Ҳукумати Ҷумҳурии Тоҷикистон

ҚАРОР

Дар бораи Муассисаи давлатии "Донишкадаи давлатии санъати Тоҷикистон ба номи Мирзо Турсунзода"

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи давлатии "Донишкадаи давлатии санъати Тоҷикистон ба номи Мирзо Турсунзода" ба "Муассисаи давлатии таълимии "Донишкадаи давлатии фарҳанг ва санъати Тоҷикистон ба номи Мирзо Турсунзода" номгузорӣ карда шавад.

2. Дар Номгӯи муассисаву ташкилотҳои системаи Вазорати фарҳанги Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 604 "Дар бораи Вазорати фарҳанги Ҷумҳурии Тоҷикистон" тасдиқ шудааст, калимаҳои "Муассисаи давлатии "Донишкадаи давлатии санъати Тоҷикистон ба номи Мирзо Турсунзода" ба калимаҳои "Муассисаи давлатии таълимии "Донишкадаи давлатии фарҳанг ва санъати Тоҷикистон ба номи Мирзо Турсунзода" иваз карда шаванд.

3. Дар Номгӯи муассисаҳои таълимии давлатӣ ва ғайридавлатие, ки фаъолияташонро дар соҳаи маориф дар асоси созишномаҳои дуҷониба бо Вазорати маориф ва илми Ҷумҳурии Тоҷикистон анҷом медиҳанд, ки бо қарори Ҳукумати Ҷумҳурии Тоҷикистон аз 3 марти соли 2014, № 145 тасдиқ шудааст, калимаҳои "Донишкадаи давлатии санъати Тоҷикистон ба номи Мирзо Турсунзода" ба калимаҳои "Муассисаи давлатии таълимии "Донишкадаи давлатии фарҳанг ва санъати Тоҷикистон ба номи Мирзо Турсунзода" иваз карда шаванд.

4. Вазорати фарҳанги Ҷумҳурии Тоҷикистон мувофиқи тартиби муқарраргардида масъалаҳои ташкилию ҳуқуқии марбут ба ивазшавии номи муассисаи мазкурро ҳаллу фасл намуда, санадҳои меъёрии ҳуқуқии худро бо қарори мазкур мутобиқ намояд.