ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи Консепсияи сиёсати хориҷии Ҷумҳурии Тоҷикистон

Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:

1. Консепсияи сиёсати хориҷии Ҷумҳурии Тоҷикистон тасдиқ карда шавад (замима мегардад).

2. Ҳукумати Ҷумҳурии Тоҷикистон ҷиҳати татбиқи Консепсияи сиёсати хориҷии Ҷумҳурии Тоҷикистон тадбирҳо андешад.

3. Мақомоти ҳокимияти давлатии Ҷумҳурии Тоҷикистон дар фаъолияти худ муқаррароти Консепсияи сиёсати хориҷии Ҷумҳурии Тоҷикистонро таҳти роҳбарӣ қарор диҳанд.

4. Вазорати корҳои хориҷии Ҷумҳурии Тоҷикистон ҳамоҳангсозии фаъолияти мақомоти ҳокимияти давлатиро ҷиҳати татбиқи муқаррароти Консепсияи сиёсати хориҷии Ҷумҳурии Тоҷикистон ва назорати иҷрои он таъмин намояд.

5. Фармони Президенти Ҷумҳурии Тоҷикистон аз 24 сентябри соли 2002, № 900 аз эътибор соқит дониста шавад.