Ҳукумати Ҷумҳурии Тоҷикистон

ҚАРОР

Дар бораи табдил додани литсей-интернатҳои муштараки тоҷикӣ-туркӣ ба муассисаҳои давлатии таълимии литсейҳо барои хонандагони болаёқат

Мутобиқи моддаҳои 52 ва 132 Кодекси граждании Ҷумҳурии Тоҷикистон, моддаҳои 42 ва 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи таълимии "Литсей-интернати муштараки тоҷикӣ-туркии Ҳоҷӣ Камоли шаҳри Душанбе", Муассисаи таълимии "Литсей-интернати муштараки тоҷикӣ-туркии иқтисодии шаҳри Душанбе", Муассисаи таълимии "Литсей-интернати муштараки тоҷикӣ-туркии шаҳри Хуҷанд", Муассисаи таълимии "Литсей-интернати муштараки тоҷикӣ-туркии шаҳри Турсунзода", Муассисаи таълимии "Литсей-интернати муштараки тоҷикӣ-туркии ба номи Мавлоно Ҷалолиддини Румии шаҳри Қӯрғонтеппа" ва Муассисаи таълимии "Литсей-интернати муштараки тоҷикӣ-туркии шаҳри Кӯлоб" бо нигоҳ доштани иншооти мавҷуда, воҳидҳои кории амалкунанда ва бо тартиби худмаблағгузорӣ мутаносибан ба Муассисаи давлатии таълимии "Литсей барои хонандагони болаёқат" дар шаҳри Душанбе, Муассисаи давлатии таълимии "Литсей барои хонандагони болаёқати равияи иқтисодӣ" дар шаҳри Душанбе, Муассисаи давлатии таълимии "Литсей барои хонандагони болаёқат" дар шаҳри Хуҷанд, Муассисаи давлатии таълимии "Литсей барои хонандагони болаёқат" дар шаҳри Турсунзода, Муассисаи давлатии таълимии "Литсей барои хонандагони болаёқат" дар шаҳри Қӯрғонтеппа, Муассисаи давлатии таълимии "Литсей барои хонандагони болаёқат" дар шаҳри Кӯлоб табдил дода шаванд.

2. Вазорати маориф ва илми Ҷумҳурии Тоҷикистон якҷоя бо вазорату идораҳои дахлдор тибқи тартиби муқарраргардида масъалаҳои ташкилию ҳуқуқии муассисаҳои мазкурро ҳал намоянд.

3. Вазорати маориф ва илми Ҷумҳурии Тоҷикистон якҷоя бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон тибқи тартиби муқарраргардида қабул ва супоридани биною иншоот ва дигар амволи муассисаҳои дар банди 1 қарор зикргардидаро таъмин намояд.

4. Ба Номгӯи ташкилоту муассисаҳои системаи Вазорати маориф ва илми Ҷумҳурии Тоҷикистон, ки бо қарори Ҳукумати Ҷумҳурии Тоҷикисто аз 3 марти соли 2014, № 145 "Дар бораи Вазорати маориф ва илми Ҷумҳурии Тоҷикистон" тасдиқ шудааст, сархатҳои нав бо мазмуни зайл илова карда шавад:

- Муассисаи давлатии таълимии "Литсей барои хонандагони болаёқат" дар шаҳри Душанбе;

- Муассисаи давлатии таълимии "Литсей барои хонандагони болаёқати равияи иқтисодӣ" дар шаҳри Душанбе;

- Муассисаи давлатии таълимии "Литсей барои хонандагони болаёқат" дар шаҳри Хуҷанд;

- Муассисаи давлатии таълимии "Литсей барои хонандагони болаёқат" дар шаҳри Турсунзода;

- Муассисаи давлатии таълимии "Литсей барои хонандагони болаёқат" дар шаҳри Қӯрғонтеппа;

- Муассисаи давлатии таълимии "Литсей барои хонандагони болаёқат" дар шаҳри Кӯлоб.

5. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба маълумоти баҳисобгирӣ тағйироти дахлдор ворид намояд.

6. Қарори Шӯрои Вазирони Ҷумҳурии Тоҷикистон аз 19 августи соли 1994, № 413 "Оид ба масъалаҳои литсейҳои Тоҷикистону Туркия" аз эътибор соқит дониста шавад.