматрасониҳои ғайримашваратӣ

1. Савдои байналмилалии озмунӣ. Ба истиснои ҳолатҳои дигаре, ки дар банди 2 поён дарҷ ёфтааст, молҳо, корҳо ва хизматрасониҳои ғайримашваратӣ бояд тибқи қарордодҳое харидорӣ карда шаванд, ки дар асоси Савдои байналмилалии озмунӣ баста шуданд.

2. Усулҳои дигари харидории молҳо ва корҳо. Усулҳои зерин аз Савдои байналмилалии озмунӣ фарқ дошта, метавонанд барои молҳо, корҳо ва хизматрасониҳои ғайримашваратӣ дар нақшаи харидорӣ истифода бурда шаванд:

(а) Савдои маҳдуди байналмилалӣ;

(b) Савдои миллии озмунӣ, чӣ тавре, ки дар муқаррароти иловагии поён, дар Замима ба Нақшаи 2 оварда шудааст;

(c) Харидорӣ дар савдои чакана (шопинг);

(d) Қарордоди мустақим;

(e) Иштироки ҷомеа дар расмиёти харид, ки аз ҷониби Ассотсиатсия қабул шудааст.

С. Усулҳои муайяни харидории хизматрасонии машваратӣ

1. Интихоб дар асоси сифат ва арзиш. Ба истиснои иттилооте, ки дар банди 2 поён дарҷ ёфтааст, хизматрасонии машваратӣ бояд дар асоси қарордодҳое харидорӣ шавад, ки тибқи Интихоб аз рӯи сифат ва арзиш баста шудаанд.

2. Усулҳои дигари харидории хизматрасонии машваратӣ. Усулҳои зерин аз Интихоб дар асоси сифат фарқ дошта, метавонанд барои харидории хизматрасонии машваратӣ дар нақшаи харидорӣ истифода бурда шаванд:

(а) Интихоб дар асоси сифат;

(b) Интихоб дар доираи буҷети муайян;

(c) Интихоб дар асоси нархи пасттарин;

(d) Интихоб дар асоси дараҷаи тахассуси машваратчӣ;

(e) Интихоб аз манбаи ягона;

(f) Интихоби машваратчиёни инфиродӣ.

D. Шарҳи қарор дар бораи харидорӣ аз ҷониби Бонк

Нақша оид ба харидорӣ бояд он қарордодҳоеро дар бар гирад, ки онҳо аз тарафи Ассотсиатсия пешакӣ шарҳ дода мешаванд. Тамоми дигар қарордодҳо бояд аз тарафи Ассотсиатсия шарҳ дода шаванд.

Фасли IV. Гирифтани воситаҳои маблағгузорӣ

А. Умумӣ

1. Гирандаи грант мутобиқи муқаррароти Моддаи II Муқаррароти умумӣ, Фасли мазкур, инчунин дастурҳои иловагӣ, ки Ассотсиатсия дар бораи онҳо Гирандаи грантро огоҳ месозад (аз ҷумла ,Дастур оиди азхудкунии воситаҳо дар доираи лоиҳаҳои Бонки Умумиҷаҳонӣ, аз моҳи майи соли 2006, ки аз тарафи Ассотсиатсия ҳар гоҳ таҷдид карда шуда, мутобиқи Созишномаи мазкур истифода бурда мешаванд), метавонад ҷиҳати маблағгузории хароҷот, ки дар ҷадвали банди 2 дарҷ ёфтааст, воситаҳои маблағгузориро гирад.

2. Ҷадвали дар поён замимашуда категорияҳои хароҷотро муайян мекунад, ки онҳо метавонанд аз ҳисоби воситаҳои маблағгузорӣ ("Категория"), тақсимоти воситаҳои маблағгузорӣ аз рӯи ҳар як категория ва фоизи хароҷот, ки барои хароҷот оид ба ҳар як категория маблағ ҷудо карда мешавад, маблағгузорӣ карда шаванд:

 

Ҷадвал

Категория Тақсимоти Грант (бо ҲМҚ) Фоизи хароҷоти маблағгузорӣ (бе дарназардошти андоз)

Молҳо, корҳо, хизматрасониҳои ғайримашваратӣ барои фаъолияти Қисми А Лоиҳа дар қаламрави Гирандаи грант 29, 400,000 100 фоиз ҲАМАГӢ 29, 400,000

 

3. Гирандаи грант бояд таъмин намояд, ки Лоиҳа аз боҷу андоз озод карда мешавад, ба истиснои андоз аз даромади шахсӣ ва иҷтимоӣ барои шаҳрвандони Гирандаи грант.

В. Шартҳои гирифтани воситаҳо; Давраи гирифтани воситаҳо

1. Новобаста ба муқаррароти Қисми А Фасли мазкур, то ба имзо расонидани Созишномаи мазкур гирифтани маблағ ғайриимкон аст.

2. Санаи анҷом 30 июни соли 2020 мебошад.

