Ҳукумати Ҷумҳурии Тоҷикистон

ҚАРОР

Дар бораи таъсиси Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон

Мутобиқи моддаи 16 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон"  Ҳукумати Ҷумҳурии Тоҷикистон қарор мекунад(қарори Ҳукумати ҶТ аз 26.06.2021 № 256):

1. Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон таъсис дода шавад (қарори Ҳукумати ҶТ аз 26.06.2021 № 256).

2. Низомнома ва ҳайати Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон тасдиқ карда шаванд (замима мегарданд)(қарори Ҳукумати ҶТ аз 26.06.2021 № 256).

3. Раисони Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо шӯроҳои вилоятӣ, шаҳрӣ ва ноҳиявиро таъсис дода, фаъолияти пурсамари онро таъмин намоянд .

4. Шӯрои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон ва шӯроҳо оид ба ҳамоҳангсозии фаъолият дар соҳаи сайёҳӣ дар назди раисони Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо фаъолияти худро дар асоси Қонуни Ҷумҳурии Тоҷикистон "Дар бораи сайёҳӣ", дигар санадҳои меъёрии ҳуқуқии дахлдор ва Низомномаи мазкур ба роҳ монанд(қарори Ҳукумати ҶТ аз 26.06.2021 № 256).