Ҳукумати Ҷумҳурии Тоҷикистон

ҚАРОР

Дар бораи Низомномаи намунавии Шӯрои нозирони ҷамъияти саҳомӣ

Мутобиқи моддаи 14 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:

1. Низомномаи намунавии Шӯрои нозирони ҷамъияти саҳомӣ тасдиқ карда шавад (замима мегардад).

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва дигар мақомоти идоракунии давлатии Ҷумҳурии Тоҷикистон дар фаъолияти худ дар ҷамъиятҳои саҳомии бо иштироки давлат таъсисдодашуда Низомномаи намунавии мазкурро ба роҳбарӣ гиранд.

3. Низомномаи намунавии мазкур ба ҷамъиятҳои саҳомии бе иштироки давлат амалкунанда ҷиҳати истифода дар фаъолияти худ тавсия дода шавад.