ИЛОВА БА ЗАМИМАИ 2 САВДОИ МИЛЛИИ ОЗМУНӢ

Расмиёти харидро ҳангоми гузаронидани Савдои миллии озмунӣ бо усули харидории тендерӣ бо иштироки номаҳдуд, ки бо Қонуни Ҷумҳурии Тоҷикистон "Дар бораи харидории давлатии молҳо, корҳо ва хизматрасониҳо" аз 3 марти соли 2006, №168 пешбинӣ шудааст (бо тағйирот, ки дар Қонуни Ҷумҳурии Тоҷикистон "Дар бораи харидории давлатии молҳо, корҳо ва хизматрасониҳо" аз 16 апрели соли 2012, №815 ворид карда шудааст (минбаъд ҚХД), риоя намудан зарур аст; бо шарти, агар чунин расмиёт ба: (а) муқаррароти Қисми 1 ва бандҳои 3.3 ва 3.4 "Дастур оид ба харидорӣ" (чӣ тавре, ки дар банди 3.3 Дастур талаб карда мешавад) ва (б) бандҳои зерин тобеъ бошад:

Иштирок дар савдо:

1. Соҳибҳуқуқӣ: Соҳибҳуқуқ будани довталаб ҷиҳати иштирок намудан дар ҷараёни харидорӣ ва ба даст овардани қарордод, ки аз ҷониби Ассотсиатсия маблағгузорӣ карда мешавад, бояд тибқи Қисми 1 Дастур оид ба харидорӣ муайян карда шавад; мутаносибан ягон довталаб ё довталаби эҳтимолӣ наметавонад барои қарордодҳо, ки аз ҷониби Ассотсиатсия маблағгузорӣ мешавад, бо сабабҳои фарқкунанда аз он, ки дар Қисми 1 Дастур оид ба харидорӣ пешбинӣ шудааст, беҳуқуқ эълон гардад.

2. Афзалияти маҳаллӣ: Ягон афзалияти маҳаллӣ ҳангоми арзёбии дархост вобаста ба мансубияти миллии довталаб, макони истеҳсоли мол, хизматрасонӣ, корҳо ва/ё барномаҳо дода намешавад.

3. Ҳуҷҷатҳои тендерӣ: Ташкилоте, ки харид мекунад бояд ҳуҷҷатҳои дахлдори стандартии тендериро истифода намояд, ки барои Ассотсиатсия қобили қабул бошанд ва ин гуна ҳуҷҷатҳо бояд ҳамон тавр таҳия шуда бошанд, ки сарфакорӣ, самарабахшӣ, манфиат, шаффофият ва ба таври васеъ риоя намудани Қисми 1 Дастур оид ба харидориро таъмин намоянд. То он вақте, ки шакли тағйирдодашудаи стандартии ҳуҷҷатҳои тендерии Грантгиранда аз ҷониби Ассотсиатсия маъқул дониста нашавад, бояд ҳуҷҷатҳои намунавии тендерии СМО барои Аврупо ва минтақаи Осиёи Марказӣ истифода шавад.

4. Амали дархост: Мӯҳлати амали дархост, ки барои ҳуҷҷатҳои тендерӣ талаб карда мешавад, бояд ҷиҳати масъулият доштан дар давоми тамоми даврае, ки барои тасдиқ ва бақайдгирии қарордод зарур аст, чӣ тавре, ки дар ҚХД пешбинӣ шудааст, кофӣ бошад. Тамдид додани амали дархост, агар он бо вазъияти истисноӣ шарҳ дода шавад, имконпазир аст дар шакли хаттӣ аз ҳамаи довталабон то санаи ба охир расидани мӯҳлати ибтидоии амали дархост талаб карда шавад, ба шарти, агар чунин тамдид намудан танҳо давраи кӯтоҳтаринро фаро гирад, ки барои арзёбӣ намудан, супоридани қарордод ва/ё анҷом додани ҷараёни бақайдгирии қарордод зарур мебошад. Ягон тамдиди иловагӣ набояд бе розигии пешакии хаттии Ассотсиатсия талаб карда шавад.

5. Тахассус: Меъёрҳои тахассусӣ бояд ба таври равшан дар ҳуҷҷатҳои тендерӣ нишон дода шаванд. Ҳамаи меъёрҳои ишорашуда ва танҳо чунин меъёрҳои ишорашуда бояд дар муайянкунӣ истифода бурда шаванд, ки довталаб ба тамоми талабот муносиб мебошад. Тахассус бояд дар асоси "мегузарад/намегузарад" арзёбӣ гардад ва дигар ягон бандҳои иловагии шаъну эътибор истифода бурда намешавад. Чунин арзёбӣ бояд пурра ба қобилият ва захираҳои довталаб ё довталаби эҳтимолӣ ҷиҳати самарабахш иҷро намудани қарордод, бо дарназардошти омилҳои беғаразона ва қобили андоза асос гирад, аз ҷумла: (i) таҷрибаи дахлдори умумӣ ва махсус, натиҷаҳои қонеъкунандаи фаъолияти пештара дар давраи мазкур; (ii) мавқеи молиявӣ; ва дар куҷо он мувофиқ аст; (iii) имконияти сохтмон ва/ё иқтидори истеҳсолӣ.

Расмиёт ва ҳуҷҷатҳои тахассуси пешакие, ки барои Ассотсиатсия мувофиқ мебошанд, бояд барои қарордодҳо барои корҳои бузург, маҷмӯӣ ва/ё махсусгардонидашуда истифода шаванд. Санҷиши иттилоот, ки дар асоси он довталаб қаблан муайян гардид, аз ҷумла ӯҳдадориҳои ҷорӣ ва имкониятҳои довталаб нисбат ба ҳайати кормандон ва таҷҳизот, бояд дар вақти супоридани қарордод гузаронида шавад. Ҳангоми харидории мол ва корҳо, ки тахассуси пешакӣ истифода бурда намешавад, тахассуси довталаб, ки барои гирифтани қарордод тавсия шудааст, бояд бо тахассуси минбаъда бо истифода аз меъёрҳои тахассусӣ, ки дар ҳуҷҷатҳои тендерӣ нишон дода шудаанд, арзёбӣ гардад.

6. Кафолатҳо: Кафолатҳо бояд дар шакле бошанд, ки дар ҳуҷҷатҳои тендерӣ ишора шудаанд. Кафолати дархост бояд дар муддати бисту ҳашт (28) рӯз илова бар мӯҳлати ибтидоии амали дархост ё илова бар ҳама гуна давраи тамдид, агар талаб карда шавад, эътиборнок бошад.

