Ҳукумати Ҷумҳурии Тоҷикистон

ҚАРОР

Дар бораи масъалаҳои корхонаҳои фаръии обтаъминкунӣ ва канализатсияи Корхонаи воҳиди давлатии "Хоҷагии манзилию коммуналӣ"

Мутобиқи моддаҳои 58, 59 Кодекси граждании Ҷумҳурии Тоҷикистон ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Корхонаи давлатии фаръии обтаъминкунӣ ва канализатсияи шаҳри Турсунзода, корхонаҳои фаръии обу канализатсияи ноҳияҳои Рӯдакӣ, Шаҳринав, Ҳисор, Корхонаи фаръии давлатии обтаъминкунӣ, канализатсия ва гармидиҳии шаҳри Ваҳдати Корхонаи воҳиди давлатии "Хоҷагии манзилию коммуналӣ" дар шакли муттаҳидсозӣ аз нав ташкил карда шуда, Корхонаи фаръии обтаъминкунӣ ва канализатсияи шаҳру ноҳияҳои тобеи ҷумҳурии Корхонаи воҳиди давлатии "Хоҷагии манзилию коммуналӣ" таъсис дода шавад.

2. Корхонаҳои давлатии фаръии обтаъминкунӣ ва канализатсияи шаҳрҳои Исфара, Конибодом, Истиқлол, Қайроққум, Чкалов, инчунин ноҳияҳои Бобоҷон Ғафуров, Ҷаббор Расулов, Ашт ва Мастчоҳи Корхонаи воҳиди давлатии "Хоҷагии манзилию коммуналӣ" дар шакли муттаҳидсозӣ аз нав ташкил карда шуда, Корхонаи фаръии обтаъминкунӣ ва канализатсияи шаҳру ноҳияҳои минтақаи 1 вилояти Суғди Корхонаи воҳиди давлатии "Хоҷагии манзилию коммуналӣ" таъсис дода шавад.

3. Корхонаи фаръии обтаъминкунӣ ва канализатсияи шаҳру ноҳияҳои тобеи ҷумҳурии Корхонаи воҳиди давлатии "Хоҷагии манзилию коммуналӣ" ва Корхонаи фаръии обтаъминкунӣ ва канализатсияи шаҳру ноҳияҳои минтақаи 1 вилояти Суғди Корхонаи воҳиди давлатии "Хоҷагии манзилию коммуналӣ", бо дарназардошти қарзҳои дебиторӣ ва кредиторӣ, ворисони ҳуқуқии корхонаҳои тибқи бандҳои 1 ва 2 қарори мазкур муттаҳидгардида муайян карда шаванд.

4. Корхонаи воҳиди давлатии "Хоҷагии манзилию коммуналӣ" тибқи тартиби муқарраргардида:

- дар мувофиқа бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон қабулу супоридани амволи корхонаҳои дар бандҳои 1 ва 2 қарор зикргардидаро таъмин намояд;

- масъалаҳои ташкилию ҳуқуқии Корхонаи фаръии обтаъминкунӣ ва канализатсияи шаҳру ноҳияҳои тобеи ҷумҳурии Корхонаи воҳиди давлатии "Хоҷагии манзилию коммуналӣ" ва Корхонаи фаръии обтаъминкунӣ ва канализатсияи шаҳру ноҳияҳои минтақаи 1 вилояти Суғди Корхонаи воҳиди давлатии "Хоҷагии манзилию коммуналӣ"-ро ҳал намояд;

- оинномаҳо, нақшаи молиявӣ, рӯйхати мансабҳои Корхонаи фаръии обтаъминкунӣ ва канализатсияи шаҳру ноҳияҳои тобеи ҷумҳурии Корхонаи воҳиди давлатии "Хоҷагии манзилию коммуналӣ" ва Корхонаи фаръии обтаъминкунӣ ва канализатсияи шаҳру ноҳияҳои минтақаи 1 вилояти Суғди Корхонаи воҳиди давлатии "Хоҷагии майзилию коммуналӣ"-ро тасдиқ намояд.

5. Ба Рӯйхати иншооте, ки ба таркиби Корхонаи воҳиди давлатии "Хоҷагии манзилию коммуналӣ" шомиланд, ки бо қарори Ҳукумати Ҳумҳурии Тоҷикистон аз 31 июли соли 2001, № 357 "Дар бораи Корхонаи воҳиди давлатии "Хоҷагии манзилию коммуналӣ" тасдиқ шудааст, тағйиру иловаҳои зерин ворид карда шаванд:

- бандҳои 2, 3, 4, 11, 14, 15, 23 ва 25 хориҷ гардида, рақамгузории бандҳои дахлдор иваз карда шаванд;

- сархатҳои нав бо мазмуни зайл илова карда шаванд:

"- Корхонаи фаръии обтаъминкунӣ ва канализатсияи шаҳру ноҳияҳои тобеи ҷумҳурӣ;

Корхонаи фаръии обтаъминкунӣ ва канализатсияи шаҳру ноҳияҳои минтақаи 1 вилояти Суғд.".