Ҳукумати Ҷумҳурии Тоҷикистон

ҚАРОР

Дар бораи таъсиси Комиссияи миллӣ оид ба ирригатсия ва дренаж

Мутобиқи моддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Комиссияи миллӣ оид ба ирригатсия ва дренаж дар Ҷумҳурии Тоҷикистон таъсис дода шавад.

2. Низомнома ва ҳайати Комиссияи миллӣ оид ба ирригатсия ва дренаж тасдиқ карда шаванд (замимаҳои 1 ва 2).

3. Ба Агентии беҳдошти замин ва обёрии назди Ҳукумати Ҷумҳурии Тоҷикистон вазифаҳо оид ба таъмини иштироки Ҷумҳурии Тоҷикистон дар кори Комиссияи байналмилалӣ оид ба ирригатсия ва дренаж вогузор карда шавад.