7. Пешниҳоди дархост ва кушодани дархост: ба довталабони эҳтимолӣ бояд на камтар аз сӣ (30) рӯз аз санаи интишори даъват ҷиҳати пешниҳоди дархост ё санаи мавҷуд будани ҳуҷҷатҳои тендерӣ чӣ қадаре, ки барои таҳия ва пешниҳоди дархост дертар набошад, дода шавад. Дархостҳо тавассути почта ё шахсан расонида мешаванд. Дархостҳо бояд ба таври оммавӣ фавран пас аз мӯҳлати охирини пешниҳоди онҳо кушода шаванд. Протоколи кушодани дархостҳо бояд аз ҷониби аъзои комиссияи тендерӣ дарҳол пас аз кушодани дархост ба имзо расонида шавад. Нусхаи протоколи кушодани дархост бояд дарҳол ба ҳамаи иштирокчиёни савдо, ки дархостҳоро пешниҳод намуданд ва ба Ассотсиатсия нисбат ба қарордодҳо, ки бояд мавриди баррасии пешакии Ассотсиатсия қарор гиранд, пешниҳод карда шавад. Ягон дархост набояд ҳангоми кушодани дархостҳо рад карда шавад.

8. Арзёбии дархостҳо ва додани қарордодҳо: Ба довталабон иҷозат дода намешавад, ки ҳангоми арзёбии дархостҳо иштирок намоянд ва ягон иттилоот вобаста ба арзёбии дархостҳо ба довталабон ошкор намегардад, то он вақте, ки онҳо оид ба додани қарордод огоҳ карда нашаванд.

Меъёрҳои арзёбӣ бояд равшан дар ҳуҷҷатҳои тендерӣ нишон дода шаванд. Арзёбии дархостҳо бояд ба таври қатъӣ тибқи меъёрҳое, ки дар ҳуҷҷатҳои тендерӣ нишон дода шудаанд, амалӣ гарданд. Ҳамаи меъёрҳои арзёбии дархостҳо дар тафриқа аз арзиш бояд бо ифодаи пулӣ аз ҷиҳати миқдор андоза карда шавад. Бандҳои иловагӣ набояд истифода шаванд ва ягон банди хурдтарин ё ифодаи фоизӣ набояд ба маънои арзиш ҳангоми арзёбии дархост нисбат дода шавад. Довталабон набояд дар асоси тамоюли камтарин ва начандон муҳим хориҷ карда шаванд. Қарордод ба довталаби соҳибҳуқуқ дода мешавад, ки дархости он ҳамчун: (i) асосан ба талаботи ҳуҷҷатҳои тендерӣ ҷавобгӯ; ва (ii) арзиши пасттарини арзёбиро пешниҳод намуда бошад, муайян карда шудааст.

Аз довталаб набояд ба сифати шарт ҷиҳати додани қарордод гирифтани ӯҳдадориҳо, ки дар ҳуҷҷатҳои тендерӣ ишора нагардидаанд ё тағйир додани дархости аз аввал пешниҳодшударо талаб намоянд.

9. Арзёбии хароҷот: Арзёбии хароҷот бояд махфӣ бошад ва набояд ба довталабони эҳтимолӣ ошкор карда шавад. Ягон дархост набояд дар асоси муқоисаи арзёбии хароҷот ва/ё буҷети аз ҳад зиёд бе розигии хаттии пешакии Ассотсиатсия рад карда шавад.

10. Радкунӣ ва пешниҳоди такрории дархостҳо: Ягон дархост набояд танҳо барои он, ки онҳо аз доираи маржа ё "ҳаҷми" нархҳои қаблан муқарраршуда баромадаанд, рад карда шаванд. Ҳамаи дархостҳо (ё дархости ягона, агар як дархост гирифта шуда бошад) набояд рад карда шаванд, ҷараёни харидорӣ набояд бекор карда шавад ва дархостҳои нав набояд бе розигии пешакии хаттии Ассотсиатсия пешниҳод гарданд.

11. Тағйир додани қарордод: Вобаста ба қарордодҳо, ки бояд пешакӣ аз ҷониби Ассотсиатсия баррасӣ шаванд, Гирандаи грант қабл аз розигӣ додан ба: (i) тамдиди воқеии вақт, ки барои иҷрои қарордод пешбинӣ шудааст; (ii) ҳама гуна тағйирдиҳии воқеии ҳаҷми хизматрасонӣ оид ба қарордод ё дигар тағйироти ҷузъии шарт ва муқаррароти қарордод; (iii) ҳама гуна дархост оид ба тағйирот ё тағйирот (ба истиснои ҳолатҳои фавқулодда таъҷилӣ), ки яктоӣ ё якҷоя бо ҳамаи дархостҳо барои тағйирот ё тағйиротҳо, ки қаблан дода шуда, маблағи ибтидоии қарордодро беш аз 15 фоиз зиёд мекунад; (iv) қатъи амали қарори пешниҳодшуда. Нусхаи ҳамаи тағйироти қарордод бояд ба Ассотсиатсия пешниҳод карда шавад.

12. Қаллобӣ ва коррупсия: Ҳуҷҷатҳои тендерӣ ва қарордод, ки барои Ассотсиатсия муносиб мебошанд, бояд муқарраротеро дар бар гиранд, ки сиёсати Ассотсиатсияро оид ба амалӣ намудани муҷозот ба ширкатҳо ё шахсони воқеӣ, ки бо ҷинояти қаллобӣ ва коррупсия дастгир шудаанд, чӣ тавре, ки дар Дастур оид ба харидорӣ муайян карда шудааст, муқаррар намояд.

