Бо Фармони Президенти ҶТ аз 15.08.2016 № 737 аз эътибор соқит дониста шуд.

ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба Феҳристи мансабҳои давлатии Ҷумҳурии Тоҷикистон, ки бо Фармони Президенти Ҷумҳурии Тоҷикистон аз 2 августи соли 2008 № 503 тасдиқ карда шудааст

Мутобиқи моддаи 9 Қонуни Ҷумҳурии Тоҷикистон "Дар бораи хизмати давлатӣ" ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба Феҳристи мансабҳои давлатии Ҷумҳурии Точикистон, ки бо Фармони Президенти Ҷумҳурии Тоҷикистон аз 2 августи соли 2008 № 503 "Дар бораи Феҳристи мансабҳои давлатии Ҷумҳурии Тоҷикистон" тасдиқ шудааст, тағйиру иловаҳои зерин ворид карда шаванд:

1) Дар боби 1 фасли II:

- дар сархати дуюм калимаҳои "муовини якуми ӯ" ба калимаҳои "муовини якум ва муовинони ӯ" иваз карда шаванд;

- дар сархати нӯҳум баъд аз калимаҳои "Ҷумҳурии Тоҷикистон" калимаҳои "ва муовини ӯ" илова карда шаванд.

2) Дар параграфи 1 боби 2 фасли II:

- аз Мансабҳои категорияи олӣ калимаҳои "Муовини Роҳбари Дастгоҳи иҷроияи Президенти Ҷумҳурии Тоҷикистон" хориҷ карда шаванд;

- аз Мансабҳои категорияи якум калимаҳои "Мудири бахши мустақил" хориҷ карда шаванд.

3) Дар банди 7 параграфи 4 боби 2 фасли II;

- ба зербанди 7.1 дар Мансабҳои категорияи якум сатри нав "Муовини сардори сарраёсат" илова карда шуда, аз Мансабҳои категорияи дуюм калимаҳои "Муовини сардори сарраёсат" хориҷ карда шаванд;

- ба зербанди 7.2 дар Мансабҳои категорияи якум ва дуюм мувофиқан сатрҳои "Сардори раёсат" ва "Муовини сардори раёсат" илова карда шуда, аз Мансабҳои категорияи сеюм калимаҳои "Сардори раёсат" ва "Муовини сардори раёсат" хориҷ карда шаванд;

- ба зербанди 7.2 дар Мансабҳои категорияи сеюм сатри "Сардори шӯьба (шаҳр, ноҳия)" илова карда шавад.

4) Дар параграфи 12 боби 2 фасли II:

- дар банди 2 сатри "Мансабҳои категорияи олӣ" ва дар он мувофиқан сатрҳои "Муовини аввали раис" ва "Муовини раис" илова карда шуда, аз Мансабҳои категорияи якум калимаҳои "Муовини аввали раис" ва "Муовини раис" хориҷ карда шаванд;

- дар банди 2.1 сатри "Мансабҳои категорияи якум" ва дар он сатрҳои "Раиси кумита" ва "Сардори раёсат" илова карда шуда, аз Мансабҳои категорияҳои сеюм калимаҳои "Раиси кумита" ва "Сардори раёсат" хориҷ карда шаванд;

- дар банди 2.1 сатри "Мансабҳои категорияи дуюм" ва дар он сатрҳои "Муовини раиси кумита" ва "Муовини сардори раёсат" илова карда шуда, аз Мансабҳои категорияҳои сеюм калимаҳои "Муовини раиси кумита" ва "Муовини сардори раёсат" хориҷ карда шаванд.

5) Дар параграфи 13 боби 2 фасли II:

- аз Мансабҳои категорияи якум сатри "Раиси ҷамоати шаҳрак, деҳот" хориҷ карда шуда, ба Мансабҳои категорияи дуюм сатри "Раиси ҷамоати шаҳрак, деҳот" илова карда шавад;

- аз Мансабҳои категорияи дуюм сатри "Муовини раиси ҷамоати шаҳрак, деҳот" хориҷ карда шуда, ба Мансабҳои категорияи сеюм сатри "Муовини раиси ҷамоати шаҳрак, деҳот" илова карда шавад. Эмомалӣ Раҳмон