ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи масъалаҳои Кумитаи рушди маҳали назди Президенти Ҷумҳурии Тоҷикистон

Мутобиқи моддаи 69 Конститутсияи (Сарқонуни) Ҷумҳурии Тоҷикистон ва бо мақсади ҳамоҳангсозии фаъолияти мақомоти маҳаллии ҳокимияти давлатӣ ва мақомоти худидоракунни шаҳрак ва деҳот, инчунин мусоидат ба рушди минтақаҳои кишвар, фармон медиҳам:

1. Низомнома ва Сохтори дастгоҳи марказии Кумитаи рушди маҳали назди Президенти Ҷумҳурии Тоҷикистон тасдиқ карда шаванд (замимаҳои 1 ва 2).

2. Шумораи ниҳоии кормандони Кумитаи рушди маҳали назди Президенти Ҷумҳурии Тоҷикистон 35 воҳид (бе дарназардошти ҳайати хизматрасон) муқаррар карда шавад.

3. Ба Кумитаи рушди маҳали назди Президенти Ҷумҳурии Тоҷикистон ду муовини Раис, аз ҷумла як муовини якум, инчунин Ҳайати мушовара иборат аз 5 нафар ва лимити автомашинаҳои сабукрави хизматӣ ба миқдори 3 адад муқаррар карда шавад.

4. Маблағгузории Кумитаи рушди маҳали назди Президенти Ҷумҳурии Тоҷикистон аз ҳисоби маблағҳои буҷети ҷумҳуриявӣ ва дигар манбаъҳо дар мувофиқа бо Вазорати молияи Ҷумҳурии Тоҷикистон анҷом дода шавад.

5. Ҳукумати Ҷумҳурии Тоҷикистон:

- ҷудо намудани маблағ ва таъминоти дигари моддию техникии Кумитаи рушди маҳали назди Президенти Ҷумҳурии Тоҷикистонро амалӣ намояд:

- дар мӯҳлати ду моҳ санадҳои меъёрии ҳуқуқии худро ба Фармони мазкур мутобиқ намояд;

- ба Кумитаи рушди маҳали назди Президенти Ҷумҳурии Тоҷикистон бино ҷудо намояд.