13. Ҳуқуқ барои гузаронидани санҷиш ва аудит: Мутобиқи Дастур оид ба харидорӣ, ҳар як ҳуҷҷати тендерӣ ва қарордод, ки аз ҳисоби воситаҳои Маблағгузорӣ пардохт карда мешавад, бояд онро пешбинӣ намояд, ки довталабон, таҳвилгарон ва пудратчиён ва пудратчиёни ғайриасосӣ, агентҳо, ҳайати кормандон, машваратчиён, провайдерҳои хизматрасонӣ ё таҳвилгарони онҳо ба Ассотсиатсия барои санҷидани ҳамаи суратҳисобҳо, сабтҳо ва дигар ҳуҷҷатҳо, ки ба пешниҳоди дархост ва иҷрои қарордод вобастаанд, иҷозат диҳанд ва мавриди аудити аудиторон, ки аз ҷониби Ассотсиатсия таъин мегарданд, қарор гиранд. Амалҳое, ки ба таври қатъӣ ба Ассотсиатсия ҷиҳати татбиқи ҳуқуқҳои худ барои гузаронидани санҷиш ва аудит, ки дар Дастур оид ба харидорӣ пешбинӣ шудааст, монеа мегардад, чӣ тавре, ки дар Дастур оид ба харидорӣ муайян карда шудааст, амалияи обструктивиро ташкил медиҳад.

ЗАМИМА

Мафҳумҳо

1. "Суратҳисоби Бонк" маънои бонк ё муассисаи молиявии аз ҷониби тарафҳо таъиншударо мефаҳмонад, ки вазифаҳои суратҳисоби бонкиро тибқи Созишномаи мазкур пешбинишуда, амалӣ менамояд.

2. "Созишнома оид ба суратҳисоби бонк" маънои созишномаҳо байни суратҳисоби бонк ва тарафҳои СХБ-ро дорад (чӣ тавре, ки дар поён муайян шудааст).

3. "Маблағгузории иловагӣ" маънои ҳама гуна маблағгузории иловагӣ аз ягон муассисаи дигар, ки тибқи Созишномаи мазкур ё Созишномаи БСА барои ин Лоиҳа пешбинӣ нашудааст.

4. "Дастур оид ба сиёсати зиддикоррупсионӣ" маънои "Дастур оид ба пешгирӣ ва мубориза бо қаллобӣ ва коррупсия дар Лоиҳаҳое, ки аз ҷониби қарзҳои Бонки байналмилалии таҷдид ва рушд (ББТР) ва қарзу грантҳои Ассотсиатсияи байналмилалии рушд (АБР) маблағгузорӣ мешаванд" аз 15 октябри соли 2006-ро дорад, ки моҳи январи соли 2011 аз нав дида баромада шудааст.

5. "Барқи Тоҷик" маънои ширкати энергетикии миллии Тоҷикистон, ширкати саҳомии холдингии кушодаро дорад, ки дар асоси Низомнома дар бораи Ширкати саҳомии холдингии кушодаи "Барқи Тоҷик", ки бо қарори Ҳукумати Ҷумҳурии Тоҷикистон №537 аз 31 октябри соли 2008 тасдиқ шудааст, таъсис ёфта, фаъолият мекунад ва барои Лоиҳа аз номи Ҷумҳурии Тоҷикистон ё ягон вориси ҳуқуқии он муассисаи татбиқкунандаи Лоиҳа маҳсуб меёбад.

6. "Категория" маънои категорияро мефаҳмонад, ки дар ҷадвали Фасли IV Замимаи 2 Созишномаи мазкур нишон дода шудааст.

7. "Созишномаи байниҳукуматии CASA" маънои созишномаҳо ва ёддоштҳои тафоҳуми зеринро дорад, ки аз ҷониби давлатҳои аъзо ба имзо расидаанд (чӣ тавре, ки дар поён муайян шудааст):

(a) Ёддошти тафоҳум оид ба рушди бозори минтақавии нерӯи барқи Осиёи Марказӣ ва Ҷанубӣ аз 16 ноябри соли 2007;

(b) Созишнома байни Ҷумҳурии Исломии Афғонистон, Ҷумҳурии Қирғизистон, Ҷумҳурии Исломии Покистон ва Ҷумҳурии Тоҷикистон оид ба рушди Лоиҳаи интиқоли нерӯи барқи CASA-1000 ва рушди минбаъдаи бозори минтақавии нерӯи барқи Осиёи Марказӣ ва Ҷанубӣ аз 4 августи соли 2008;

(c) Ёддошти тафоҳум оид ба рушди Лоиҳаи интиқоли нерӯи барқи CASA-1000 ва рушди минбаъдаи бозори минтақавии нерӯи барқи Осиёи Марказӣ ва Ҷанубӣ аз 20 сентябри соли 2011.

8. "Ҳаммаблағгузорӣ" маънои мақсадҳои банди 11-и Замима ба Шартҳои умумиро дорад, маблағе, ки аз ҷониби ҳаммаблағгузорон ҷиҳати расонидани кӯмак дар маблағгузории Қисмҳои A ва B Лоиҳа пешниҳод карда мешавад.

9. "Ҳаммаблағгузор" маънои Бонки сармоягузории Аврупо, Бонки рушди исломӣ ё ягон муассисаи дигарро дорад, ки кӯмаки молиявиро ба яке аз давлатҳои иштирокчӣ барои маблағгузории қисми арзиши қисмҳои А ва В Лоиҳа пешниҳод менамояд.

10. "Созишномаи ҳаммаблағгузорӣ" маънои ҳама гуна созишномаҳои байни Гирандаи грант ва ягон ҳаммаблағгузорро дорад.

