ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи таъсиси Шӯрои миллии кор бо ҷавонон дар назди Президенти Ҷумҳурии Тоҷикистон

Мутобиқи моддаи 29 Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон" фармон медиҳам:

1. Шӯрои миллии кор бо ҷавонон дар назди Президенти Ҷумҳурии Тоҷикистон таъсис дода шавад.

2. Низомнома ва ҳайати Шӯрои миллии кор бо ҷавонон дар назди Президенти Ҷумҳурии Тоҷикистон тасдиқ карда шаванд (замима мегарданд).

3. Раисони Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо шӯроҳои маҳаллии (вилоятӣ, шаҳрӣ ва ноҳиявӣ) кор бо ҷавононро дар назди мақомоти маҳаллии кор бо ҷавонон таъсис дода, фаъолияти пурсамари онҳоро таъмин намоянд.

4. Шӯрои миллии кор бо ҷавонон дар назди Президенти Ҷумҳурии Тоҷикистон ва шӯроҳои маҳаллии кор бо ҷавонон дар назди мақомоти маҳаллии кор бо ҷавонони Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо фаъолияти худро дар асоси Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон", Низомномаи Шӯрои миллии кор бо ҷавонон дар назди Президенти Ҷумҳурии Тоҷикистон ва дигар санадҳои меъёрии ҳуқуқии дахлдор амалӣ намоянд.