Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, №612

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 28 декабри соли 2006, № 612 "Дар бораи Хадамоти гумруки назди Ҳукумати Ҷумҳурии Тоҷикистон" тағйиру иловаҳои зерин ворид карда шавад:

а) дар банди 2 қарор рақами "150" ба рақами "170" иваз карда шавад;

б) дар сархати шашуми Сохтори Дастгоҳи марказии Хадамоти гумруки назди Ҳукумати Ҷумҳурии Тоҷикистон (Замимаи 2), калимаҳои "Раёсати кадрҳо, кор бо ҳайати шахсӣ ва корҳои махсус" ба калимаҳои "Раёсати кадрҳо ва кор бо ҳайати шахсӣ" иваз карда шуда, сархатҳои чордаҳум ва понздаҳум бо мазмуни зайл илова карда шаванд:

"Раёсати амнияти дохилӣ

Шӯъбаи оперативии навбатдорӣ";

в) аз Нақшаи идоракунии Хадамоти гумруки назди Ҳукумати Ҷумҳурии Тоҷикистон (Замимаи 3), сархати зерин хориҷ карда шавад:

"Раёсати муҳофизати гумрукӣ ва таъминоти низом".

2. Хадамоти гумруки назди Ҳукумати Ҷумҳурии Тоҷикистон:

- сохтори худро дар доираи басти кории муқарраргардида ва фонди музди меҳнат таҷдиди назар намояд;

- санадҳои худро ба қарори мазкур мутобиқ намояд.