11. "Барномаи дастгирии ҷомеа" " як қатор зерлоиҳаҳоро дар давлатҳои аъзо барои қисми С,и Лоиҳа дорад, ки тибқи Дастурамали амалиётӣ оид ба Барномаи дастгирии ҷомеа амалӣ карда мешавад.

12. "Дастур оид ба киро кардани машваратчиён" маънои "Дастур: интихоб ва киро намудани машваратчиён дар доираи қарзҳои ББТР ва қарзу грантҳои АБР аз ҷониби қарзгирандагони Бонки Умумиҷаҳонӣ"-ро мефаҳмонад, ки моҳи январи соли 2011 нашр шудааст.

13. "Созишнома дар бораи ҳамоҳангсозӣ" маънои созишнома байни мақомотҳои таъйиннамудаи ҳукуматҳои Гирандаи грант ва Қирғизистонро дорад, ки барои таъмин намудани тамоми ҷанбаҳои техникӣ ва тиҷоратии нерӯи барқ барои Лоиҳа ва барои ҳамоҳангсозии фаврии операторони иншооти ҷараёни тағйирёбанда мебошад.

14. "Созишномаҳои асосии тиҷоратӣ" маънои зеринро доранд:

(а) СХБ байни НБШ ва ШМИТ/АМХБ;

(b) СХБ байни НБШ ва ШДБА;

(c) СХБ байни Барқи Тоҷик ва ШМИТ/АМХБ;

(d) СХБ байни Барқи Тоҷик ва ШДБА;

(e) СХБ байни ШДБА ва ШМИТ/АМХБ;

(f) Созишномаи асосӣ байни тарафҳои СХБ ва ШМБҚ;

(g) Созишномаи суратҳисоби бонкии байни суратҳисоби бонкӣ ва тарафҳои СХБ;

(h) Кодекси техникӣ;

(i) Созишномаи ҳамоҳангсозӣ;

(j) Созишномаҳои ҳукуматии қабулкунанда байни ҳар як давлати аъзо ва муассисаи татбиқкунандаи Лоиҳаи онро мефаҳмонад.

15. "Созишномаи сохтмони асосӣ" - маънои қарордод байни ширкатҳои имзонамудаи созишнома ва Муассисаи татбиқкунандаи Лоиҳаро барои: (a) Нерӯгоҳи тақсимотии ҷараёни доимии нерӯи барқи баландшиддат тибқи Қисми A.2 Лоиҳа; (b) Хати интиқоли ҷараёни доимии нерӯи барқи баландшиддат тибқи Қисми A.1 Лоиҳа; (c) Хати интиқоли ҷараёни доимии нерӯи барқи баландшиддат тибқи Қисми A.3 Лоиҳа; ва (d) фаъолият ва пешниҳоди хизматрасониро мефаҳмонад.

16 "Созишномаҳои асосии маблағгузорӣ" маънои чор созишномаҳои маблағгузории алоҳидаро мутаносибан байни Ассотсиатсия ва Ҷумҳурии Исломии Афғонистон, Ҷумҳурии Қирғизистон, Ҷумҳурии Исломии Покистон ва Ҷумҳурии Тоҷикистон мефаҳмонад.

17. "АМХБ" маънои Агентии марказии хариди нерӯи барқи Покистон (кафолатнок)-ро дорад, ки тибқи қонунҳои Покистон ё вориси он таъсис ёфта, фаъолият менамояд.

18. "Ширкати "DA Breshna"-и Афғонисто" ё "ШДБА" маънои ширкати миллии интиқоли нерӯи барқи Афғонистон ва Муассисаи татбиқкунандаи Лоиҳаро аз номи Афғонистон ё вориси он мефаҳмонад.

19. "Ашхоси иҷборӣ" маънои шахсонеро дорад, ки ҳангоми татбиқи Лоиҳа таъсири иқтисодӣ ва иҷтимоии мустақимро аз сар гузарониданд ё мегузаронанд, бо сабаби: (а) мусодираи маҷбурии замин дар натиҷаи: (i) кӯчидан ё аз даст додани манзил; (ii) аз даст додани дороӣ ё дастрасӣ ба дороиҳо; (iii) аз даст додани манбаъҳои даромад ё воситаҳои рӯзгузаронӣ, ё чунин шахсон набояд ба ҷойи дигар кӯчанд; ё (б) маҳдудияти тасодуфии дастрасӣ ба боғҳо ва минтақаҳои аз тарафи қонун ҳифзшаванда, ки дар натиҷаи он ба вазъи шароити зиндагии ин гуна шахсон таъсири манфӣ мерасонад; ва

"Шахси иҷборӣ" маънои ягон шахси иҷбориро дорад.

20. "Созишнома оид ба Бонки сармоягузории Аврупо" маънои созишномаи байни Гирандаи грант ва Бонки сармоягузории Аврупоро аз 23 декабри соли 2014 дорад, ки барои маблағгузории тақрибан , 70,000,000 ЕВРО барои расонидани кӯмак ба Гирандаи грант ҷиҳати маблағгузории қисми арзиши Лоиҳа пешбинӣ шудааст.21. "Нерӯгоҳҳои барқии Ширкати саҳомии кушода" ё "НБШ" маънои ширкати тавлиди барқи Қирғизистон ё вориси онро дорад.

