Ҳукумати Ҷумҳурии Тоҷикистон

ҚАРОР

Дар бораи Тартиби вогузор намудани функсияҳои мақомоти иҷроияи марказии ҳокимияти давлатӣ ба мақомоти худидоракунии шаҳрак, деҳот, ташкилотҳо ва бастани шартномаи маъмурӣ

Мутобиқи моддаи 20 Қонуни Ҷумҳурии Тоҷикистон "Дар бораи низоми мақомоти идоракунии давлатии Ҷумҳурии Тоҷикистон" ва бо мақсади танзими расмиёти вогузор намудани функсияҳои ҳокимияти иҷроия ба мақомоти худидоракунии шаҳраку деҳот ва ташкилотҳо, Ҳукумати Ҷумҳурии Тоҷикистон қарор мекунад:

1. Тартиби вогузор намудани функсияҳои мақомоти иҷроияи марказии ҳокимияти давлатӣ ба мақомоти худидоракунии шаҳрак, деҳот, ташкилотҳо ва бастани шартномаи маъмурӣ тасдиқ карда шавад (замима мегардад).

2. Мақомоти иҷроияи марказӣ ва маҳаллии ҳокимияти давлатӣ, мақомоти худидоракунии шаҳраку деҳот ва ташкилотҳо иҷрои Тартиби мазкурро дар доираи ваколатҳои худ таъмин намоянд.