Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 2 ноябри соли 2013, №495

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба замимаи 1 қарори Ҳукумати Ҷумҳурии Тоҷикистон аз 2 ноябри соли 2013, № 495 "Дар бораи Шӯрои ҳамоҳангсозӣ оид ба бехатарии маҳсулоти хӯрокворӣ" тағйиру иловаҳои зерин ворид карда шаванд:

- дар матни замимаи 1 калимаҳои "тандурустии" ва "энергетика ва саноати" мутаносибан ба калимаҳои "тандурустӣ ва ҳифзи иҷтимоии аҳолии" ва "саноат ва технологияҳои нави" иваз карда шаванд;

- ба ҳайати Шӯрои ҳамоҳангсозӣ оид ба бехатарии маҳсулоти хӯрокворӣ сархатҳои шонздаҳум ва ҳабдаҳум бо мазмуни зайл илова карда шаванд:

"Сардори Нозироти савдои Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон;

Сардори шӯъбаи стандартонии Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон.".