22. "Арзёбии таъсири экологӣ ва иҷтимоӣ" ё "АТЭИ" маънои гузориши кишвари мушаххасро дорад, ки аз ҷониби Муассисаи татбиқкунандаи Лоиҳа омода карда шуда, аз рӯи шакл ва мазмун қонеъкунандаи Ассотсиатсия мебошад ва иборат аст аз (а) доираи сиёсӣ, ҳуқуқӣ ва маъмурӣ, ки дар он АТЭИ татбиқ мегардад; (б) тавсифи Лоиҳа; (в) маълумоти воқеӣ; ва (г) арзёбии таъсири эҳтимолии экологӣ ва иҷтимоии чорабиниҳое, ки дар доираи Лоиҳа гузаронида мешавад, аз ҷумла арзёбии алтернативӣ ва таҳияи чораҳои дахлдор оид ба сабук гардонидан, идоракунӣ ва мониторинг.

23. "Нақшаи идоракунии муҳити зист"НИМЗ" маънои нақшаи идоракунии муҳити зистро дорад, ки аз ҷониби Муассисаи татбиқкунандаи Лоиҳа омода карда шуда, дар тадбирҳо вобаста ба ҳифзи муҳити зист дарҷ гардидаанд, аз ҷумла тадбирҳо оид ба ҳифзи захираҳои фарҳангии вобаста ба Лоиҳа, инчунин арзёбии маъмурӣ ва мониторинг оид ба таъмини иҷрои ин нақшаҳо, ки метавонанд ҳар вақт бо розигии пешакии хаттии Ассотсиатсия баррасӣ гарданд ва ин истилоҳот тамоми замимаҳо ва созишномаҳои ба он алоқамандро дар бар мегирад.

24. "Бонки сармоягузории Аврупо" ё "БСА" маънои Бонки сармоягузории Аврупо, Бонки намояндаи манфиатҳои давлатҳои аъзои Иттиҳоди Аврупоро дорад, ки мутобиқи Оинномаи Бонки сармоягузории Аврупо таъсис ёфтааст (1 июли соли 2013бо тағйироти воридкардашуда).

25. "Муқаррароти умумӣ" маънои "Муқаррароти умумиро оид ба пешниҳоди қарзу грантҳои Ассотсиатсияи Рушд" аз 31 июли соли 2010 дар назар дорад.

26. "Созишномаҳои давлатии Гирандаи грант" ё "СДГ" маънои созишнома байни ҳар яке аз давлатҳои аъзо ва муассисаҳои таъиннамудаи онҳоро дорад, ки дар ӯҳдадориҳои давлатҳои аъзо дар назди ҳамдигар аз рӯи СБҲ инъикос меёбад, аз ҷумла муқаррароти зеринро дар бар мегирад:

(а) барои таъмини ҳуқуқҳо ба замин ва роҳҳо;

(б) барои риоя накардани фаъолият вобаста ба Лоиҳа;

(с) барои роҳ надодани табйиз нисбат ба ҳамаи молҳо, корҳо, технологияҳо ва хизматрасониҳо оид ба ягон фаъолияти вобаста ба Лоиҳа;

(г) дар маълумоти вобаста ба ташкилотҳои молиявии байналмилалӣ ва ширкатҳои суғуртавӣ;

(д) барои иҷрои Лоиҳа мутобиқи меъёрҳои амалкунандаи техникӣ, бехатарӣ ва экологӣ.

27. "Қарори ШБҲ" маънои ягон қарори аз ҷониби Шӯрои байниҳукуматӣ тасдиқгардидаро дорад.

28. "Ҳисоботҳо оид ба татбиқ" маънои гузоришҳоро дорад, ки аз ҷониби Муассисаи татбиқкунандаи Лоиҳа мутобиқи Фасли II.А.2-и Замимаи 2 ба Созишномаи мазкур омода карда шудаанд, аз ҷумла амалҳо, марҳилаҳо ва санаи мушаххас вобаста ба хариди молҳо, корҳо ва хизматрасониҳо дар доираи Лоиҳа, татбиқи Созишномаи асосии сохтмон, ки дар шакли қонеъкунандаи Ассотсиатсия омода карда шудааст.

29. "Хароҷоти амалиёти иловагӣ" маънои хароҷоти иловагии Муассисаи татбиқкунандаи Лоиҳаро аз ҳисоби татбиқи Лоиҳаи идоракунӣ ва назоратиро дорад, аз ҷумла паҳн намудани иттилоот оид ба Лоиҳа, хароҷоти нақлиёт, зист ва роҳкиро барои сафар вобаста ба татбиқи Лоиҳа; киро намудани мошин; маводи хароҷотӣ ва хизматрасонии коммуналӣ; пардохти музди меҳнати кормандони шартномавӣ; почта, хароҷоти реклама, хароҷоти тарҷумонӣ, хароҷоти тиҷоратии бонк, хароҷот барои алоқа, таҷҳизот ва хизматрасонии техникӣ, таъминоти барномавӣ ва ин гуна хароҷотҳо бояд бо Ассотсиатсия дар асоси солона мувофиқа карда шаванд, ба истиснои музди меҳнати шахсони мансабдор ва / ё кормандони хизмати давлатии Гирандаи грант.

30. "Созишномаи байниҳукуматӣ" ё "СБҲ" маънои созишномаи байни Ҷумҳурии Исломии Афғонистон, Ҷумҳурии Қирғизистон, Ҷумҳурии Исломии Покистон ва Ҷумҳурии Тоҷикистон оид ба рушди Лоиҳаи интиқоли нерӯи барқи CASA1000 ва рушди минбаъдаи бозори минтақавии нерӯи барқи Осиёи Марказӣ ва Осиёи Ҷанубӣ аз 4 августи соли 2008-ро дорад.

31. "Шӯрои байниҳукуматӣ" ё "ШБҲ" маънои Шӯрои байниҳукуматии тибқи Созишномаи байниҳукуматӣ таъсисёфтаро дорад, аз ҷумла намояндагони давлатҳои аъзо (чӣ тавре, ки дар поён муайян шудааст).

32. "Созишномаи умумӣ" маънои созишномаи байни тарафҳои СХБ (дар поён муайян шудааст) ва ШМБҚ басташударо дорад,ки таъмин мекунад:

(а) шартҳои стандартӣ барои пешбурди он батамоми СХБ;

(b) муқаррароти марбут ба истифодабарӣ ва хизматрасонии техникии ҷараёни тағйирёбандаи барқ, ки қисми Лоиҳа аз рӯи ҳар як ШМИ мебошад;

(с) ҷудо намудани иқтидори интиқоли нерӯи барқи ҷараёни доимии барқ барои ҳар як давра мебошад;

(d) ҳама гуна иқтидоре, ки тарафҳо истифода намебаранд, метавонад ба тарафи дигар ҷудо карда шавад бо даромад аз боҷҳо ва маблағи муштараки байни тарафҳо;

(е) кафолат оид ба сабук гардонидани таъсири номусоиди ворид намудани тағйирот ба қонунгузорӣ ва ба андоз;

(f) маҷмӯи принсипҳо, ки хароҷот ва хавфҳо байни тарафҳо ба таври муштарак тақсим карда мешавад.

33. "ҶСК Шабакаи миллии нерӯи барқи Қирғизистон" ё "ШМБҚ" маънои ширкати миллии интиқоли нерӯи барқи Қирғизистон, ҷамъияти саҳомии кушодаро дорад, ки тибқи қонунҳои Ҷумҳурии Қирғизистон ва Муассисаи татбиқкунандаи Лоиҳа барои Лоиҳа аз номи Қирғизистон ва ё вориси он маҳсуб меёбад.

34. "Ширкати миллии интиқол ва таҳвили Ltd. 9F Покистон" ё "ШМИТ" маънои интиқол ва таҳвили нерӯи барқро дорад, ки фаъолияти худро дар асоси қонунҳои Покистон ва Муассисаи татбиқкунандаи Лоиҳа барои Лоиҳаи мазкур аз номи Покистон ё вориси он ба роҳ мондааст.

35. "Ширкатҳои миллии интиқоли нерӯи барқ" ё "ШМИ" маънои ширкатҳои миллии интиқоли нерӯи барқи давлатҳои аъзоро мефаҳмонад.

36. "Дастури амалиётӣ барои Барномаи дастгирии ҷамоатҳо" маънои дастури амалиётии барои Ассотсиатсияи қонеъкунандаро бо тавсифи муфассали андешидани чораҳои заруриро меаҳмонад, ки дар доираи Барномаи дастгирии ҷамоатҳо маблағгузорӣ мешавад, ки чӣ тавр ин чорабиниҳо интихоб ва амалӣ мегарданд.

37. "Давлатҳои аъзо" маънои Ҷумҳурии Исломии Афғонистон, Ҷумҳурии Қирғизистон, Ҷумҳурии Исломии Покистон ва Ҷумҳурии Тоҷикистонро дорад, ки ҳамаи онҳодар Лоиҳаи CASA-1000 иштирок менамоянд.

38. "Созишномаҳои хариди нерӯи барқ" ё "СХБ" дар маҷмӯъ маъноҳои зеринро ифода мекунанд:

(а) СХБ бояд байни НБШ ва ШМИТ/АМХБ ба имзо расад;

(b) СХБ бояд байни НБШ ва ШДБА ба имзо расад;

(c) СХБ бояд байни Барқи Тоҷик ва ШМИТ/АМХБ ба имзо расад;

(d) СХБ бояд байни Барқи Тоҷик ва ШДБА ба имзо расад;

(e) СХБ бояд байни ШДБА ва ШМИТ/АМХБ ба имзо расад.

39. "Дастур оид ба харидорӣ" маънои "Дастур оид ба харидории молҳо, корҳо ва хизматрасониҳои ғайримашваратиро оид ба Қарзи ББТР ва Карзу грантҳои АБР ба қарздиҳандагони Бонк"-ро аз моҳи январи соли 2011 ифода мекунад.

40. "Нақшаи харидорӣ" маънои нақшаи харидории Гирандаи грантро барои Лоиҳа аз 18 феврали соли 2014 бо истинод ба банди

1.18 Дастур оид харидорӣ ва банди 1.25 Дастур барои машваратчиёнро ифода мекунад, ки бояд ҳар вақт мутобиқи муқаррароти бандҳои номбурда аз нав мавриди баррасӣ қарор дода шаванд.

41. "Созишнома дар бораи Лоиҳа" маънои Созишнома байни Ассотсиатсия ва Муассисаи татбиқкунандаи Лоиҳа барои Лоиҳа буда метавонад ҳангоми зарурат тағйирот ворид карда шавад; истилоҳи мазкур тамоми замима ва созишномаҳоеро дар бар мегирад, ки ба Созишнома дар бораи Лоиҳа илова мебошанд.

42. "Гурӯҳи татбиқи Лоиҳа" маънои гурӯҳи татбиқи Лоиҳа мефаҳмонад, ки тибқи Оинномаи Муассисаи давлатии "Гурӯҳи татбиқи Лоиҳа барои бахши энергетика" таъсис дода шуда, аз тарафи Ҳукумати Ҷумҳурии Тоҷикистон бо қарори №613 аз 6 декабри соли 2013 тасдиқ карда шудааст.

43. "Қонунгузории Гурӯҳи татбиқи Лоиҳа" маънои Оинномаи Муассисаи давлатии "Гурӯҳи татбиқи Лоиҳа барои бахши энергетика"-ро дорад, ки аз тарафи Ҳукумати Ҷумҳурии Тоҷикистон бо қарори №613 аз 6 декабри соли 2013 тасдиқ карда шудааст.

44 . "Лоиҳаи муассисаҳои татбиқкунанда" маънои муассисаҳои татбиқкунандаи аз ҷониби Давлатҳои аъзо таъингардидаро мефаҳмонад, аз ҷумла:

(а) Ширкати "Da Afghanistan Breshna"-и Ҷумҳурии исломии Афғонистон;

(b) Нерӯгоҳи барқии Ширкати саҳомии кушодаи Ҷумҳурии Қирғизистон;

(с) Ширкати миллии интиқол ва таҳвили Ҷумҳурии исломии Покистон;

(d) ШСХК "Барқи Тоҷик"-и Ҷумҳурии Тоҷикистон.

45. "Муассисаи татбиқкунандаи Лоиҳа" маънои "Барқи Тоҷик"-ро дорад.

46. "Қонунгузории Муассисаи татбиқкунандаи Лоиҳа" маънои Оинномаи Ширкати саҳомии холдингии "Барқи Тоҷик"-ро мефаҳмонад, ки бо қарори Ҳукумати Ҷумҳурии Тоҷикистон №537 аз 31 октябри соли 2008 тасдиқ шудааст.

47. "Арзёбии минтақавии муҳити зист" ё "АММ" маънои гузоришро дорад, ки аз номи давлатҳои аъзо таҳия гардида, мақсади Гирандаи грантро аз 11 ноябри соли 2013 ошкор менамояд ва тадқиқоти қаблиро оид ба таъсири эҳтимолии экологӣ ва иҷтимоии чорабиниҳое, ки мутобиқи Лоиҳа гузаронида мешаванд, аз ҷумла ҳар гуна таъсири эҳтимолӣ, инчунин тавсияҳоро барои давлати мушаххас оид ба таъсири оқибатҳои экологӣ ва иҷтимоӣ дар бар мегирад.

48. "Ҳуҷҷат оид ба сиёсати кӯчонидан" ё "ҲСК" маънои ҳуҷҷат оид ба сиёсати кӯчонидан аз 28 январи соли 2014 ро дорад, ки аз ҷониби Муасиссаи татбиқкунандаи Лоиҳа таҳия ва тасдиқ шуда, дар шакл ва мазмун ба Ассотсиатсия қобили қабул мебошад; ҳуҷҷати мазкур сиёсат ва расмиёти ба даст овардани замин ва дигар амвол, ҷуброн, кӯчонидан ва барқарорсозии муҳоҷирони иҷборӣ, инчунин таҳияи Нақшаи амалиёт оид ба кӯчонидан фаҳмонида медиҳад, ки барои фаъолияти Лоиҳа зарур буда, ҳар вақт бо розигии хаттии пешакии Ассотсиатсия аз нав дида баромада мешавад; ва чунин истилоҳот ба тамоми замимаҳо ва созишномаҳои ба он алоқаманд дахл дорад.

49. "Нақшаи амалиёт оид ба кӯчонидан" ё "НАК" маънои Нақшаи амалиёт оид ба кӯчониданро дорад, ки аз ҷониби Муассисаи татбиқкунандаи Лоиҳа таҳия гардида, дар шакл ва мазмун ба Ассотсиатсия қобили қабул мебошад ва мутобиқи ҲСК чораҳои зерини заруриро барои таъмини шахсони иҷборӣ меандешад, ки аз инҳо иборатанд:

(a) иттилоот дар бораи имконот ва ҳуқуқҳои ҷойгиркунии онҳо;

(b), машваратдиҳӣ, интихоб ва таъминоти техникӣ ва иқтисодӣ алтернативаҳои воқеӣ вобаста бо кӯчонидан;

(c) таъмин менамояд, ки:

(i) арзиши пурраи кӯчонидан ва талафоти ашёе, ки ба Лоиҳа вобаста аст, ба таври фаврӣ ва самаранок ҷуброн карда шавад;

(ii) дар кӯчонидан (ба монанди кӯмакпулӣ) кӯмак расонад;

(iii) бо манзил ё қитъаи замин, воситаҳои кишоварзӣ, ки дар якҷоягӣ иқтидори истеҳсолӣ, афзалияти ҷойгиршавӣ ва омилҳои дигарро дар бар мегирад, на камтар аз эквиваленти афзалиятҳои пештара бошад;

(d) дастгирии пас аз тағйири макон, дар давраи гузариш, дар асоси арзёбии асосноки вақт, ки ба барқарорсозии воситаҳои зиндагӣ ва сатҳи зиндагии онҳо мегардад;

(e) кӯмаки рушд илова бар тадбирҳои дар боло зикргардидаи ҷубронпулӣ, ба монанди омодасозии хок, қарз, омӯзиш ё бо кор таъмин намудан расонида мешавад.

50. "Чораҳои муҳофизатӣ" маънои АММ, НИМЗ, АТЭИ, ҲСК ва НАК-ро дорад.

51. "Созишномаи фаръӣ" маънои созишномаеро дорад, ки ба он дар Фасли 1С Замимаи 2 Созишномаи мазкур истинод шудааст, ки тибқи он Гирандаи грант ӯҳдадор мешавад воситаҳои маблағгузориро ба Муассисаи татбиқкунандаи Лоиҳа пешниҳод намояд.

52. "Рамзи техникӣ" маънои рамзи техникиро дорад, ки расмиёту принсипҳои амалиётии робитаи байни оператори ҷараёни тағйирёбандаи нерӯи барқи ҳар як ширкати миллии интиқоли барқ ва ҳамаи истифодабарандагони дигар низоми интиқоли CASA 1000ро танзим карда, ба сифати рамз баромад мекунад ва ба он ҳар вақт метавон тибқи шартҳои он тағйирот ворид намуд.